Fréttablaðið - 23.04.2004, Blaðsíða 12
12 23. apríl 2004 FÖSTUDAGUR
■ Lögreglufréttir
FÖÐURLAUSA MÚSIN KAGUYA
Japönskum vísindamönnum hefur tekist
að skapa músarunga án aðkomu karlkyns
músar. Kaguya á þess í stað tvær mæður.
Þetta er í fyrsta sinn sem spendýr er rækt-
að eingöngu úr kvenkyns kynfrumum.
Sakfelldir fyrir verslun með líffæri úr dýrum:
Seldu gallblöðrur
úr skógarbjörnum
VIRGINÍA, AP Dómstóll í Virginíuríki
í Bandaríkjunum dæmdi þrjá inn-
flytjendur í skilorðsbundð fang-
elsi og til greiðslu sektar fyrir
verslun með líffæri úr norður-
amerískum skógarbjörnum.
Rannsókn málsins hafði staðið
yfir í þrjú ár og voru fjórir karl-
menn, allt innflytjendur frá Suð-
ur-Kóreu, ákærðir fyrir verslun
með gallblöðrur og önnur líffæri
úr norður-amerískum skógar-
björnum. Gallblaðra bjarnanna er
víða í Asíu talin hafa mikinn
lækningamátt og er greitt hátt
verð fyrir líffærið. Þrír mann-
anna játuðu sök og þurfa þeir að
greiða sem nemur 160 til 600 þús-
und krónur í sekt hver um sig.
Fjórði sakborningurinn hafnaði
dómssátt og verður réttað yfir
honum í sumar.
Chris Miller, saksóknari í
Virginíu, segir að verslun með
líffæri úr dýrum hafi aukist til
muna og að minnsta kosti 30 sam-
bærileg mál komi fyrir dómstóla
á næstu mánuðum. ■
Ekkert verra en Sharon
Þrjú palestínsk ungmenni á vegum Rauða hálfmánans kynntu sér störf íslenskra sjúkraflutninga-
manna. Þau eru óttaslegin vegna þróunar mála heima fyrir og telja að raunverulegt ástand mála
komist illa til skila í gegnum fjölmiðla á Vesturlöndum.
Þrjú ungmenni frá Rauða hálf-mánanum í Palestínu eru í heim-
sókn hér á landi og á mánudag voru
þau í kynningu hjá Slökkviliði höf-
uðborgarsvæðisins og ferðuðust
með sjúkra- og neyðarbílum um
borgina.
Þau Ziad Ismail, Mada Jeshi og
Sonia Maayeh hafa öll reynslu af
störfum við sjúkraflutninga á
svæðum Palestínumanna á her-
numdu svæðunum við Vesturbakka
Jórdanár og í Gaza. Þau segja að
stærsti munurinn á starfsaðstæð-
um hér og þar sé að á Íslandi séu
vegir greiðir og lítið mál að komast
á milli staða með sjúklinga og slas-
aða. Heima horfi málin töluvert
öðruvísi við. Þar séu vegatálmar á
nokkurra kílómetra fresti og al-
gengt sé að sjúkrabílar komist ekki
í gegnum þá og því þurfi að bera
sjúklinga um nokkur hundruð
metra leið til þess að koma þeim
um borð í sjúkrabílana.
„Þetta er eiginlega það sama og
við gerum heima,“ segir Sonia um
reynsluna í Reykjavík. Hún segir
að sjúkrabílarnir hér séu betur
búnir en í Palestínu en það sé með-
al annars vegna þess að í Palestínu
þurfi bílarnir að vera léttir og þar
sé aðeins hægt að koma einföld-
ustu tækjum fyrir í bílunum.
Hlegið að sjúkraflutninga-
mönnum
Þau segja að þegar hermenn
stöðvi sjúkraflutningabíla hlæi þeir
gjarnan að sjálfboðaliðunum og láti
sér fátt um finnast þótt verið sé að
tefja flutning á lífshættulega veiku
eða særðu fólki – og oft hafi fólk lát-
ið lífið vegna tafanna.
„Við hringjum í fulltrúa Rauða
krossins þegar þetta gerist en ísra-
elsku hermennirnir bera enga virð-
ingu fyrir þeim eða öðrum hjálpar-
stofnunum,“ segir Sonia. Hún bend-
ir einnig á að sjúkrabílar hafi orðið
fyrir árásum, svo sem eins og þegar
árás var gerð á höfuðstöðvar
Arafats í Ramallah.
Kynna raunverulega stöðu í
Palestínu
Þrátt fyrir að aðstæðurnar séu
ólíkar á Íslandi og í Palestínu töldu
palestínsku ungmennin sig hafa
lært þó nokkuð á heimsókninni og
þau höfðu greinilega átt góð sam-
skipti við íslensku sjúkraflutninga-
mennina. Ferðin til Íslands er hluti
af ungmennaskiptaáætlun Rauða
krossins og Rauða hálfmánans og
segir Sonia að þótt Rauði hálfmán-
inn sé ekki pólitísk hreyfing þá noti
þau tækifærið á ferðalögum sínum
til þess að koma á framfæri upplýs-
ingum um raunverulega stöðu mála
í Ísrael og í Palestínu.
Þau segja að ástandið fyrir botni
Miðjarðarhafs fari versnandi og ný-
legar aftökur á tveimur leiðtogum
Palestínumanna hafi einungis gert
illt verra. „Ísraelar eru að reyna að
drepa alla leiðtoga okkar. Við erum
á móti hryðjuverkum og við reyn-
um að vera róleg yfir þróuninni en
við vitum að þessara aðgerða verð-
ur hefnt,“ segir Sonia.
Ísraelar stjórna
fjölmiðlaumfjölluninni
„Ísraelar hafa úr svo miklu fjár-
magni að spila að þeir geta haft
áhrif á hvernig fjölmiðlar á Vestur-
löndum fjalla um það sem er að ger-
ast. Þegar palestínskir unglingar
kasta grjóti að hermönnum er það
jafn mikil frétt í augum Vestur-
landabúa og þegar hermenn með al-
væpni ráðast á borgirnar okkar,“
segir Sonia.
Mada segir að þegar hún hafi
tekið ljósmyndir sem sýni illa með-
ferð Ísraela á Palestínumönnum
með sér í ferð hafi myndunum ver-
ið stolið úr farangri hennar. Hún er
viss um að tollgæslumenn í Ísrael
eða Frakklandi hafi séð til þess að
myndir sem ekki samræmdust
áróðursstríði Ísraela kæmust ekki
út úr landinu.
Mada segir að Ísraelar leggi
mikið á sig til þess að láta líta svo út
að þeir séu fórnarlömbin í átökun-
um milli Ísraela og Palestínumanna.
„Það er látið eins og við séum
skepnur. Það er eins og það skipti
engu máli þegar Ísraelar drepa
Palestínumann,“ segir hún.
Sonia segir að ferlið sé alltaf
eins. „Þegar ekkert hefur verið gert
í einhvern tíma hefja Ísraelar að-
gerðir gegn Palestínumönnum sem
síðan kalla á svör.“
Ekkert verra en Sharon
Ekki þarf að koma á óvart að
palestínsku ungmennin séu lítt hrif-
in af Ariel Sharon, forsætisráðherra
Ísraels. Aðspurð að því hvort þau
telji ekki að mestur hluti Ísraela
vilji frið segja þau að ef svo væri
myndi fólk varla kjósa Sharon í
embætti.
„Það er ekkert eins og Sharon.
Hann heldur að ef það er hægt að ná
árangri með beitingu ofbeldis sé
hægt að ná meiri árangri með því að
beita enn meira ofbeldi en ekki með
því að semja,“ segir Mada.
Hryðjuverk eina vopnið
Þau segja að Vesturlandabúar
verði að gera sér grein fyrir því að
sjálfsmorðsárásir séu eina vopn
Palestínumanna í baráttu gegn
vopnuðum her Ísraelsmanna. „Ég
skil ekki hvernig Bandaríkjamenn
og Evrópubúar hugsa þetta. Þegar
enginn lögmætur her er til staðar –
hvernig er hægt að berjast?“ spyr
hún og bendir á að þær þjóðir sem
hafi stutt við bakið á Palestínu-
mönnum, svo sem Sýrland og Íran,
verði fyrir refsiaðgerðum af hálfu
alþjóðasamfélagsins. „Þegar fólki
er meinað að berjast með her – hvað
á fólk að gera? Ég er ekki að mæla
sjálfsmorðsárásum bót en fólk
verður að skoða þær í þessu sam-
hengi,“ segir Mada. ■
Lokun Kísiliðjunnar:
Stéttarfélög
áhyggjufull
ATVINNUMÁL Stéttar- og verkalýðs-
samtök á Norðausturlandi hafa
verulegar áhyggjur af stöðu mála
hjá Kísiliðjunni við Mývatn og hafa
óskað eftir fundum með þingmönn-
um kjördæmisins. Stjórn Kísiliðj-
unnar tilkynnti fyrir skömmu að
verksmiðjunni yrði lokað þann 1.
desember næstkomandi og tæplega
50 starfsmenn hennar myndu missa
vinnuna fram að þeim tíma. Þykir
þetta reiðarslag fyrir sveitarfélagið
enda fáir aðrir atvinnumöguleikar
fyrir hendi á svæðinu. Vonir standa
þó til að uppsetning kísilduftverk-
smiðju gangi eftir en enn er reynt að
fá fjármagn til þess verkefnis. ■
– hefur þú séð DV í dag?
Hells Angels
Íslandsvinur
dæmdur
í Noregi
ÖLVAÐUR Í BAKARÍI Maður var
færður í fangageymslur hjá lög-
reglunni í Keflavík eftir að hafa
verið með ölvunarlæti í bakaríi í
Grindavík í hádeginu í gær.
MISSIR PRÓFIÐ Ökumaður var
tekinn á 127 kílómetra hraða á
Reykjanesbraut við Vogaafleggj-
ara þar sem leyfilegur hámarks-
hraði er 70 kílómetrar á klukkus-
tund. Fyrir hraðaksturinn missir
ökumaðurinn ökuréttindi í mánuð
og fær 50 þúsund króna sekt.
TÓLF TEKNIR Tólf voru handtekn-
ir í fyrrinótt og færðir til yfir-
heyrslu á lögreglustöðina við
Hverfisgötu vegna fíkniefna-
brota. Um var að ræða fjögur
mál og gistu fjórir fangageymsl-
urnar til morguns vegna annar-
legs ástands. Þeir voru yfir-
heyrðir í gærmorgun. Að öðru
leyti gekk skemmtanalífið nokk-
uð vel fyrir sig í Reykjavík þótt
nóttin hafi verið annasöm hjá
lögreglu.
Í KYNNINGU HJÁ SLÖKKVILIÐI HÖFUÐBORGARSVÆÐISINS
Sonia Maayeh, Mada Jeshi og Ziad Ismael kynntu sér störf sjúkraflutningamanna á mánudag-
inn. Aðstæður hér á landi eru ólíkar því sem þau eiga að venjast. Heimafyrir þurfa sjúkrabílar
gjarnan að stoppa við fjölmarga vegatálma á leið sinni með sjúka eða særða á sjúkrahús.
Fréttaviðtal
ÞÓRLINDUR KJARTANSSON
■ ræðir við þrjú ungmenni frá Palestínu
sem voru í heimsókn á Íslandi.
FR
ÉT
TA
B
LA
Ð
IÐ
/R
Ó
B
ER
T
NORÐUR-AMERÍSKUR SKÓGARBJÖRN
Verlsun með líffæri úr dýrum hefur aukist
til muna. Nýlega voru fjórir menn ákærðir
fyrir viðskipti með gallblöðru úr norður-
amerískum skógarbjörnum en blaðran er í
Asíu talin hafa mikinn lækningamátt.
HERMENN VIÐ VEGATÁLMA
Hermenn miða byssu á barn við vegatálma í borginni Ramallah. Myndin er úr bæklingi
Rauða hálfmánans.