Fréttablaðið - 23.04.2004, Blaðsíða 2
2 23. apríl 2004 FÖSTUDAGUR
„Miðað við aldur minn getur hann
verið mjög langur.“
Valtýr Sigurðsson var sendur úr héraðsdómi í
fangelsi. Þó gerði hann ekkert af sér heldur er
hann nýtekinn við sem fangelsismálastjóri.
Spurningdagsins
Valtýr, er þetta langur dómur sem þú
fékkst?
■ Evrópa
■ Bandaríkin
Deilan um
Sellafield leyst
Bretar ætla að hætta nær allri losun geislavirks efnis frá Sellafield-
kjarnorkuendurvinnslustöðinni. Siv Friðleifsdóttir umhverfisráðherra
segir þetta mikinn sigur fyrir íslenskan sjávarútveg.
UMHVERFISMÁL Bretar tilkynntu í
gær að hætt yrði nær allri losun
geislavirks efnis í hafið frá kjarn-
orkuendurvinnslustöðinni í
Sellafield. Geislavirka efnið,
teknesíum 99, hefur greinst í skel-
fiski meðal annars við strendur
Íslands og Noregs og hafa þjóð-
irnar ásamt Írum barist lengi fyr-
ir því að losun efnisins yrði hætt.
Siv Friðleifsdóttir umhverfis-
ráðherra segir
þessa ákvörðun
mikinn sigur og
segja megi að
deilan milli Ís-
lendinga og
Breta um
Sellafield sé þá
úr sögunni.
„Við höfum
haft í forgangi í
okkar vinnu í um-
hverfisráðuneyt-
inu að verja
hreinleika hafsins
því það eru miklir
hagsmunir í því í
sjávarútvegi að halda þessari góðu
ímynd og halda því á lofti að norður-
Atlantshafið er með hreinustu höf-
um í heimi,“ segir Siv.
Siv segir jafnframt að það skili
sér greinilega að halda uppi fag-
legum málflutningi og sé hún him-
inlifandi yfir því að nú hafi Bretar
tekið þetta mikilvæga skref.
„Teknesíum 99 er það efni sem
við höfum haft hvað mestar
áhyggjur af. Bretar hafa reyndar
dregið úr losun nú þegar. Árið 2000
minnkuðu þeir losun um rúman
helming, úr tvöhundruð Tbq í níu-
tíu og nú niður í tíu. Ríki hafa jafn-
framt skuldbundið sig til þess að
árið 2020 verði engin geislameng-
andi efni losuð í hafið,“ segir Siv.
Í breskum fjölmiðlum kemur
fram að breska kjarnorkumála-
stofnunin varði einum og hálfum
milljarði króna í útbúnað sem ger-
ir það kleift að minnka losun
efnisins um níu tíundu. Að sögn
Sivjar verður geislavirka efninu
breytt í fast form, steypt í gler-
hólka og geymt djúpt í jörðu í stað
þess að vera losað í hafið eins og
hingað til hefur verið gert.
Teknesíum 99 er geislavirkt efni
og er helmingunartími þess um
213 þúsund ár.
Efnið berst með hafstraumum
frá Sellafield á sjö til tíu árum
upp með vesturströnd Noregs að
Svalbarða, en þar sveigja haf-
straumar niður með austurströnd
Grænlands í átt að Íslandsmiðum.
Þynning efnisins er mikil á leið-
inni, eða þúsundföld, og hafa ekki
mælst skaðleg gildi við Íslands-
strendur.
Að sögn Sivjar getum við þó
hugsanlega farið að mæla hækkuð
gildi um þessar mundir en Norð-
menn gera ráð fyrir því að eftir
nokkur ár fari gildin hjá þeim að
lækka í kjölfar þessarar ákvörð-
unar Breta.
sda@frettabladid.is
Blaðamannaverðlaun Blaðamannafélags Íslands veitt
í fyrsta sinn:
Þrír verðlaunaðir fyrir
framúrskarandi umfjöllun
VERÐLAUN „Ég lít á þetta sem viður-
kenningu kollega minna á því sem
við höfum verið að gera á Frétta-
blaðinu og DV,“ segir Reynir
Traustason, blaðamaður á DV, en
hann hlaut ein af þremur blaða-
mannaverðlaunum sem Blaða-
mannafélag Íslands veitti á Hótel
Borg í fyrrakvöld. Hlaut hann viður-
kenninguna fyrir umfjöllun um
rannsókn Samkeppnisstofnunar á
samráði olíufélaganna.
„Þetta er sigur fyrir Fréttablaðið
og DV, sem alla tíð hafa sætt ofsókn-
um yfirvalda hér á landi og því fagna
ég þessum verðlaunum. Ef eitthvað
er út á að setja þá hefði ég talið að
umfjöllun mín um stóra Bolludags-
málið, þar sem upplýst var að for-
sætisráðherra olli skelfingu í stór-
fyrirtæki og innan síns eigin flokks,
ætti verðskuldað að hljóta þessa við-
urkenningu. Það einstaka mál hefur
orðið tilefni þess að sótt hefur verið
hvað harðast að Fréttablaðinu og DV
og því haldið fram að við séum hand-
bendi eigenda okkar. Af því máli er
ég stoltastur en auðvitað er það ekki
á mínu færi að ákveða hvað verð-
launað er fyrir.“
Aðrir sem viðurkenningar hlutu
voru þau Agnes Bragadóttir hjá
Morgunblaðinu fyrir umfjöllun sína
um Íslandsbanka og skattamál Jóns
Ólafssonar og Brynhildur Ólafsdótt-
ir hjá Stöð 2 fyrir bestu rannsóknar-
blaðamennskuna. ■
Landspítali:
Þrjár millj-
ónir til
þyrlulækna
LÆKNISÞJÓNUSTA Sáttatilboð dóms-
málaráðuneytis og heilbrigðismála-
ráðuneytis verður lagt fyrir þyrlu-
lækna hjá Landhelgisgæslunni í dag,
að sögn Magnúsar Péturssonar, for-
stjóra Landspítala - háskólasjúkra-
húss. Tilboðið hljóðar upp á þriggja
milljóna króna aukafjárveitingu sem
á að tryggja kostnað við rekstur
læknavaktarinnar fram að áramót-
um. Þangað til vill ráðuneytið endur-
skoða samninginn við læknana og
komast að niðurstöðu sem allir geta
sætt sig við. ■
KINDIN DOLLÝ
Vísindamenn sem klónuðu kindina vilja nú
fá leyfi til að klóna mennsk fóstur til að
rannsaka taugasjúkdóma.
Vísindamenn sem
klónuðu Dollý:
Vilja klóna
mennsk
fóstur
VÍSINDI Vísindamennirnir sem
klónuðu kindina Dollý hafa sótt
um leyfi til að klóna mennsk fóst-
ur. Prófessor Ian Wilmut vill nota
þau til að rannsaka hreyfitauga-
sjúkdóma. Wilmut lagði mikla
áherslu á að hans lið hefði ekki í
huga að klóna börn og myndi eyði-
leggja fóstrin strax eftir rann-
sóknirnar. Hann vill alls ekki
missa af þessu tækifæri til að
rannsaka sjúkdóma þar sem
fóstrin hafa enn ekki þann eigin-
leika að vera meðvituð um hlutina
í kringum sig. ■
BARNAKLÁM HJÁ DÓMARA
Fimmtugur danskur dómari mun
koma fyrir sinn eigin rétt innan
tíðar eftir að lögregla fann þús-
undir barnaklámsmynda í tölvu
dómarans. Búist er við þungum
dómi yfir manninum vegna for-
dæmisgildis hans.
HÚÐ OG HÁR Á SÝNINGU Hol-
lensk listakona hefur opnað sýn-
ingu þar í landi á munum gerðum
úr húð hennar sjálfrar. Er þar
meðal annars að finna eftirlík-
ingu af skammbyssu en listakon-
an nýtur aðstoðar skurðlæknis
við að fjarlægja nógu stóra bita
úr húð hennar til að útbúa hin
margvíslegustu listaverk.
RUGLAÐIST Í RÍMINU
Fullvaxinn nashyrningur varð í miðjum ást-
arleik með vinkonu heltekinn af bílgirnd.
Bílkynhneigður nashyrningur:
Æstur
í bifreið
BRETLAND Safaríferð í breskum
garði tók óvænta stefnu þegar
nashyrningur sem gestir hugðust
mynda varð yfirkominn af girnd
til Renault-bifreiðar ferðalang-
anna. Nashyrningurinn var í miðj-
um forleik við vinkonu sína þegar
hann uppgötvaði hjá sér nýjar og
heitar kenndir til bifreiðarinnar.
Skipti engum togum að hinn tólf
ára gamli nashyrningur lagðist á
bílinn og hóf við hann innileg at-
lot. „Þetta var svaka flykki og
greinilega mjög æstur,“ er haft
eftir einum safarífaranna. ■
FÆRRI ERLENDIR FERÐAMENN
Háttsettir bandarískir embætt-
ismenn segja að erlendum
ferðamönnum hafi fækkað
verulega eftir að stjórnvöld
hertu öryggisreglur og settu
ýmsar hömlur á heimsóknir út-
lendinga í kjölfar hryðjuverka-
árásanna 11. september. Colin
Powell utanríkisráðherra segir
að grípa verði til aðgerða til að
snúa þessari þróun við.
VERÐLAUNAHAFAR
Reynir Traustason, DV, Brynhildur Ólafs-
dóttir, Stöð 2, og Agnes Bragadóttir, Morg-
unblaðinu, hlutu verðlaun Blaðamanna-
félags Íslands fyrir framúrskarandi blaða-
mennsku. Agnes var fjarstödd og tóku
börn hennar Sunna og Sindri Viðarsbörn
við verðlaunum fyrir hennar hönd.
FR
ÉT
TA
B
LA
Ð
IÐ
/R
Ó
B
ER
T
KJARNORKUENDURVINNSLUSTÖÐIN Í SELLAFIELD
Bretar tilkynntu í gær að hætt yrði nær allri losun geislavirks efnis í hafið frá kjarnorku-
endurvinnslustöðinni í Sellafield. Umhverfisráðherra segir þetta mikinn sigur fyrir íslensk-
an sjávarútveg.
SIV FRIÐLEIFS-
DÓTTIR
„Við höfum haft í
forgangi í okkar
vinnu í umhverfis-
ráðuneytinu að
verja hreinleika
hafsins.“
Umdeild myndbirting á CBS:
Sýndu myndir af Díönu á slysstað
LUNDÚNIR, AP Fjölskylda Díönu
prinsessu af Wales er ævareið
yfir ákvörðun bandarísku sjón-
varpsstöðvarinnar CBS að birta
ljósmyndir sem teknar voru á
slysstað í París skömmu eftir að
bíll Díönu ók á stöpul í undirgöng-
um. Myndirnar sýna Díönu þar
sem hún lá deyjandi í bílnum.
Tony Blair, forsætisráðherra
Bretlands, tók í gær undir gagn-
rýni aðstandenda Díönu og sagði
myndbirtinguna vera ósmekk-
lega. Á miðvikudag voru ljós-
myndir af vettvangi slyssins
sýndar í fréttaskýringaþættinum
„48 Hours“ en þar var ítarlega
fjallað um dauða prinsessunnar.
Myndirnar sem sýndar voru
sýna lækni stumra yfir Díönu á
slysstað. Forsvarsmenn CBS-sjón-
varpsstöðvarinnar vörðu ákvörðun-
ina og sögði að myndin hefði verið
sýnd í samhengi við efni þáttarins,
sem innihélt viðtal við lækninn sem
fyrstur kom á slysstað.
Mohammed al Fayed, faðir
Dodis, ástmanns Díönu sem
einnig fórst í slysinu, sagði að
sýning myndanna væri ónærgæt-
in og óskammfeilin.
Í breskum dagblöðum var sýn-
ing myndanna fordæmd. ■
FLAK BÍLSINS
Bíllinn sem Díana prinsessa, Dodi al Fayed og bílstjóri þeirra voru í þegar slysið átti sér
stað 31. ágúst árið 1997. Hér sjást lögreglumenn undirbúa að flytja flak bílsins.