Fréttablaðið - 24.04.2004, Blaðsíða 29
Laugardagur 24. apríl 2004 3
Flestir eiga sér draum um flottan
sportbíl með blæju, en færri hafa
látið drauminn rætast, ekki síst af
því að „Ísland-sama-sem-blæju-
bíll“ er ekki alveg að virka. Það
gæti samt hugsanlega verið mis-
skilningur, því þeir sem hafa tekið
skrefið og keypt sér slíkan bíl hér
heima eru alsælir.
Elín Vigfúsdóttir gjaldkeri er
ein af þeim. Hún festi kaup á GT
Audi tveggja sæta sportbíl með
blæju og segir fátt æðislegra á
fallegum sumardegi en taka niður
blæjuna og þeysa austur fyrir
fjall.
„Það blæs ekki svo mikið á
mann því maður situr svo neðar-
lega í bílnum og svo er hiti í sætun-
um þannig að manni verður ekkert
kalt,“ segir Elín.
Elín var að leita sér að flottum
bíl þegar hún rakst á þennan í
Heklu og stóðst ekki mátið. „Ég
átti áður Audi S4 og er hrifin af
tegundinni. Ég var reyndar að leita
mér að sjálfskiptum bíl, en þessi er
sex gíra og ótrúlega kraftmikill.“
Hún hlær þegar hún er spurð
hversu hratt hún komist á bíllnum
og vill ekki svara því. „En hann er
óskaplega ljúfur og manni finnst
maður vera á 60 þegar maður er
kominn upp í 120. Það er jafn gott
að vera meðvitaður um það,“ segir
hún og brosir.
Elín er með bíladellu, í þeim
skilningi að hún vill flotta bíla. „Ég
hef minni áhuga á tæknihliðinni,
hún heyrir undir eiginmanninn og
synina, sem eru líka með ólækn-
andi bíladellu. Þennan bíl nota ég
svolítið spari, hann er í bílskúrnum
á veturna því maður tímir auðvitað
ekki svona flottum bíl í saltið og
aurinn. En þetta er sannarlega
draumabílinn,“ segir Elín, sem
skiljanlega vekur hvarvetna at-
hygli þegar hún og Audiinn eru
saman á ferð.
edda@frettabladid.is
Happdrætti DAS verður hálfrar
aldar gamalt þann 3. júlí og hygg-
ur happdrættið því á veglegar af-
mælisgjafir í ár. Fyrsti útdráttur
Happdrættis DAS féll í skaut
vinningshafa þann 3. júlí 1954, en
fyrsti vinningshafinn hlaut að gjöf
Chevrolet Bel Air-bifreið, sérinn-
flutta eðalkerru frá Bandaríkjun-
um. Chevrolet-bifreiðin var fyrst í
hópi þriggja bifreiðavinninga það
árið. Hálfrar aldar afmælisgjöf
happdrættisins, sem dregin verð-
ur út sem aukavinningur 8. júlí
nk., er nákvæm eftirlíking fyrsta
bifreiðarvinnings DAS og kemur
frá Californiu. Bifreiðin er af ár-
gerðinni 1954, en allar innrétting-
ar sem og vélarrými bifreiðarinn-
ar hafa verið endurnýjaðar hátt
sem lágt. Bifreiðinni, sem var
keypt í Californiu fyrr á þessu ári
af fyrrgreindu tilefni, var ekið
alla leið til New York og þaðan um
borð í flugvél Flugleiða, sem
reyndist hagkvæmasta flutnings-
leiðin. Til Íslands kom svo Chevr-
olet-bifreiðin um síðustu helgi.
Getraun fylgir afmælisgjöf DAS í
ár, því Chevrolet-bifreiðin verður
fyllt af þúsund króna seðlum. Sá
sem kemst næst upphæðinni á
svarseðli vinnur ferð til Evrópu,
en vinningshafinn sjálfur fær
fjárhæðina dularfullu og bifreið-
ina. Komi afmælisvinningurinn
upp á tvöföldum miða að þessu
sinni fylgja að auki tvær milljónir
með eðalvagninum. Ekki amaleg
afmælisgjöf það. ■
Góð ráð
Ýtið horni bílsins niður og í ljós
kemur hvort demparar eru í lagi,
segir Jón Heiðar Ólafsson.
Demparar bíls hafa hvað mest
með aksturseiginleika bílsins að
gera og því er mikilvægt að hafa
þá í góðu ástandi. Demparar
geta misst eiginleika sína á löng-
um tíma. Þannig getur fólk van-
ist lélegum aksturseiginleikum
bíls, sem aftur skapar hættu
þegar á reynir. Bílar með lélega
eða ónýta dempara missa meðal
annars veggripið og meiri líkur
eru á að ökumaður missi stjórn á
bílnum. Stundum sést greinilega
á dempurum þegar þeir eru
ónýtir, þeir byrja þá að leka og
verða útataðir í olíu. Besta leið-
in til að athuga hvort dempar-
arnir séu í lagi er að ýta horni
bílsins niður. Ef bílinn kemur
upp aftur og stoppar eru
dempararnir í lagi, en ef bílinn
fer að dúa upp og niður eru
dempararnir ónýtir. Ef það kem-
ur í ljós að annar afturdempar-
inn er skemmdur er æskileg að
skipta um báða afturdemparana
og það sama á við ef einungis
annar framdemparinn er ónýt-
ur. ■
Vantar þig góð ráð? Sendu
póst á bilar@frettabladid.is
Lélegir demparar hættulegir
Hálfrar aldar afmæli Happdrættis DAS:
Fyrsti útdráttur gengur í
endurnýjun lífdaga
Chevrolet Bel Air árgerð 1954 er afmælisgjöf DAS á hálfrar aldar afmæli happdrættisins.
Bíllinn minn:
Geggjaður sportbíll með blæju
Elín Vigfúsdóttir féll kylliflöt fyrir sportbíl með blæju þegar hún var að leita sér að flottum bíl.
Farsímar:
Hringja eftir hættu
Getur þú ekki hugsað þér að vera án
farsímans? Hann er sannarlega orðinn
mikilvægur þáttur í daglega lífinu, en
notkun farsíma í akstri fjórfaldar líkur á
slysum. Á meðan þú ert að leita að
rétta númerinu, hringja og tala ert þú
ekki að fylgjast með veginum eins og
þú ættir að gera. Handfrjáls búnaður
er til bóta en kemur ekki í veg fyrir að
athygli þín dvíni á meðan þú beinir
henni að samtalinu. Bandarísk könnun
á 837 ökumönnum sem notuðu far-
síma á meðan þeir óku bíl leiddi í ljós
að næstum helmingur þeirra sveigði
inn á ranga akrein án þess að veita því
athygli, 23% óku of nálægt næsta bíl á
undan, 21% óku í veg fyrir annan bíl
og 18% höfðu nærri því lent í árekstri.
Líklega er þessu svipað farið með ís-
lenska ökumenn. En hvað getur þú þá
gert? Hvernig getur þú tryggt öruggan
akstur þrátt fyrir að nota farsíma?
Nokkur góð ráð símaframleiðenda:
■ finndu góðan stað og leggðu bílnum
áður en þú ferð að nota símann
■ leyfðu símanum að hringja. Það er
betra að vísa á talhólf, hringja seinna
eða jafnvel missa af símtali en að stof-
na sjálfum þér, farþegum þínum eða
öðrum í hættu
■ lærðu vel á símann áður en þú held-
ur af stað út í umferðina
■ skrifaðu aldrei niður minnispunkta
eða símanúmer á meðan þú ert á ferð
Mundu: Öryggi í umferðinni er alltaf
mikilvægara en að nota símann