Fréttablaðið - 23.04.2004, Blaðsíða 47
35FÖSTUDAGUR 23. apríl 2004
Dulkóðun Islandia
Vertu öruggur á internetinu
www.dulkodun.is
Deildabikar karla:
Átta liða
úrslit klár
FÓTBOLTI Nú er ljóst hvaða lið
mætast í átta liða úrslitum
deildabikars karla í knattspyrnu
en riðlakeppninni lauk í gær eins
og sjá má á síðunni til vinstri.
KA, KR, Fylkir og Víkingur
tryggðu sér í sæti í átta liða
úrslitum úr A-riðli en Keflavík,
ÍA, Valur og FH úr B-riðli.
KA, efsta lið A-riðils, mætir
FH, sem hafnaði í fjórða sæti B-
riðils. KR, sem endaði í öðru
sæti A-riðils etur kappi við
Valsmenn, sem voru í þriðja sæti
B-riðils, Fylkir, sem tryggði sér
þriðja sætið í A-riðli í gær með
stórsigri á Þór, leikur gegn ÍA,
liðinu í öðru sæti B-riðils, og
Víkingur, sem náði fjórða sætinu
í A-riðli, og Keflavík, sem vann
B-riðilinn, leiða saman hesta
sína.
Átta liða úrslitin hefjast
miðvikudaginn 28. apríl með
tveimur leikjum, einum á
Leiknisvelli og einum í Boganum
á Akureyri. Daginn eftir fara
síðan einnig fram tveir leikir. ■
Sænski boltinn:
Jafnt hjá
Örgryte
FÓTBOLTI Íslendingaliðið Örgryte
gerði 1-1 jafntefli við AIK á
heimavelli í fyrsta leik fjórðu um-
ferðar í sænsku úrvalsdeildinni í
gærkvöldi. Mats Rubarth kom
AIK yfir á 21. mínútu en Örgyte
jafnaði metin undir lok fyrri hálf-
leiks eftir sjálfsmark AIK.
Tryggvi Guðmundsson og Jó-
hann B. Guðmundsson voru í byrj-
unarliði Örgryte en var báðum
skipt út af í síðari hálfleik. Ör-
gryte er í þriðja sæti deildarinnar
eftir jafnteflið en AIK er í sjö-
unda sæti. ■
Undanúrslit Remax-deildar kvenna:
Sætur Valssigur eftir framlengdan leik
HANDBOLTI Valsstúlkur eru komnar
í úrslit Remax-deildar kvenna í
fyrsta sinn í fimm tilraunum eftir
27-29 sigur á Stjörnunni í Garða-
bæ eftir æsispennandi fram-
lengdan leik.
Valur hafði frumkvæðið fram-
an af en staðan í hálfleik var jöfn,
12-12. Valur komst yfir 18-20 þeg-
ar seinni hálfleikur var hálfnaður
en þá átti Stjarnan góðan kafla.
Skoruðu þær sex mörk gegn
tveimur mörkum Vals og komust
yfir 24-22. Valsstúlkur tóku þá við
sér og skoruðu tvö síðustu mörkin
í venjulegum leiktíma og jöfnuðu
metin. Í framlengingunni skoruðu
Valsstúlkur þrjú fyrstu mörkin. Á
þessum góða kafla Vals skoraði
Stjarnan ekkert mark í níu mínút-
ur og eftir það var á brattann að
sækja.
Hafrún Kristjánsdóttir var
markahæst í liði Vals ásamt Gerði
Betu Jóhannsdóttur með sex
mörk. Hafrún skoraði þrjú af
mörkunum í framlengingunni en
mörk Gerðar komu öll úr lang-
skotum. Berglind Hansdóttir
varði 19 skoti í marki Vals.
Lind Hannesdóttir var marka-
hæst hjá Stjörnunni með sex
mörk og Jóhanna Margrét Ragn-
arsdóttir skoraði fimm. Jelena
var sterk í markinu og varði 24
skot. Fögnuður Valsstúlkna var
mikill í leikslok enda liðið komið í
úrslit í fyrsta sinn þar sem and-
stæðingurinn verður annað hvort
ÍBV eða FH. ■
Eitt lið er þegar búið að tryggja sér sæti í ensku
úrvalsdeildinni á næsta vetri:
Norwich aftur
meðal þeirra bestu
FÓTBOLTI Norwich er komið á nýjan
leik í hóp bestu knattspyrnufélaga
Englands því nú er ljóst að liðið
verður annaðhvort í 1. eða 2. sæti
ensku 1. deildarinnar. Þetta varð
ljóst þegar Sunderland tapaði stigum
gegn Crystal Palace í vikunni og á
þannig ekki lengur möguleika á að
komast upp fyrir Norwich. Norwich
hefur ekki verið í hópi bestu liða í
heil níu ár en liðið féll vorið 1995, að-
eins tveimur árum eftir að það hafði
slegið lið Bayern München út úr
Evrópukeppni félagsliða. Norwich
hefur nú tveggja stiga forskot á
WBA og 14 stiga forskot á Sunder-
land þegar aðeins fjórir leikir eru
eftir. WBA-liðið vantar aðeins eitt
stig til viðbótar til að endurheimta
úrvalsdeildarsætið. Norwich átti lið í
efstu deild 1986 til 1995 og náði sín-
um besta árangri á fyrsta tímabili
úrvalsdeildarinnar, þegar liðið end-
aði í þriðja sæti á eftir Man. Utd. og
Aston Villa Það gekk lítið hjá
Norwich fyrstu árin eftir fallið í 1.
deildina en eftir að núverandi stjóri
liðsins, Nigel Worthington, tók við
2000 hefur gengi liðsins tekið stakka-
skiptum. Worthington byrjaði á því
að bjarga liðinu frá falli, kom því síð-
an í úrslitaleik úrslitakeppninnar
tveimur árum síðar og svo upp í úr-
valsdeildina á nýjan leik í vetur. ■
GULIR OG GLAÐIR Á NÝ
Leikmenn Norwich fögnuðu því vel að vera komnir upp í ensku úrvalsdeldina eftir níu ára
fjarveru.
Undanúrslit Evrópukeppni félagsliða:
Markalaust á báð-
um vígstöðvum
FÓTBOLTI Newcastle og Marseille
gerðu markalaust jafntefli á St.
James’ Park í undanúrslitum Evr-
ópukeppni félagsliða í gærkvöldi.
Heimamenn, sem léku án þeirra
Craig Bellamy, Kieron Dyer,
Jermaine Jenas og Lee Bowyer,
voru betri aðilinn í leiknum en
Marseille spilaði sterkan varnar-
leik.
Shola Ameobi, Alan Shearer og
Gary Speed fengu allir góð færi en
náðu ekki að skora. Færi Ameobis í
fyrri hálfleik var sérlega gott en
Fabien Barthez bjargaði glæsilega í
markinu. Didier Drogba var hættu-
legasti maður Marseille og átti með-
al annars skot í stöng.
Marseille stendur betur að vígi
fyrir seinni leik liðanna, sem verður
háður á franskri grund. Sir Bobby
Robson vonast þó til að ná mönnum
aftur inn í liðið eftir meiðsli og þá
aukast möguleikar Newcastle til
muna.
„Þetta var mjög jafn leikur eins
og við bjuggumst við,“ sagði Alan
Shearer, fyrirliði Newcastle.
„Meginmarkmið okkar var að fá
ekki á okkur mark og það getur því
allt gerst ennþá. Við stóðum okkur
mjög vel og nýttum reynslu okkar í
Evrópukeppninni.“
Spænsku liðin Villarreal og Val-
encia gerðu einnig markalaust jafn-
tefli á heimavelli Villarreal í heldur
bragðdaufum leik. Stendur Valencia
því betur að vígi fyrir síðari leik lið-
anna, sem háður verður sjötta maí
eins og hinn leikurinn í Frakklandi. ■
BARÁTTA
Jonathan Woodgate og Didier Drogba
berjast í leik Newcastle og Marseille.
HAFRÚN KRISTJÁNSDÓTTIR
Hafrún Kristjánsdóttir var sterk í framlengingunni fyrir Val og skoraði þá þrjú mörk.
FR
ÉT
TA
B
LA
Ð
IÐ
/V
AL
LI
TRYGGVI GUÐMUNDSSON
Tryggvi, til hægri, í leik gegn Pétri Mart-
einssyni og félögum í Hammarby.