Fréttablaðið - 22.04.2004, Blaðsíða 56

SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R
Hvar er feg-
ursta fljóðið?
SM Á A U G L Ý S I N G AS Í M I N N E R 550 5000
Spegill spegill herm þú mér
Hver fegurst er á landi hér?
VONDA STJÚPAN drottningin
vildi fá svar þess efnis að það væri
hún sem bæri af öllum öðrum í feg-
urð, en töfraspegillinn sem átti svar
við öllu svaraði því til að góða stúlk-
an sem hafði verið plötuð, væri feg-
urst.
ÞAÐ ER varla að maður trúi því
árið 2004 að sú lágkúra, sem fegurð-
arsamkeppni er, sé nú enn einu sinni
að hellast yfir fólk. Með sandpapp-
írsmeðferð á hrufóttar kinnar og
maraþonhlaupi á bráðnauðsynlegu
gúmmífæribandi kviknar fegurð að
innan og persónuleiki sem þeytist
fram úr enni stúlku sem bíður krýn-
ingar í konungsríki kjánanna, sem
eru sérfræðingar í innri fegurð.
ÞAÐ ER náttúrulega ekki von á
góðu þegar heil sjónvarpsstöð gerir
út á þennan menningarauka í mati á
helmingi mannkyns. Það voru nokk-
ur ár sem þessi vitleysisgangur lá
niðri. Svo spruttu þessir fegurðar-
sérfræðingar allt í einu upp úr fjós-
haugnum eins og gorkúlur og þetta
varð að skemmtidagskrá. En hverj-
um er skemmt? Hvað er eiginlega
skemmtilegt við það að sjá unglings-
stúlkur hökta um á háum hælum á
kjólum með bert niður á rass og
snúa sér nokkra hringi?
JÚ, ÞAÐ er rosalega skemmtilegt að
sjá hvað þær hafa mikinn persónu-
leika og hvað það eru mikil tækifæri
þessu samfara. Tækifæri til þess að
koma sér áfram í aurskriðu skemmt-
anaiðnaðarins. Þær geta orðið stiga-
verðir í spurningarkeppnum þar sem
strákar keppa við stráka um þekkingu
á ýmsum málefnum. Þær geta unnið
sér inn krem og smyrsl fyrir þúsundir
króna og þær geta fengið að auglýsa
bíla ef vel gengur.
NÚ SVO er þetta víst svo óskap-
lega þroskandi. Að ég minnist nú
ekki á hvað það er frábært að fá
þarna tækifæri til þess að læra
hvernig hirða á neglurnar einkum og
sér í lagi ef þær eru úr gerviefni.
Samkeppni er af hinu góða segja
postular frelsisins sem predika án
afláts og strá fræjum oní sandkass-
ana. Á hvaða slóð er hægt að finna
hið eðla fljóð? ■
Bakþankar
ELÍSABETAR BREKKAN