Fréttablaðið - 25.04.2004, Blaðsíða 39
25. apríl 2004 SUNNUDAGUR
Eiganda hundarins Libby, sem erþýskur fjárhundur, brá heldur í
brún þegar hann komst að því að
hundurinn var með 28 golfkúlur í
maganum.
Mike Wardrop, sem býr í
Manchester á Englandi, skyldi ekk-
ert í því af hverju hundurinn hans
var hættur að hafa lyst á matnum
sínum. Þegar hundurinn hafði hor-
ast meira en eigandanum fannst
eðlilegt ákvað hann að fara með
hann til læknis.
Dýralæknirinn komst að því að
Libby hafði verið að stelast inn á
Didsbury golfvöllinn þar sem eig-
andinn vinnur og gleypt hverja golf-
kúluna á fætur annarri.
„Ég varð alveg gáttaður þegar ég
komst að því að þær voru 28 tals-
ins,“ sagði Wardrop í viðtali við The
Daily Record. „Að sjá svo allar
þessar golfkúlur var ótrúleg sjón.
Samanlagt vógu þær um 2 og hálft
kíló. Það er ekkert skrýtið að Libby
hafi liðið hálf illa.“
Dýralæknirinn skilaði öllum kúl-
unum til eigandans og höfðu flestar
aflitast í maga hundsins. „Þær eru
þó enn nothæfar og það verður frá-
bært að nota þær á æfingum. Lækn-
arnir þurftu ekki einu sinni að taka
röntgenmynd til þess að átta sig á
því hvað væri að. Þeir fundu fyrir
golfkúlunum utan á maga hundsins.“
Það tók læknana tvo og hálfan
tíma að ná öllum kúlunum út úr
maga hundsins. Læknarnir voru
víst byrjaðir að veðja um hversu
margar kúlur þeir myndu finna í
maga dýrsins. ■
28 golfkúlur fundust
í hundsmaga
Sigrún Bender, 18 ára Hafnar-fjarðarmær, var krýnd Ungfrú
Reykjavík með pompi og prakt á
Broadway að kvöldi föstudagsins
23. apríl. Fjóla Ósk Aðalsteins-
dóttir, sem er 19 ára Reykvíking-
ur, varð í 2. sæti og Matthildur
Birgisdóttir, 21 árs Kópavogsbúi,
varð í því þriðja. Steina Dröfn
Snorradóttir, tvítugur Reykvík-
ingur, var valin Ljósmyndafyrir-
sæta ársins.
Keppnin um titilinn Ungfrú
Reykjavík er einn liður í undan-
keppninni um það hver verður
Ungfrú Ísland árið 2004 og Sigrún
hefur því færst einu skrefi nær
þeirri nafnbót en hún etur kappi
við aðrar stúlkur um titilinn á
Broadway þann 29. maí. Sú sem
hreppir aðalhnossið mun síðan
keppa fyrir Íslands hönd í keppn-
inni Miss World, eða Ungfrú
heimur.
Skjár einn sýndi beint frá
keppninni en stúlkurnar komu
fram í tískusýningum, á baðfötum
og í síðkjólum auk þess sem boðið
var upp á skemmtiatriði inn á
milli. ■
UNGFRÚ REYKJAVÍK 2004
Sigrún Bender er hér fremst meðal jafningja en hún hreppti titilinn á föstudaginn.
SIGRÚN BENDER
Er á föstu og unnusti hennar hefur hér nánar gætur á henni eftir að úrslitin lágu fyrir.
FR
ÉT
TA
B
LA
Ð
IÐ
/S
TE
FÁ
N
K
AR
LS
SO
N
■ Tuttugu og átta golfkúlur fundust í
maga hunds í Manchester.
Skrýtnafréttin GOLFKÚLUR
Vill einhver reyna að bæta met Libby?
Ungfrú Reykjavík
úr Firðinum
■ Fegurð