Fréttablaðið - 25.04.2004, Blaðsíða 37

30 25. apríl 2004 SUNNUDAGURKraftlyftingar
Rio Ferdinand:
Fær nýjan samning
KNATTSPYRNA Forráðamenn
Manchester United ætla að nota
tímann meðan Rio Ferdinand er í
leikbanni með því að gera við
hann nýjan langtímasamning.
Það var Sir Alex Ferguson sem
greindi frá því í gær að samninga-
viðræður við Rio væru hafnar.
„Hann er aðeins 24 ára gamall
og miðverðir toppa venjulega
ekki fyrr en þeir eru orðnir 27-30
ára gamlir. Ég hef fulla trú á því
að hann eigi að minnsta kosti 12
góð ár eftir. Jafnvel 13-14 ár því
drengurinn hefur einstaka
hæfileika. Hann hefur verið að
leika frábærlega fyrir okkur og
maður áttar sig í raun ekki á því
hversu öflugur leikmaður hann er
fyrr en maður getur ekki notað
hann. Því er ekki að neita að við
söknum hans og enska landsliðið á
eflaust eftir að gera það líka í
sumar,“ sagði Fergie en Rio er
eins og flestir ættu að vita í leik-
banni til 20. september fyrir að
hafa skrópað í lyfjaprófi. Hann
mun þar af leiðandi einnig missa
af EM í Portúgal í sumar.
United keypti Rio í júlí árið
2002 fyrir tæpar 30 milljónir
punda og gerði hann þá fimm ára
samning við félagið. Hann lék
áður með West Ham og Leeds
United og var fyrirliði hjá báðum
félögum. ■
Þriðja sigurmark
Murphys á Old Trafford
Liverpool lagði Man. Utd í tilþrifalitlum leik. Leicester er svo gott sem fallið eftir jafntefli gegn
Man. City. Aston Villa gerir harða atlögu að meistaradeildarsæti.
KNATTSPYRNA Manchester United
ætti að íhuga það alvarlega að
kaupa Danny Murphy frá Liver-
pool. Strákurinn sá kann nefni-
lega ákaflega vel við sig á Old
Trafford því í gær tryggði hann
Liverpool sigur í þriðja sinn á
þessum erfiða útivelli. Það sem
meira var að þá skoraði hann eina
mark leiksins úr vítaspyrnu. Það
gerist afar sjaldan að United fái
dæmt á sig víti og svo hefur leik-
mönnum Liverpool ekki gengið
vel að skora úr vítum. Murphy er
þriðji leikmaðurinn til þess að
taka víti fyrir þá á þessari leiktíð.
Vítaspyrnudómurinn var hár-
réttur hjá Mike Riley dómara en
Gary Neville braut afar klaufa-
lega á Steven Gerrard. United
fékk nokkur ágæt færi til þess að
jafna og þar fór fremstur í flokki
Ryan Giggs. En allt kom fyrir
ekki og leikmenn Liverpool fögn-
uðu mikilvægum stigum í leiks-
lok.
„Þegar Danny er á vellinum þá
tekur hann vítin,“ sagði Gerard
Houllier, stjóri Liverpool, eftir
leikinn. „En ég hefði ekki haft
áhyggjur ef Owen eða Gerrard
hefði tekið það. Þeir hefðu líka
skorað.“
Leicester City er svo gott sem
fallið eftir að þeim mistókst að
sigra Man. City á heimavelli. Leik-
urinn var mjög harður og endaði
með fjöldaslagsmálum. Micky Ad-
ams, stjóri Leicester, neitaði að
játa sig sigraðan í leikslok.
„Ef þú lítur á stöðuna erum við
ekki búnir að vera. Við getum enn
náð 37 stigum og ég hef ekki gef-
ist upp,“ sagði Adams en Paul
Dickov klúðraði víti í leiknum
sem hefði getað tryggt Leicester
þrjú dýrmæt stig. Allt varð vit-
laust er vítið var dæmt og tæmd-
ust bekkirnir hjá báðum liðum.
Allir vildu taka þátt í slagsmálun-
um.
Aston Villa er á mikilli siglingu
þessa dagana og er vel líklegt til
þess að taka fjórða sætið í deild-
inni. Þeir sýndu mátt sinn enn eina
ferðina í gær er þeir lögðu Midd-
lesbrough á útivelli. Villa kláraði
leikinn þrátt fyrir að vera manni
færri í rúman hálftíma en George
Boateng fiskaði Nolberto Solano
laglega af velli við litla hrifningu
Davids O’Leary, stjóra Villa.
„Þarna var atvinnumaður að
fara illa með starfsfélaga sinn og
gerði það vel. Ég var aftur á móti
hæstánægður með sigurinn því að
það var besta leiðin til þess að
svara þessari framkomu Boateng.
Við sýndum ótrúlegan karakter og
höfum ekki sagt okkar síðasta í
vetur,“ sagði O´Leary.
Kevin Davies, sem Bolton fékk
frítt síðasta sumar, heldur áfram
að klára leiki fyrir félagið en í
gær gerði hann enn eitt sigur-
markið. Að þessu sinni gegn Sout-
hampton.
„Handritið hefði getað verið
skrifað fyrir Kevin. Hann fékk
alla til þess að brosa,“ sagði glað-
beittur stjóri Bolton, Sam Allar-
dyce, eftir leikinn. „Þessi strákur
kom til okkar í júni og sagðist
ætla að vera eins lengi og ég vildi
hafa hann. Hann hefur staðið sig
vonum framar og ég mun klárlega
halda honum áfram.“
Ungstirnið Jon Stead, sem
Blackburn fékk fyrir lítinn pen-
ing frá Huddersfield, hélt áfram
að slá stórstjörnum liðsins við í
gær þegar hann tryggði Black-
burn þrjú gríðarlega mikilvæg
stig á útivelli gegn Everton.
„Ég reyni alltaf að draga úr
frammistöðu þessa stráks en nú
verð ég að byrja að segja sann-
leikann. Mörkin hans hafa skipt
öllu fyrir okkur og frammistaða
hans í heild er með ólíkindum,“
sagði Graeme Souness, stjóri
Blackburn, en hann vildi ekki
segja að hans menn væru sloppn-
ir við fallið. „Ég mun ekki byrja
að fagna fyrr en taflan segir að
við séum algjörlega öruggir.“
Eins og venjulega er Charlton
með allt í buxunum undir lok
tímabilsins. Það breyttist ekkert í
gær er þeir lágu fyrir Fulham.
Alan Curbishley, stjóri Charlton,
er hættur að þyrma dómurum og
lét þá heyra það í gær. Ástæðan
fyrir umskiptunum – Sam Allar-
dyce.
„Þegar Laurent Robert fiskaði
víti gegn okkur hringdi Sam All-
ardyce í mig og sagði að ég væri
allt of linur í samskiptum við
dómara. Aðrir stjórar láta dómar-
ana heyra það á meðan ég skrifa
skýrslur. Kannski ætti ég að byrja
að haga sér eins og hann segir,“
sagði Curbishley. ■
Patrick Kluivert:
Langar til
Englands
KNATTSPYRNA Hollenski landsliðs-
maðurinn Patrick Kluivert hefur
enn eina ferðina sent skilaboð til
enskra úrvalsdeildarfélaga að hann
sé til í að flytja frá Spáni.
„Ég hef oft sagt það að mig langi
til Englands. Ég á enn eitt ár eftir af
samningi mínum við Barcelona og
hver veit nema ég klári þann samn-
ing. Aftur á móti ef eitthvað félag er
til í að ræða við mig þá er ég meira
en til,“ sagði Kluivert.
Newcastle hefur lengi haft auga-
stað á Kluivert og Man. Utd,
Arsenal og Chelsea myndu eflaust
reyna að fá hann í sínar raðir. ■
GJÖRÐU SVO VEL
Halldór B. Jónsson, formaður dómara-
nefndar KSÍ, afhendir hér David Elleray
gjöf frá íslenskum dómurum en Elleray var
með fyrirlestur fyrir íslenska dómara á
föstudag.
Dómarar þinga:
Elleray
góður
KNATTSPYRNA Íslenskir knatt-
spyrnudómarar eru að ljúka undir-
búningi sínum fyrir sumarið þessa
dagana, rétt eins og leikmennirnir.
Á föstudag þreyttu þeir þrekpróf á
Laugardalsvelli og sátu svo fyrir-
lestur hjá hinum kunna breska
dómara, David Elleray.
Góður rómur var gerður að
fyrirlestri Ellerays enda kann sá
breski ýmislegt fyrir sér í dómara-
fræðunum. Elleray var síðan leyst-
ur út með gjöfum og bíða menn
spenntir eftir sumrinu svo þeir
geti séð hversu miklu fyrirlestur
Ellerays skilaði. ■
Enska 1. deildin:
WBA í
úrvalsdeild
KNATTSPYRNA West Bromwich Al-
bion, lið Lárusar Orra Sigurðsson-
ar, tryggði sér í gær sæti í ensku
úrvalsdeildinni næsta vetur. Frá-
bær árangur hjá liði sem féll úr
úrvalsdeildinni í fyrra.
Þeir þurftu reyndar ekki að
spila til þess að tryggja sér sætið.
Sunderland náði ekki að sigra
Wigan og þar með var ljóst að þeir
geta ekki náð WBA að stigum.
Norwich var áður búið að tryggja
sér sæti í úrvalsdeildinni. ■
GLAÐIR MEISTARAR
Íslandsmeistararnir Bjarni Skúlason og
Gígja Guðbrandsdóttir eru hér ánægð með
afrakstur dagsins.
Júdó:
Mikil átök
JÚDÓ Það er óhætt að segja að það
hafi verið mikil læti í íþróttahús-
inu í Austurbergi í gær þegar Ís-
landsmótið í júdó fór fram. Mótið
var jafnt og skemmtilegt og
margar skemmtilegar rimmur
fóru fram.
Það var Bjarni Skúlason úr Ár-
manni sem stal senunni hjá körlun-
um en hann varð Íslandsmeistari í
opnum flokki. Í öðru sæti varð síð-
an Þormóður Jónsson úr JR. Hjá
konunum varð Gígja Guðbrands-
dóttir úr JR hlutskörpust í opnum
flokki en Anna Soffía Víkingsdótt-
ir, einnig úr JR, varð að sætta sig
við annað sætið. ■
RIO FERDINAND
Fær góðan tíma til þess að semja í róleg-
heitum við United.
UPP MEÐ ÞETTA
Dimas Pyros, þrefaldur ólympíumeistari frá
Grikklandi, lyftir hér 170 kg á Evrópumeist-
aramótinu í kraftlyftingum sem fram fer í
Úkraínu þessa dagana.
TRYGGÐI ÚRVALSDEILDARSÆTIÐ
Það er ljóst að Blackburn gerði góð kaup
er þeir keyptu Jon Stead frá Huddersfield.
Mark hans gegn Everton í dag tryggði
Blackburn væntanlega áframhaldandi sæti
í úrvalsdeildinni. Hann tæklar hér Steve
Watson, leikmann Everton.
HETJA LIVERPOOL
Danny Murphy tryggði Liverpool sigur á Man. Utd á Old Trafford í gær með marki úr vítaspyrnu. Þetta er í þriðja sinn sem Murphy tryggir
Liverpool sigur á Old Trafford.
STAÐAN
Arsenal 33 24 9 0 67:22 81
Chelsea 34 22 6 6 60:27 72
Man. United 35 22 5 8 61:33 71
Liverpool 35 1411 10 49:36 53
Aston Villa 35 1410 11 46:41 52
Newcastle 33 1214 7 45:33 50
Fulham 35 13 9 13 49:44 48
Charlton 35 13 9 13 44:45 48
Birmingham 34 1211 11 40:42 47
Bolton 35 1211 12 42:53 47
Southampton 35 12 9 13 39:35 45
Middlesbrough 35 12 9 14 41:44 45
Blackburn 35 11 7 17 49:57 40
Everton 35 912 14 42:48 39
Tottenham 34 11 5 18 42:54 38
Portsmouth 33 10 7 16 37:47 37
Man. City 35 714 14 48:51 35
Leeds 34 8 8 18 35:69 32
Leicester 35 514 16 42:60 29
Wolves 34 610 18 33:71 28
ÚRSLIT
Everton-Blackburn 0-1
0-1 Jon Stead (81.).
Fulham-Charlton 2-0
1-0 Steed Malbranque, víti (18.),
2-0 Sean Davis (64.).
Leicester-Man. City 1-1
0-1 Michael Tarnat (45.),
1-1 Jamie Scowcroft (66.).
Man. Utd-Liverpool 0-1
0-1 Danny Murphy, víti (62.).
Middlesbrough-Aston Villa 1-2
1-0 Joseph Desire Job (41.),
1-1 Gareth Barry (45.),
1-2 Peter Crouch (89.).
Southampton-Bolton 1-2
1-0 Marian Pahars (21.),
1-1 Kevin Nolan (77.),
1-2 Kevin Davies (78.).
LEIKIR Í DAG
Leeds-Portsmouth
Birmingham-Wolves
Newcastle-Chelsea
Tottenham-Arsenal