Fréttablaðið - 22.04.2004, Blaðsíða 45
33FIMMTUDAGUR 22. apríl 2004
Gravesen og
Radzinski sáttir:
Framlengja
við Everton
KNATTSPYRNA Tveir af lykilmönn-
um enska úrvalsdeildarliðsins
Everton hafa samþykkt að fram-
lengja samning sinn við félagið.
Þeir eru Daninn Thomas
Gravesen og Kanadamaðurinn
Tomasz Radzinski.
Báðir leikmenn eiga fjórtán
mánuði eftir af núverandi samn-
ingi við félagið og hafa þeir hand-
salað nýjan samning við Davbid
Moyes, stjóra félagsins, en skrif-
að verður undir samningana í
sumar. Þeir verða báðir til
tveggja ára. ■
Puma ver umdeilda búninga:
Eru ekki ólöglegir
KNATTSPYRNA Íþróttavöruframleið-
andinn Puma hélt uppi vörnum í
gær fyrir hinn umdeilda búning
sem landslið Kamerún notaði í
Afríkukeppninni á dögunum. Bún-
ingurinn er heilgalli en ekki
treyja og stuttbuxur eins og hefur
tíðkast hingað til. Alþjóðaknatt-
spyrnusambandið, FIFA, sektaði
knattspyrnusamband Kamerún
fyrir stuttu vegna búningsins og
dró jafnframt sex stig af þjóðinni
í undankeppni HM.
„Við sýndum FIFA þennan bún-
ing og þeir kvörtuðu ekki yfir
neinu,“ sagði Horst Widmann,
stjórnarmaður hjá Puma. „Það
var tekin lokaákvörðun um að
nota þennan búning eftir blaða-
mannafund með Sepp Blatter, for-
manni FIFA. Þess vegna er þetta
óskiljanleg ákvörðun hjá FIFA.“
Forráðamenn Puma halda því
einnig fram að búningurinn sé
ekki einu sinni ólöglegur eins og
forráðamenn FIFA vilja meina.
Reglur FIFA kveða á um að
keppninsbúningur skuli vera
treyja, stuttbuxur, sokkar, legg-
hlífar og skór.
„Það er hvergi minnst á það í
reglunum að stuttbuxurnar og
treyjan skuli vera aðskilin. Treyj-
an og stuttbuxurnar gegna sínu
hlutverki eins og venjulega en
eini munurinn er að þau eru saum-
uð saman. Það hefði vel verið
hægt að klippa bara í sundur ef
þetta hefði verið eitthvað vanda-
mál,“ sagði Widmann.
Puma hefur sett málið inn á
borð hjá lögfræðingum sínum og
málaferli eru ekki útilokuð. ■
Liverpool mun
opna veskið
Forráðamenn Liverpool ætla að eyða 30 milljónum punda í
nýja leikmenn í sumar
KNATTSPYRNA Fréttir frá Liver-
pool þessa dagana herma að for-
ráðamenn félagsins séu tilbúnir
að opna veskið almennilega í
þeirri von að það muni koma fé-
laginu á ný í fremstu röð. Fjöl-
margir leikmenn eru á óskalista
Gerards Houllier, stjóra liðsins,
sem einnig þarf að losa sig við
nokkra leikmenn sem hafa ekki
staðið undir væntingum.
14 milljónir punda hafa þegar
verið teknar frá fyrir framherj-
ann Djibril Cisse sem leikur
með Auxerre. Félagi Cisse hjá
Auxerre, varnarmaðurinn
Phillippe Mexes, er einnig á
óskalista Liverpool sem og Tún-
isbúinn Hatem Trabelsi sem
leikur með Ajax. Liverpool er
einnig talið hafa augastað á hin-
um efnilega leikmanni Nott-
hingham Forest, Michael Daw-
son. Þeir sem líklegast fá að
fjúka í sumar eru El-Hadji
Diouf, Salif Diao og Djimi Tra-
ore.
Yfirmaður knattspyrnumála
hjá Liverpool, Rick Parry, segir
að það verði sífellt erfiðara að
standa uppi í hárinu á liðum á
borð við Chelsea, sem virðist
hafa endalausa peninga, en þrátt
fyrir það muni þeir ekki gefa
eftir í baráttunni.
„Að sjálfsögðu hafa pundin
hjá Chelsea sett strik í reikning-
inn en við munum gera allt sem
við getum til þess að komast á
toppinn á ný. Það mun verða
mikið átak að komast þangað á
ný en ég lofa því að hjá þessu fé-
lagi vinna allir að því af heilum
hug,“ sagði Parry.
Spekingar telja forráðamenn
Liverpool kalda að ætla að eyða
miklum peningum í sumar þar
sem félagið hefur tapað umtals-
verðum fjárhæðum á síðustu
tveimur árum. Ef þeir komast
síðan ekki inn í meistaradeild-
inni í ár eru þeir án vafa að tefla
mjög djarft. Það mun þó ekki slá
forráðamenn félagsins út af lag-
inu því Parry hefur sett starfs-
fólk sitt í að leita annarra leiða
til að afla frekara fjármagns.
Það er líka ljóst að ef Liver-
pool vill halda stórstjörnum sín-
um, eins og Michael Owen og
Steven Gerrard, þá verða þeir
að sanna að þeir hafi metnað til
þess að fara alla leið. Sá metnað-
ur er oftar en ekki metinn af því
hversu góða leikmenn félög
kaupa. ■
ERU BÚNINGARNIR LÖGLEGIR
EFTIR ALLT SAMAN?
Samuel Etoo og félagar hans í Kamerún
spiluðu í ólöglegum búningum að mati FIFA.
STEVEN GERRARD
Liverpool vill halda stórstjörnum sínum, eins og Steven Gerrard.