Fréttablaðið - 26.04.2004, Blaðsíða 6

6 26. apríl 2004 MÁNUDAGURVeistusvarið?
1Á föstudagskvöld var Ungfrú Reykja-vík valin. Hvað heitir hún?
2Í kjölfar gagnrýni vegna Íraksstríðsinssagði varnarmálaráðherra Danmerkur
af sér og nýr tók við. Hvað heitir sá nýi?
3Hver var formaður nefndar umeignarhald á fjölmiðlum?
Svörin eru á bls. 30
Þorgerður Katrín Gunnarsdóttir, menntamálaráðherra:
Segir ekki gripið fram fyrir hendur sínar
FJÖLMIÐLAFRUMVARPIÐ „Það ríkir
mikil sátt innan ríkisstjórnarinn-
ar um frumvarpið og þann hluta
sem snýr að menntamálaráðu-
neytinu er ég mjög sátt við,“ segir
Þorgerður Katrín Gunnarsdóttir
menntamálaráðherra um frum-
varp um eignarhald á fjölmiðlum
sem ríkisstjórnin samþykkti á
fundi sínum í gær.
Þorgerður Katrín segir ekkert
óeðlilegt við meðferð frumvarps-
ins. Ríkisstjórnin hafi tekið þann
tíma sem hún hafi þurft til að
fjalla um málið og sá gangur hafi
verið eðlilegur. Hún segir frum-
varpinu ekki beint sérstaklega
gegn Norðurljósum þar sem um
almenn lög sé að ræða og skyn-
semin hafi verið höfð að leiðar-
ljósi.
„Við verðum að varast það að
taka þessa umræðu upp á annars
vegar persónulegum forsendum
og hins vegar einhverjum fyrir-
tækjaforsendum. Við erum að tala
almennt um fjölmiðla í landinu,“
segir Þorgerður Katrín.
En var gripið fram fyrir hend-
ur þínar í málinu, þar sem skýrsla
fjölmiðlanefndar menntamálaráð-
herra var á þínu forræði og frum-
varpið síðan lagt fram, áður en
skýrslan var gerð opinber?
„Nei, alls ekki,“ segir Þorgerð-
ur Katrín. „Forsætisráðherra og
ég höfum verið að vinna að þessu
í sameiningu. Þetta er það stórt
mál að formenn flokkanna hafa
sérstaklega fjallað um það og það
er mjög eðlilegt, enda málið stór-
pólitískt. Ég hefði fulla vitneskju
um það allan tímann og er mjög
sátt við þessa lendingu,“ segir
Þorgerður Katrín. ■
Mjög góð sátt um
fjölmiðlafrumvarpið
Öll ríkisstjórnin stendur á bak við frumvarp um eignarhald á fjölmiðlum sem lagt verður
fyrir þingflokkana í dag. Frumvarpið er einfalt og auðskilið og ekki eftir neinu að bíða að
afgreiða það, segir Halldór Ásgrímsson, utanríkisráðherra.
FJÖLMIÐLAFRUMVARP Ríkisstjórnin
samþykkti frumvarp forsætis-
ráðherra um eignarhald á fjöl-
miðlum á aukaríkisstjórnarfundi
sem boðað var til í stjórnarráðinu
í gær, en frumvarpið hefur verið
sent þingflokkum til umfjöllunar
og verður tekið fyrir á þing-
flokksfundum í dag. Breytingar
hafa verið gerðar á frumvarpinu
frá því fyrstu drög lágu fyrir og
sagði Halldór Ásgrímsson utan-
ríkisráðherra við blaðamenn að
loknum ríkisstjórnarfundinum,
að í svona stórum málum væru
alltaf gerðar breytingar. Hann
vildi þó ekki ræða efni frum-
varpsins að svo stöddu en sagði
að öll ríkisstjórnin stæði á bak
við frumvarpið.
„Það er mjög góð sátt um þetta
frumvarp á grundvelli þeirrar
skýrslu sem hefur verið gefin út
og verður nú birt. Ég tel að frum-
varpið sé fyllilega eðlilegt og það
er mjög mikilvægt að eyða þeirri
óvissu sem hef-
ur skapast
vegna þessarar
umræðu,“ sagði
Halldór.
Utanríkisráð-
herra telur að
fjölmiðlafrum-
varpið standist
fyllilega stjórn-
arskrána og
sagðist ekki
hafa nokkrar áhyggjur af því.
Hann sagði gert ráð fyrir að ljúka
málinu sem fyrst.
„Það er mikilvægt að ljúka
þessu máli. Það er ekki eftir neinu
að bíða að afgreiða það. Frum-
varpið er einfalt og auðskilið og
þarf ekki langan umhugsunar-
tíma,“ sagði Halldór og bætti því
við að málið hefði ekki valdið titr-
ingi á milli stjórnarflokkanna. Að-
spurður um það hvort setja ætti
lög um eignarhald á fjölmiðlum
sagði Halldór að sér fyndist að
setja ætti þau lög sem stjórnvöld
ætluðu sér að setja.
Utanríkisráðherra vísaði því al-
farið á bug að fjölmiðlafrumvarpið
beindist sérstaklega gegn Norður-
ljósum og sagði að sömu lög hefðu
verið sett þótt um einhverja aðra
en Norðurljós hefði verið að ræða,
til dæmis Björgólfsfeðga.
„Í frumvarpinu felast al-
mennar reglur um ákveðið mál
og það varðar samkeppnislög
og útvarpsréttarlög. Það eru
aldrei nein lög um samkeppni
nægilega góð og lög þurfa
stöðugt að vera í endurskoðun,
ekki síst samkeppnislög,“ sagði
Halldór.
bryndis@frettabladid.is
SIV SÝNIR
Umhverfisráðherra tók sig vel út á
tískusýningunni.
Dagur umhverfisins:
Ráðherra í
tískusveiflu
SÝNING Siv Friðleifsdóttir um-
hverfisráðherra var stórglæsileg
og vakti mikla athygli á tískusýn-
ingu sem Rauði krossinn hélt í
Smáralind í gær. Hún var þar í
hópi karla og kvenna sem sýndu
notaðan fatnað sem almenningur
hefur gefið Rauða krossinum.
Fatnaðurinn verður nú sendur úr
landi til fólks í fátækum ríkjum. ■
ÞORGERÐUR KATRÍN
GUNNARSDÓTTIR
„Það ríkir mikil sátt innan ríkisstjórn-
arinnar um frumvarpið og þann
hluta sem snýr að menntamálaráðu-
neytinu er ég mjög sátt við,“ segir
menntamálaráðherra um frumvarp
um eignarhald á fjölmiðlum sem rík-
isstjórnin hefur samþykkt. FR
ÉT
TA
B
LA
Ð
IÐ
/P
JE
TU
R
HALLDÓR ÁSGRÍMSSON
Utanríkisráðherra svaraði spurningum fjölmiðla eftir að aukaríkisstjórnarfundi lauk í stjórn-
arráðinu í gær. Hann sagði fjölmiðlafrumvarpið fyllilega eðlilegt og taldi það ekki brjóta í
bága við stjórnarskrána. „Það er mikilvægt að eyða þeirri óvissu sem hefur skapast vegna
þessarar umræðu,“ sagði Halldór.
„Frumvarp-
ið er einfalt
og auðskilið
og þarf ekki
langan um-
hugsunar-
tíma.
FR
ÉT
TA
B
LA
Ð
IÐ
/P
JE
TU
R