Fréttablaðið - 22.04.2004, Blaðsíða 19
19FIMMTUDAGUR 22. apríl 2004
HRYÐJUVERKAMENN KRÓAÐIR AF
Jórdanskar sérsveitir umkringdu hús í
austurhluta Amman þar sem meintir
hryðjuverkamenn héldu til.
Þrír hryðjuverkamenn
felldir:
Skipulögðu
efnavopna-
árás
JÓRDANÍA, AP Jórdanska lögreglan
skaut til bana þrjá menn sem grun-
aðir eru um aðild að hryðjuverka-
samtökum með tengsl við al-Kaída.
Tveir mannanna eru útlendingar
en talið er að þeir hafi ætlað að
koma fyrir sprengju í höfuðborg-
inni sem hefði kostað að minnsta
kosti 20.000 manns lífið.
Lögreglan gerði áhlaup á
fylgsni hryðjuverkamannanna í
austurhluta höfuðborgarinnar
Amman í fyrradag eftir að hafa
fengið nafnlausa ábendingu. Skot-
bardagi braust út þegar lögreglan
reyndi að telja mennina á að gef-
ast upp. Að sögn embættismanna
er talið að þremenningarnir hafi
tilheyrt hryðjuverkahópi sem hafi
verið að undirbúa efnavopnaárás
á skrifstofur forsætisráðherra
Jórdaníu. ■
Afganistan:
Fótboltaliðið
lagt niður
AFGANISTAN, AP Knattspyrnusam-
band Afganistans hefur ákveðið
að leggja niður landslið landsins
eftir að níu leikmenn liðsins létu
sig hverfa þegar til stóð að liðið
tæki þátt í góðgerðaleik á Ítalíu í
síðustu viku. Einhverjir þeirra
hafa skotið upp kollinum í Þýska-
landi og Belgíu en nokkrir eru enn
ófundnir en talsmaður knatt-
spyrnusambandsins sagði að þeir
hefðu smánað þjóð sína með flótt-
anum. Ekkert varð úr góðgerða-
leiknum en til stóð að það fé sem
safnaðist þar rynni til styrktar
heilbrigðiskerfinu í Afganistan. ■
Fjarðabyggð:
Eskja í fararbroddi
FJARÐABYGGÐ Eskja hf. á Eskifirði
er fyrsta fiskimjölsverksmiðjan
á Íslandi sem fær svokallaða
FEMAS vottun á framleiðslu lýs-
is og mjöls. Fljótlega munu allar
afurðir sem notaðar eru til fóð-
urgerðar í löndum Evrópusam-
bandsins þurfa slíka vottun.
Á vottuninni segir að Eskja
megi nota FEMAS-stimpilinn
fyrir „The Production and Supp-
ly of Icelandic fish meal and
crude fish oil for use in fish and
other animal feeds“.
Í tilkynningu segir að það sé
mikill styrkur fyrir Eskju að
vera komin með þessa vottun
núna því innan skamms munu
allar afurðir sem notaðar eru til
fóðurgerðar í löndum Evrópu-
sambandsins þurfa að hafa slíka
vottun.
Áður en Eskja fékk vottunina
þurfti fyrirtækið, og sérstaklega
mjöl- og lýsisvinnsla þess, að fara
í gegnum mikla skoðun þar sem
farið var yfir allt framleiðsluferl-
ið, allt frá veiðum að útskipun af-
urða. Verksmiðjan sjálf var
grandskoðuð og var breskur út-
tektaraðili í tvo daga að vinna það
verk, fara yfir skráningar og
vinnureglur í verksmiðjunni og
einnig var farið yfir vinnureglur
yfirstjórnar á málefnum tengdum
vinnslunni. ■
ESKIFJÖRÐUR
Fiskimjölsverksmiðja Eskju hefur fyrst íslenskra verksmiðja fengið gæðavottun á fram-
leiðslu lýsis og mjöls. Innan tíðar verður öllum verksmiðjum sem selja afurðir sínar til
Evrópusambandslanda gert að hafa slíka vottun.