Fréttablaðið - 25.04.2004, Blaðsíða 38
31SUNNUDAGUR 25. apríl 2004
Berum höfuð okkar hátt
Íslenska U-19 ára landslið kvenna varð í öðru sæti síns milliriðils fyrir EM. Þær töpuðu lokaleiknum í gær fyrir Þjóðverj-
um, 5-1, eftir að hafa náð forystu í leiknum.
KNATTSPYRNA Það var ljóst frá
upphafi að það yrði við ramman
reip að draga gegn þýsku stúlkun-
um enda þær með eitt albesta lið-
ið í Evrópu og höfðu unnið hina
tvo andstæðingana, 9-0.
Það var samt ekkert vanmat í
íslenska liðinu því Eyjastúlkan
Margrét Lára Viðarsdóttir kom ís-
lenska liðinu yfir í leiknum með
glæsilegu marki beint úr auka-
spyrnu. Skömmu síðar fékk ís-
lenska liðið dauðafæri sem það
nýtti ekki. Þýska liðið brunaði síð-
an fram völlinn og jafnaði leikinn.
Súrt fyrir íslenska liðið sem fékk
upplagt tækifæri til þess ná tveg-
gja marka forystu en fékk á sig
mark í staðinn.
Þýska liðið bætti síðan við einu
marki í viðbót fyrir hlé og var því
með vænlega stöðu í leikhléi, 2-1.
Þær létu síðan kné fylgja kviði í
seinni hálfleik og bættu við þrem
mörkum og unnu öruggan og
sanngjarnan sigur.
Ólafur Þór Guðbjörnsson,
þjálfari liðsins, var stoltur af
stelpunum er Fréttablaðið heyrði
í honum í gær.
„Þetta var í raun óþarflega
stórt tap. Við byrjuðum vel, stelp-
urnar voru grimmar og ákveðnar
og náðu fljótlega forystunni. Það
var síðan svolítið áfall að fá á sig
mark eftir að hafa fengið upplagt
tækifæri til þess að ná tveggja
marka forystu.“
Ólafur sagði að úthaldið hefði
síðan sagt til sín í síðari hálfleik.
„Ástandsmunurinn kom klár-
lega í ljós í seinni hálfleik. Þær
hafa verið að spila við toppað-
stæður í allan vetur á meðan við
erum að hefja okkar tímabil og
það leyndi sér ekki. Þær eru ein-
faldlega í betra úthaldi og við
því var ekkert að gera.“
Árangur íslenska liðsins er
þrátt fyrir tapið glæsilegur og
stelpurnar eygja enn möguleika
á að komast í úrslitakeppni EM
því þau tvö lið sem náðu bestum
árangri liðanna sem lenda í öðru
sæti síns riðils fara líka á EM.
„Það er engan veginn hægt að
kvarta yfir þessu. Liðið hefur
staðið sig alveg frábærlega og á
svo sannarlega framtíðina fyrir
sér. Við berum höfuðið hátt eftir
þessa keppni. Það voru engir
einstaklingar að skara fram úr
hjá okkur í þessu móti heldur
var þetta sigur hópsins. Þetta er
frábær hópur, þéttur og
skemmtilegur og andinn alveg
frábær,“ sagði Ólafur Þór Guð-
björnsson. ■
40 - 50%
Rýmingarsala !
Miðbæ Háaleitisbraut 58 - 60 Sími: 553 2300
Skóverslunin - iljaskinn40 - 50%
- rýmum fyrir nýjum vörum -
sunnudaginn 25. apríl kl. 13:00 - 17:00
Íslands- og Freyjuglíman:
Jöfn og spennandi keppni
GLÍMA Það var hart tekist á í
íþróttahúsi Víkings í gær þegar
Íslands- og Freyjuglíman fór
fram. Pétur Eyþórsson vann
nokkuð óvænt hjá körlunum en
meistari síðasta árs, Ólafur Oddur
Guðmundsson, varð að láta sér
annað sætið nægja að þessu sinni.
Pétur vann allar sínar glímur en
gerði jafntefli við Ólaf Odd. Það
sem felldi Ólaf á mótinu var tap
gegn Stefáni Geirssyni sem varð í
þriðja sæti.
Freyjuglíman var ákaflega
spennandi en svo fór að lokum að
Sólveig Rós Jóhannsdóttir sigraði
með fjóra vinninga en önnur varð
systir hennar, Svana Hrönn Jó-
hannsdóttir, með þrjá og hálfan
vinning. Svana sigraði í fyrra
þannig að Freyjumenið helst inn-
an fjölskyldunnar. ■
KÁTIR SIGURVEGARAR
Sólveig Rós og Pétur sjást hér sæl og kát í lok móts.
MARGRÉT LÁRA VIÐARSDÓTTIR
Stóð sig vel með íslenska U-19 liðinu í Póllandi. Hún skoraði eina mark Íslands í tap-
leiknum gegn Þjóðverjum í gær.
DÓRA MARÍA LÁRUSDÓTTIR
Átti mjög góða leiki í milliriðlinum í Póllandi. Hún sést hér skora með íslenska A-land-
sliðinu gegn Pólverjum á Laugardalsvelli.
KRAFTLYFTINGAR Kópavogströllið
Auðunn Jónsson lék á alls oddi í
gær þegar Íslandsmeistaramótið í
kraftlyftingum fór fram í íþrótta-
húsi fatlaðra. Þar atti hann kappi
við sænska uxann Jörgen Ljung-
berg og keppni þeirra stóð svo
sannarlega undir væntingum.
Staða þeirra var í jafnvægi
eftir hverja grein og þegar Auð-
unn átti eina réttstöðulyftu eftir
varð hann að jafna heimsmet til
þess að sigra Svíann. Það gerði
hann að sjálfsögðu – 1050 kg hjá
Kópavogströllinu í samanlögðu.
Auðunn lyfti 390 kg í hné-
beygju, hann tók 280 kg í bekk-
pressu og gerði sér svo lítið fyrir
og tók 380 kg í réttstöðulyftu. ■
Íslandsmót í
kraftlyftingum:
Auðunn
jafnaði
heimsmet
SVONA Á AÐ GERA ÞAÐ
Gamla brýnið Víkingur Traustason sýndi í
gær að hann hefur engu gleymt.