Fréttablaðið - 24.04.2004, Blaðsíða 26
26 24. apríl 2004 LAUGARDAGUR
Það fór fyrir brjóstið á mörgumá Gay Pride göngunni í fyrra
þegar grímuklæddur maður stóð
á Bankastræti, til móts við Skóla-
vörðustíg, með skilti í hönd sem á
var letrað „Hommar brenna í hel-
víti“. Göngumenn sjálfir tóku
uppátækinu ágætlega en þeir sem
safnast höfðu saman til að fylgj-
ast með göngunni veittust að
manninum og helltu sér yfir hann.
„Þeir samkynhneigðu tóku
þessu mun betur en hinir. Þeir
höfðu allavega meiri húmor fyrir
þessu,“ segir grímuklæddi mað-
urinn, sem heitir í raun Frosti Jón
Runólfsson. Það sem fáir vissu
var að félagi Frosta tók uppátæk-
ið upp á myndband. „Þetta var allt
gert í þágu listarinnar ef svo má
að orði komast. Þetta var eitthvað
sem ég varð að gera og táknar eig-
inlega þögla meirihlutann – eitt-
hvað sem allir eru að hugsa um en
enginn þorir að segja,“ segir
Frosti, sem er þó síður en svo á
móti samkynhneigðum. „Ég kann
betur við samkynhneigða en
hina,“ segir hann.
Hinn eini sanni raunveru-
leiki
Frosti hefur síðustu ár verið að
reyna fyrir sér í kvikmyndagerð.
„Ég hef hallast meira að því að
blanda saman performance art og
vídeói. Það er að taka upp fólk í
aðstæðum sem það veit ekki að
verið er að taka upp. Þetta er
svona ultimate raunveruleika-
formið,“ útskýrir Frosti. Hann
segist ekki hafa verið hræddur á
meðan áhorfendur veittust að
honum en bjóst alveg eins við að
einhver myndi leggja hendur á
hann. „En það var verið að taka
þetta upp og þá hefði bara orðið
skemmtilegra að horfa ef eitthvað
hefði komið upp á,“ segir Frosti,
sem lét engan vita af uppátækinu
nema sínu nánustu vini.
Frosti segist hafa borið grímu-
na á Gay Pride fyrir útlitið á
myndbandinu og til þess að fólk
sæi ekki hvað hann væri að hugsa.
„Fólk sá bara þetta kalda andlit
sem lítur alltaf eins út,“ segir
Frosti, en gríman er sú sama og
morðinginn í kvikmyndinni Hall-
oween bar. „Svo er Halloween hel-
víti góð mynd og Michael Myers
góður morðingi.“
Frelsaðist fyrir listina
Fyrir þremur árum vann Frosti
stuttmyndasamkeppni Skjás eins
og Hins hússins. Sigurmyndin var
raunveruleikamynd um ógæfu-
mann sem braust inn í verslun á
Hverfisgötunni. „Maðurinn sat
þar í makindum sínum og ég tók
allt upp, líka þegar lögreglan
kom,“ segir Frosti. „Það má eigin-
lega segja að þar hafi þessi lista-
stefna byrjað að mótast.“
Fyrir nokkru fór Frosti einnig
á trúarsamkomu og lét frelsast –
allt í þágu listarinnar. „Það voru
samkomur í Bíóborginni þar sem
nígerískur prestur var að frelsa
fólk. Ég og vinir mínir áttum leið
hjá og okkur var boðið inn. Sam-
koman var einnig daginn eftir og
við ákváðum að gera eitthvað og
taka það upp á videó,“ segir
Frosti, sem lét nígeríska prestinn
frelsa sig. „Ég stóð heillengi upp á
sviði syngjandi og biðjandi. Svo
var ég loksins frelsaður,“ segir
Frosti, sem fann þó fyrir litlum
breytingum eftir aðfarir prests-
ins. „Ég var frelsaður gegn áfengi
en það gekk ekki betur en svo að
ég var strax kominn á barinn eftir
samkomuna.“
Hrá mynd raunveruleikans
Frosti segist reyna að ná fólki
á myndband í undarlegum að-
stæðum án þess að það viti af
því. Aðspurður hvort honum
finnist hann ekki vera að blekkja
fólk með uppátækjunum sagði
hann: „Ef fólk getur ekki verið
satt sjálfu sér, eins og til dæmis
á samkomunni, þá er það hálf-
gerðir hræsnarar.“
Frosti segist vonast til að geta
notað raunveruleikaefnið þegar
þar að kemur. „Mig langar til að
gera markvissari myndir og ég
daðra við að skrifa handrit. En
það er erfitt á Íslandi á þessum
tímum fyrir mann sem hefur
litla sem enga reynslu en mikið
af hugmyndum. Það verður bara
að bíða betri tíma og á meðan
reyni ég að gera eitthvað auð-
velt, þar sem allt er ókeypis,“
segir Frosti, sem finnst þó raun-
veruleikasjónvarpið í sinni hrá-
ustu mynd vissulega skemmti-
legt. „Leikið efni er skopmynd af
raunveruleikanum svo það er
best að ná honum í sinni réttustu
mynd.“
Heimildarmynd um Mínus
Frosti hefur undanfarið verið
að vinna heimildarmynd um
rokkhljómsveitina Mínus ásamt
Haraldi Sigurðssyni. „Ég hef
verið meira og minna að taka
upp í tvö ár. Ég kann hins vegar
ekkert að klippa svo Halli var
fenginn inn í þetta verkefni með
mér. Við höfum unnið mikið og
vel saman,“ segir Frosti. Hann
segir raunveruleika Mínus-
manna vera mjög skemmtilegan.
„Hann er frábær. Þetta eru fimm
skemmtilegustu menn sem ég
veit um. Það er gaman að vera
með þeim og mikill heiður,“ seg-
ir Frosti, sem er ánægður með að
fá tækifæri til að gera mynd um
sveitina. „Það er sérstaklega
skemmtilegt á þessum tíma-
punkti hjá sveitinni. Þetta er líka
mjög gott tækifæri fyrir mig
sem óreyndan kvikmyndagerð-
armann.“
Mínus hefur ekki verið í náð-
inni hjá æskulýðsforkólfum eftir
yfirlýsingar um eiturlyfjaneyslu
í erlendum tímaritum. Frosti
segir að raunveruleiki hljóm-
sveitarmeðlima muni koma í ljós
í heimildarmyndinni. „Það verð-
ur allt sýnt,“ segir Frosti, en
myndin verður að öllum líkind-
um frumsýnd í sumar.
Með kameruna á lofti
Síðustu mánuði hefur Frosti
eingöngu starfað við kvik-
myndagerð. „Ég ákvað að vera
góður við sjálfan mig, hætta að
vinna og snúa mér algjörlega að
því sem ég hef áhuga á. Það er
erfitt að lifa af því en mín heit-
elskaða mamma stendur alltaf
við bakið á mér, sama hvað bját-
ar á, sem og mínir vinir. Þau
taka eiginlega fallið en ekki ég,“
segir Frosti, sem hefur sett
stefnuna á að læra kvikmynda-
gerð. En mega Íslendingar þá
búast við því að vera gómaðir á
mynd við undarlegar aðstæður í
komandi framtíð. „Já, eflaust.
Ég er alltaf með kameruna á
lofti,“ segir Frosti Jón Runólfs-
son að lokum.
kristjan@frettabladid.is
Frosti Jón Runólfsson hefur farið öðruvísi leiðir í
kvikmyndagerð. Hann myndar fólk í undarlegum að-
stæðum án þeirrar vitundar. Lét „frelsa“ sig frá áfeng-
isneyslu en án árangurs. Stuðar fólk í mótmæla-
göngum og gerir núna heimildarmynd um Mínus.
Allt í þágu
listarinnar
Ég ákvað að vera
góður við sjálfan
mig, hætta að vinna og
snúa mér algjörlega að því
sem ég hef áhuga á. Það er
erfitt að lifa af því en mín
heitelskaða mamma stend-
ur alltaf við bakið á mér.
,,
FROSTI JÓN RUNÓLFSSON
Fer ótroðnar slóðir í kvikmyndagerðinni. Hann hefur meðal annars látið frelsa sig í þágu listarinnar.
MÍNUS
Frosti vinnur nú að heimildarmynd um rokkhljómsveitina Mínus. Hann
segir Mínus vera þá fimm skemmtilegustu menn sem hann veit um.
Á GAY PRIDE
Uppátæki Frosta á Gay Pride fór misvel í fólk. Áhorfendur veittust að
honum en göngumenn hlógu. Sjálfur segist Frosti kunna vel við
samkynhneigða.
FRELSAÐUR
Frosti lét „frelsa“ sig af drykkjuskap hjá nígerískum presti.
Það gekk ekki betur en svo að hann fór beint á barinn á eftir.
Allt var tekið upp á kameru.
FR
ÉT
TA
B
LA
Ð
IÐ
/P
JE
TU
R