Fréttablaðið - 24.04.2004, Blaðsíða 6
6 24. apríl 2004 LAUGARDAGUR
■ Þýskaland
GENGI GJALDMIÐLA
Bandaríkjadalur 73.45 -0.41%
Sterlingspund 130.56 0.13%
Dönsk króna 11.74 0.22%
Evra 87.38 0.24%
Gengisvísitala krónu 123,04 0,08%
KAUPHÖLL ÍSLANDS
Fjöldi viðskipta 313
Velta 4.934 milljónir
ICEX-15 2.722 1,64%
Mestu viðskiptin
Samherji hf. 727.100
Bakkavör Group hf. 323.909
Kaupþing Búnaðarbanki hf. 277.546
Mesta hækkun
Bakkavör Group hf. 4,00%
Marel hf. 3,65%
Straumur Fjárfestingarbanki hf 3,15%
Mesta lækkun
Tryggingamiðstöðin hf. -1,32%
Össur hf. -0,93%
Jarðboranir hf. -0,56%
ERLENDAR VÍSITÖLUR
DJ * 10.440,6 -0,2%
NAsdaq * 2.039,8 0,3%
FTSE 4.570,0 -0,0%
DAX 4.103,6 1,1%
NK50 1.523,0 0,0%
S&P * 1.135,9 -0,3%
* Bandarískar vísitölur kl. 17.
Veistusvarið?
1Samningar hafa náðst um aðkjarnorkuendurvinnslustöð í
Bretlandi hætti að dæla geislavirkum
efnum í sjó. Hvar er endurvinnslustöðin?
2Hver er stjórnarformaður flugfélagsinsAtlanta?
3Evrópska knattspyrnusambandið hef-ur valið besta knattspyrnumann Evr-
ópu á síðustu hálfu öld. Hver var valinn?
Svörin eru á bls. 50
BRASILÍA, AP Að minnsta kosti
fjórtán manns létu lífið í fanga-
uppþoti í yfirfullu ríkisfangelsi í
Rodonia-héraði í Brasilíu. Fang-
arnir gáfust upp eftir fimm daga
án matar, vatns eða rafmagns en
þeir höfðu lagt sér ketti til munns
til að seðja sárasta hungrið.
Þegar yfirvöld höfðu sam-
þykkt að ráða nýjan fangelsis-
stjóra, leyfa föngunum að fá
börnin sín í heimsókn og bæta að-
búnað og þjónustu í fangelsinu
ákváðu fangarnir að sleppa 170
ættingjum sem teknir höfðu ver-
ið í gíslingu í heimsóknartíma á
sunnudag. Lögreglumenn sem
fóru inn í fangelsið fundu sund-
urskorin og limlest lík fjórtán
manna sem höfðu verið myrtir af
samföngum sínum en líkams-
pörtum hafði einnig verið kastað
út úr fangelsinu á meðan á upp-
þotinu stóð. ■
KÍNA, AP Stjórnvöld í Norður-Kóreu
segja að hundruð manna hafi lát-
ist og þúsundir slasast í öflugri
sprengingu við lestarstöð skammt
frá landamærum Kína á fimmtu-
dag. Fregnir herma að þúsundir
íbúðarhúsa og annarra bygginga
hafi eyðilagst í sprengingunni og
er óttast að fjöldi manna sé fastur
í húsarústum. Norður-Kóreumenn
hafa óskað eftir aðstoð alþjóða-
samfélagsins vegna slyssins og
verður fulltrúum Sameinuðu
þjóðanna, Rauða krossins og ann-
arra hjálparstofnana fylgt á slys-
stað í dag til að meta ástandið.
Slysið átti sér stað um klukkan
eitt eftir hádegi á fimmtudag. Að
sögn yfirvalda varð sprenging
þegar tveir lestarvagnar hlaðnir
dínamíti lentu á rafmagnslínum
við lestarstöð í Ryongchon.
Sprengingin var svo öflug að allar
byggingar í innan við 500 metra
fjarlægð frá lestarstöðinni
jöfnuðust við jörðu. Kim Jong Il,
leiðtogi Norður-Kóreu, hafði farið
um lestarstöðina aðeins fáeinum
klukkustundum áður en slysið
varð en hann var á heimleið eftir
þriggja daga opinbera heimsókn
til Kína.
Stjórnvöld í Norður-Kóreu
lýstu yfir neyðarástandi og
sjúkrahús handan landamæranna
í Kína bjuggu sig undir að taka á
móti slösuðum. Rauði krossins
dreifði tjöldum og ábreiðum til
yfir 4000 fjölskyldna sem misstu
heimili sín í sprengingunni.
Norður-Kóreumenn reyndu til
að byrja með að koma í veg fyrir
að erlendir fjölmiðlar fréttu af
slysinu, meðal annars með því að
loka fyrir símasamband, en fljót-
lega varð þeim ljóst að þeir
kæmust ekki af án alþjóðlegrar
aðstoðar. Þá var send formleg
beiðni um aðstoð til mannúðar-
skrifstofu Sameinuðu þjóðanna í
Genf.
Breska ríkissjónvarpið, BBC,
sýndi gervitunglamyndir af slys-
staðnum sem teknar voru hálfum
öðrum sólarhring eftir slysið. Á
myndunum sést reykjarmökkur
stíga hátt til himins yfir slys-
staðnum.
brynhildur@frettabladid.is
Hjartaþegi lést:
Fékk vitlaust
líffæri
SVISS, AP Svissnesk kona lést eftir
að læknar græddu í hana hjarta úr
einstaklingi sem var í röngum blóð-
flokki. Saksóknarar hafa hafið
rannsókn á því hvort grundvöllur
sé fyrir því að gefa út ákærur
fyrir manndráp af gáleysi.
Rosmarie Voser hafði lengi verið
á biðlista eftir hjarta þegar hún fór
í hjartaígræðslu á Háskólasjúkra-
húsinu í Zürich fyrr í vikunni. Þeg-
ar líkami hennar hafnaði nýja hjart-
anu uppgötvuðu læknar að það
hafði tilheyrt manneskju sem var í
blóðflokki A en ekki O eins og Vos-
er. Hún lést áður en læknum tókst
að tengja hana við gervihjarta. ■
Leikfélag Akureyrar:
Fjárframlög
tryggð
í þrjú ár
AKUREYRI Akureyrarbær veitir ár-
lega 80 milljónum króna til rekst-
urs Leikfélags Akureyrar sam-
kvæmt samningi sem undirritaður
var á sumardaginn fyrsta. Samn-
ingurinn gildir til
þriggja ára en
hann byggir á
samningi bæjar-
ins við mennta-
málaráðuneytið
um stuðning rík-
isins við menn-
ingarmál á Akur-
eyri. Gert er ráð
fyrir að við fram-
lagið bætist fimm
milljónir á næsta
ári og 10 milljónir
árið 2006, að því
tilskildu að áætl-
anir félagsins um verkefni og
hallalausan rekstur gangi eftir.
Leikfélag Akureyrar mun svið-
setja að lágmarki fjögur leikverk á
ári og eru ákvæði um að sérstök
áhersla skuli lögð á lifandi sam-
starf við börn og grunnskólana á
Akureyri. ■
www.plusferdir.is
Portúgal
34.165 kr.
N E T
á mann m.v. 2 fullorðna og 2 börn, 2ja-11 ára, í íbúð með einu
svefnherbergi í 7 nætur á Elimar. Innifalið er flug, gisting,
ferðir til og frá flugvelli erlendis og allir flugvallarskattar.
Ef 2 fullorðnir ferðast saman 48.455 kr. á mann.
NETplus er einungis bókanlegur á www.plusferdir.is
18. og 25. maí
Verð frá
MAGNÚS GEIR
ÞÓRÐARSON
LEIKHÚSSTJÓRI
Akureyrarbær
veitir áttatíu
milljónir til Leik-
félags Akureyrar.
FANGAUPPÞOT
Fangarnir sem stóðu á þaki Urso Branco ríkisfangelsisins fögnuðu ákaft
þegar samkomulag náðist við yfirvöld.
Fangauppþot í Brasilíu:
Fangarnir fengu sitt fram
GASSPRENGING Að minnsta
kosti þrír slösuðust í sprengingu
í gasbirgðastöð Gasag í Vestur-
Berlín í gær. Sprengingin varð
þegar verið var að dæla gasi á
tankbíl. Bíllinn sprakk í loft upp
og þrír starfsmenn slösuðust lítil-
lega. Flytja þurfti 500 íbúa nær-
liggjandi húsa á brott.
■ Lögreglufréttir
NEITAÐI BLÓÐSÝNATÖKU Maður
var tekinn á Kirkjubæjarklaustri
grunaður um ölvun við akstur.
Taka þurfti blóðsýni úr honum en
hann vildi það ekki. Farið var
með hann á Selfoss þar sem hann
gisti fangageymslur til morguns.
FLAGGAÐ OF LENGI Nokkuð hef-
ur borið á því að starfsmenn fyrir-
tækja og einstaklingar gleymi að
draga þjóðfánann niður á tilsettum
tíma á kvöldin. Í fánalögum segir
að fána skuli eigi draga á stöng
fyrr en klukkan sjö að morgni og
að jafnaði skuli hann eigi upp vera
lengur en til sólarlags, og aldrei
lengur en til miðnættis.
Hundruð fórust
í sprengingu
Óttast er að hundruð manna hafi farist þegar öflug sprenging varð
við lestarstöð í Norður-Kóreu. Allar byggingar í innan við 500 metra
fjarlægð frá lestarstöðinni jöfnuðust við jörðu.
BRÚ MILLI KÍNA OG NORÐUR-KÓREU
Sjúkrahús handan landamæranna í Kína bjuggu sig undir að taka á móti fólki
sem slasaðist þegar sprenging varð við lestarstöð í Norður-Kóreu.