Fréttablaðið - 24.04.2004, Blaðsíða 42

30 24. apríl 2004 LAUGARDAGUR
Í Hafnarfirði hafa risið glæsilegar þjónustuíbúðir fyrir 60 ára og eldri. Um er
að ræða tvö fjölbýlishús með 64 íbúðum sem eru sérhannaðar með þarfir
eldri borgara í huga. Húsin standa við Hrafnistu og njóta íbúarnir öryggis frá
heimilinu, auk þess sem hægt er að fá keypta þaðan ýmis konar þjónustu.
Íbúðirnar eru leiguíbúðir með 30% afnotarétti og er það nýr valkostur í
húsnæðismálum eldri borgara. Leigendur geta fengið húsaleigubætur samkvæmt
gildandi reglum. Enn er nokkrum íbúðum óráðstafað.
Hægt er að fá að skoða íbúðirnar og fá frekari upplýsingar með því að hafa
samband við Sjómannadagsráð í síma 585-9301.
Sjómannadagsráð
Þjónustuíbúðir fyrir 60 ára og eldri
glæsilegar leiguíbúðir
Íbúðirnar eru fyrir 60 ára og eldri og íbúarnir njóta
öryggis og þjónustu frá Hrafnistu í Hafnarfirði
stuíbúðir fyrir 60 ára og eldri
Við Hraunvang við Hrafnistu í Hafnarfirði hafa risið glæsilegar íbúðir fyrir 60
ára og eldri.Um er að ræða tvö fjölbýlishús með 64 íbúðum sem eru sér-
hannaðar með þarfir eldri borgar í huga. Húsin sta da á fallegum stað hjá
Hrafnist og njóta íbúarnir öryggis fr h imilinu, auk þe s sem hægt er að fá
keypta þaðan ýmis konar þjónustu. Íbúðirnar eru boðnar til leigu, auk leigu
er greitt fyrir 30% afnotarétt og er sú greiðsla verðtryggð og fæst endur-
greidd við flutning samkvæmt nánari reglum.Leigjendur geta fengið húsa-
leigubætur samkvæmt gildandi reglum. Óráðstafað er nokkrum tveggja og
þriggja herbergja íbúðum.
Hægt er að fá að skoða íbúðirnar og fá frekari upplýsingar með
því að hafa samband við Sjómannadagsráð í síma 585-9301.
Diego Maradona er enn á ný í heimsfréttunum, nú síðast þegar hann var fluttur á
sjúkrahús með alvarlegar hjartsláttartruflanir. Þessi fyrrum knattspyrnuhetja
hefur vægast sagt farið illa út úr kókaínneyslu undanfarinna ára.
Diego Armando Maradona varfluttur á sjúkrahús í Buenos
Aires á dögunum með alvarlegar
hjartsláttartruflanir. Heims-
pressan setti sig í stelllingar því
svo virtist sem tími væri kominn
fyrir eftirmæli um manninn sem
margir segja vera mesta knatt-
spyrnukappa allra tíma. Argent-
ínsk sjónvarpsstöð sagði að
Maradona hefði fengið hjarta-
áfall eftir að hafa neytt kókaíns.
Læknir knattspyrnuhetjunnar,
Alfredo Cahe, neitar þessu hins
vegar staðfastlega en telja má
líklegt að hann myndi neita sögu-
sögnunum hvort sem þær væru
sannar eða lognar. Fyrir fjórum
árum var Maradona lagður inn á
sjúkrahús eftir alvarlegt hjarta-
áfall en þá harðneituðu aðstoðar-
menn hans því að kókaínneysla
hefði stuðlað að hjartaáfallinu,
þótt það sannaðist síðar. Cahe
segist nú hafa áhyggjur af allri
þeirri vitleysu sem komi frá
blaðamönnum um málið og ítrek-
ar að kókaín eigi engan þátt í
heilsubresti Maradona. Læknir
við sjúkrahúsið staðfestir þessi
orð Cahe.
Ris og fall
Aðdáendur Maradona
streymdu til sjúkrahússins þegar
fréttist um ástand hans. Einhverj-
ir báru myndir af knattspyrnu-
manninum þegar hann var á há-
tindi ferils síns. Á einu skilti stóð:
„Diego, Argentína elskar þig“.
Bílstjórar sem áttu leið um þeyttu
flautur sínar. „Ég vil bara að hon-
um batni,“ sagði tvítugur laga-
stúdent. „Maradona er eina mann-
eskjan sem hefur fært argent-
ínskum almenningi hamingju á
síðustu árum. Þess vegna þykir
mér vænt um hann.“ Maradona er
þjóðhetja í Argentínu, dáður og
dýrkaður, og hefur að því leyti
verið líkt við Che Guevara en
Maradona er með mynd hans húð-
flúraða á handlegg sinn.
Nýjustu fregnir herma að
Maradona sé að braggast. Að
sögn fyrrverandi eiginkonu hans,
Claudiu, er hann ekki lengur í
öndunarvél. Hann virðist því
hafa sloppið fyrir horn, eina ferð-
ina enn. Kókaínið hefur verið
mikill bölvaldur í lífi Maradona
en hann hefur einnig þurft að
takast á við áfengissýki og ofát.
Hann er einungis 43 ára gamall
en lítur út fyrir að vera mun
eldri. Hann er afmyndaður af
fitu og ber ólifnaðinn utan á sér.
Hann er satt að segja aumkunar-
verð sjón og virðist hnigna með
hverju árinu. Það eru vissulega
til sögur af frægum knattspyrnu-
köppum sem hafa sokkið lágt og
er George Best ágætt dæmi. En
enginn hefur þó náð jafn hátt og
fallið jafn djúpt og Maradona.
„Hönd Guðs“
Hann fæddist árið 1960 í fá-
tækrahvefi í úthverfi Buenos
Aires, sonur verkamanns og
fimmti í röð átta systkina. Tíu
ára gamall var hann farinn að
leika listir sínar á knattspyrnu-
leikjum í hálfleikjum. Öllum sem
vit höfðu á var ljóst að þarna var
efni í knattspyrnumann á heims-
mælikvarða. Fimmtán ára gamall
var hann orðinn atvinnumaður í
knattspyrnu. Hann varð fyrirliði
argentínska drengjalandsliðsins
og lék síðan á Spáni og Ítalíu.
Árið 1986 var hann í argent-
ínska landsliðinu sem keppti í
heimsmeistarakeppninni í
Mexíkó. Þar skoraði hann frægt
mark gegn Englandi. Af endur-
sýningum má glöggt sjá að Mara-
dona kýldi boltann inn í markið.
Mardona sagði að „hönd Guðs“
hefði stýrt boltanum. Orðin hafa
orðið fleyg í knattspyrnusögunni.
Maradona þurfti hins vegar enga
guðlega aðstoð við að skora
seinna mark sitt í leiknum eftir
að hafa leikið á sex leikmenn
Englendinga. Þetta seinna mark
hefur margoft verið kosið besta
mark allra tíma. Lið Argentínu
lék úrslitaleikinn við Þjóðverja
og sigraði. Maradona hampaði
heimsmeistaratitli með liði sínu,
25 ára gamall.
Hann kvæntist árið 1990
Claudiu Villafane og athöfnin og
veislustandið var vægast sagt
íburðarmikið. Um svipað leyti
var argentínska lögreglan að
rannsaka dópneyslu hans og sam-
skipti hans við gleðikonur. Árið
1991 féll hann á lyfjaprófi og í
ljós kom að hann var kókaínneyt-
andi. Hann fékk 15 mánaða
keppnisbann. Sögusagnir voru á
kreiki um að hann umgengist fé-
laga í ítölsku mafíunni.
Skaut að fréttamönnum
Þremur árum seinna var hann
rekinn tímabundið úr argent-
ínsku knattspyrnuliði fyrir að
hafa ekki mætt á æfingar. Þegar
fjölmiðlamenn sátu um heimili
hans skaut hann úr byssu og
særði fjóra þeirra. Hann lék með
argentínska liðinu seinna þetta
sama ár í heimsmeistarakeppn-
inni. Hann þótti leika gríðarvel en
mörgum brá þegar hann fagnaði
einu marka sinna með því að
hlaupa að sjónvarpsmyndavél og
öskra af alefli. Geiflað andlit
hans minnti mest á andlit geð-
sjúklings. Örfáum dögum seinna
varð hann uppvís að því að hafa
neytt ólöglegra lyfja og var vikið
úr keppni. „Þeir hafa drepið mig,“
sagði hann grátandi. Hann var
settur í 15 mánaða keppnisbann
og hlaut háa fésekt.
Árið 1996 lagðist hann inn á
meðferðarstofnun í Sviss vegna
kókaínneyslu. Sérfræðingur
sagði að Maradona væri í beinni
lífshættu vegna lífernis síns.
Hann sneri aftur á knattspyrnu-
völlinn en féll enn einu sinni á
lyfjaprófi. Síðan hefur hann ekki
leikið knattspyrnu opinberlega.
Árið 2000 var hann fluttur á
sjúkrahús í Úrugvæ vegna alvar-
legs hjartaáfalls eftir að hafa
neytt kókaíns. Fídel Kastró bauð
honum í endurhæfingu til Kúbu
og þar hefur hann dvalið síðustu
árin með hléum. Þótt hann fyndi
griðastað á Kúbu var hann þar
með ekki laus undan fortíðinni og
fyrir tveimur árum var hann
dæmdur af ítölskum dómstól til
að greiða tvo og hálfan milljarð í
bakskatta. Sama ár kaus FIFA
hann mesta knattspyrnumann
allra tíma, ásamt Pele.
kolla@frettabladid.is
MARADONA Í STUÐI
Hann var snillingur á knattspyrnuvellinum en kókaínið hefur orðið honum að falli. Hér veifar hann til aðdáenda sinna á knattspyrnuvellinum á dögunum. Við hlið hans er dóttirin Dalma.
Ris og fall Diego Maradona
Ekki
batnar það
Breska götublaðið The Sungreindi frá því í gær að kúb-
versk stúlka hefði lýst því yfir
að hún væri ófrísk af barni
Diego Maradona. Líklegt er að
fregnirnar, ef réttar eru, muni
ekki bæta ástandið fyrir knatt-
spyrnugoðið fyrrverandi og
hans gætu beðið flókin lagaleg
úrlausnarefni þegar hann kem-
ur út af spítalnum. Stúlkan er 19
ára og heitir Adonay Fruto.
Maradona hefur dvalið mikið á
Kúbu undanfarin ár, en hann á
þegar fjögur börn. Síðustu
fregnir herma að Maradona sé
enn í öndunarvél. ■
Maradona er eina
manneskjan sem hefur
fært argentínskum almenn-
ingi hamingju á síðustu
árum.
,,