Fréttablaðið - 23.04.2004, Blaðsíða 26

Kápa Sportmax
55.990 kr.
Allt í stíl Farsímar eru orðnir að flottum fylgihlutum sem fylgja tískunni eins
og hvert annað skart. Hægt er að fá framhliðar á símana í ótrúlegu úrvali og
er vissara fyrir þá sem vilja vekja eftirtekt fyrir smekklegheit að huga að
þessu líka. Tískulitirnir í vor eru mjög glaðlegir, til dæmis blár, gulur og
túrkíslitur þannig að búast má við sömu litadýrðinni við eyru landsmanna.
Augnháralitur og augnbrúnalitur
Tana® Cosmetic
Augnháralitur og augnbrúnalitur sem fagaðilar nota.
Auðveldur í notkun.
Allt sem þarf í einum kassa - þægilegra getur það
ekki verið.
SÖLUSTAÐIR: APÓTEK OG SNYRTIVÖRUVERSLANIR
Ný verslun:
Kvenlegt
og rómantískt
Þann 15. apríl síðastliðinn var opnuð ný verslun í Kringlunni, Kult-
ur. Kultur er enn ein skrautfjöðurinn í hatt NTC-samsteypunnar,
sem er í eigu Svövu Johansen og Ásgeirs Bolla Kristinssonar. Kult-
ur selur vandaðan fatnað á konur á besta aldri og helstu merki
verslunarinnar eru By Malene Birger, sem er afar kvenlegt og
rómantískt, Andy Warhol by Cultura, meira töff, svolítið pönkað
merki og Munthe plus Simonsen sem er líka mikið á rómantísku
nótunum. Verslunin hefur verið útfærð á minimalískan hátt í anda
barokktímans sem hentar vel undir þessar kvenlegu glitrandi
flíkur.
Misheppnuð fatakaup:
Vildi leyfa
vinkonunni
að nota stígvélin
Ég er algjört fatafrík,“ segir Ragnhildur Steinunn Jónsdóttir, fegurð-
ardrottning Íslands. „Mér finnst gaman að gramsa í búðum og kaupa
eitthvað öðruvísi. Oft klippi ég fötin eða breyti þeim einhvern
veginn. Ég var einmitt að kaupa mér nýjan fataskáp um daginn til að
koma öllum fötunum mínum fyrir.“
Ragnhildur Steinunn segist yfirleitt ekki gera misheppnuð kaup.
„Ég sannfæri sjálfa mig þá bara um að það hafi verið sniðugt að
kaupa flíkina. En ég á fullt af uppáhaldsfötum. Til dæmis Guess-
gallabuxur sem ég keypti í búðinni Vokal sem var í Smáralindinni.
Þær eru orðnar mjög tættar og rifnar og ég er búin að gera nokkrar
heiðarlegar tilraunir við saumaskapinn til að halda þeim heilum.
Þær eru alveg að fara að gefa sig en ég mun ganga áfram í þeim þar
til þær syngja sitt síðasta. Þetta eru uppáhaldsbuxurnar mínar og ég
get notað þær bæði hversdags og þegar ég fer eitthvað fínt. Þegar ég
fór til London um daginn leitaði ég út um allt að eins buxum. En þær
eru ekki lengur framleiddar.
Í London fann ég hins vegar hvít leðurstígvél, sem gætu flokkast
undir misheppnuð fatakaup. Ég var örugglega í þrjá tíma að velta
fyrir mér hvaða númer ég ætti að kaupa og ákvað á endanum að vera
góð og kaupa númer sem var frekar þröngt á mig svo vinkona mín
gæti notað stígvélin líka. En þau eru of lítil og ég get ekki notað þau.
Ég hef samt farið í þeim ef ég fer eitthvað stutt og er að reyna að
sannfæra mig um að þau eigi eftir að víkka. Og vinkona mín er enn
ekki búin að fá þau lánuð, hún fær þau þegar ég er búin að nota þau
meira.“ ■
Bolur Sportmax 10.990 kr.
Taska Burberry 47.990 kr.
Skór Fluxá 17.990 kr.
Herramussa Day 8.590 kr.
Sumarföt úr GK:
Hvítt og
aftur hvítt
Hvíti liturinn fer aldrei úr tísku og er
gjaldgengur hvar og hvenær sem er
í fötunum sem þú klæðist eða á
hlutunum í kring um þig. En er hvít-
ur litur? Þessari heimspekilegu
spurningu er oft velt upp og sumir
segja að svartur og hvítur séu ekki
litir og aðrar kenningar eru um að
hvítur sé litur en svartur sé and-lit-
ur. Hvað sem því líður þá er hvítur
tákn hreinleika, ljóss og hefur góð
áhrif á umhverfi sitt og því er ekkert
skrítið að hann sé alltaf svona vin-
sæll. Um þessar mundir eru allar
búðir að fyllast af hvítum fallegum
mjúkum flíkum sem gott er að
klæðast núna þegar loftið fer að
hlýna og sólin að hækka. ■
Ragnhildur Steinunn Jónsdóttir Uppáhaldsbuxurnar eru orðnar ansi snjáðar af
mikilli notkun. Nýju hvítu stígvélin hafa hins vegar verið lítið notuð þar sem þau eru of lítil.
FR
ÉT
TA
B
LA
Ð
IÐ
/P
JE
TU
R