Fréttablaðið - 23.04.2004, Blaðsíða 28
„Tækni með stíl“ eru einkunn-
arorð Smeg-samsteypunnar og
endurspeglast í þessum orðum
aðferðir í hönnun og heimspeki
fyrirtækisins. Fyrirtækið er
fylgið sér í hönnuninni, sam-
spilið er hárfínt á milli efnis og
tækni, fyllstu varúðar er gætt í
öryggisþáttunum og gæðastað-
allinn er mjög hár.
Smeg er ítalskt fyrirtæki og
samkvæmt umboðsaðila þess
hér á landi var það stofnað fyr-
ir um það bil 50 árum. Höfuð-
stöðvar þess eru í litlum bæ
norðarlega á Ítalíu sem heitir
Guastalla. Smeg-fyrirtækið
sérhæfir sig í eldhústækjum
ýmiss konar: eldavélum, upp-
þvottavélum, ísskápum, háfum
og vöskum. Síðan 1988 hefur
Smeg verið að færa út kvíarnar
í Evrópu og nú eru sex dóttur-
fyrirtæki starfandi í Englandi,
Þýskalandi, Frakklandi, Spáni,
Belgíu og Hollandi.
Smeg-vörurnar eru svo seld-
ar um heim allan og hér á Ís-
landi er það verslunin Eirvík
sem hefur umboðið og selur
þessi hágæðaeldhústæki. ■
Ómissandi Gúmmíhanskar falla í flokk smáhluta sem eru ómissandi inni á heim-
ilinu, að minnsta kosti fyrir þá sem vilja einstaka sinnum taka til hendinni. Þau efni
sem notuð eru við þrif eru yfirleitt afar slæm fyrir húðina og sum geta beinlínis
verið hættuleg. En gúmmíhanskana er einnig hægt að nota við garðverkin og þar
sem þeir eru oft mjög litríkir geta þeir lífgað upp á vinnugallann.
Nú bjóðum við viðskiptavinum okkar að vera með
tryggingar* og bankaþjónustu á sama stað.
Kynntu þér kosti Vildar í síma 440 4000, í næsta
útibúi Íslandsbanka eða á isb.is.
* Vátryggjandi er Sjóvá-Almennar.
Ég er með mynd eftir systur mína, Ólöfu Sigríði, fyr-
ir ofan sófann,“ segir Arnbjörg Hlíf Valsdóttir leik-
kona. „Hún málaði myndina þegar hún var 16 ára og
mótífíð var útsýnið út um gluggann á fjölskyldusetr-
inu okkar á Arnarnesinu, þar sem Ólöf býr reyndar
enn. Myndin er langt í frá realísk, miklu frekar naív
og draumkennd og ofboðslega falleg. Það er þarna
hvítur svanur á bláum grunni með Keili í baksýn.
Mér þykir sérlega vænt um þessa mynd sem Ólöf
gaf mér í fermingargjöf.“
Arnbjörg segir Ólöfu systur sína hafa lagt mynd-
listina að nokkru leyti til hliðar, en Ólöf er söngkona.
„Ég á svo aðra systur sem er myndlistarkona og á
líka nokkur málverk eftir hana. Ég er bara nýflutt
inn til kærastans míns og íbúðin er svo lítil að ég
kem þeim ekki fyrir.“
Sófinn hennar Arnbjargar á sér líka merkilega
sögu, en hann er tæplega níræður og sannkallað fjöl-
skyldudjásn. „Amma og afi áttu sófann og mamma
svaf á honum í mörg ár. Ég fékk hann svo þegar ég
byrjaði að búa. Sófinn var yfirdekktur fyrir
nokkrum árum, var rauður en er núna steingrár.
Þetta er mikil og flott mubla og þeir sem hafa lent í
að flytja hana hafa aldrei lent í öðru eins,“ segir Arn-
björg hlæjandi.
Arnbjörg hefur verið að leika í Þjóðleikhúsinu í
allan vetur og er núna í Sorgin klæðir Elektru, sem
hún segir mikið átakaverk. „Þá er gott að koma heim
eftir allt dramað og hreiðra um sig í fjölskyldusófan-
um, en ég fer nú reyndar ekkert síður inn í svefnher-
bergi, sem er pínulítið og sérlega kósý. Þar er líka
gott að slaka á eftir átökin.“ ■
Málverkið fyrir ofan sófann:
Draumkenndur
svanur á veggnum
Smeg:
Tækni með stíl