Fréttablaðið - 26.04.2004, Blaðsíða 21

21MÁNDUAGUR 26. apríl 2004
Hlíðasmára 9 - Kópavogi
Að eiga stafræna myndavél og kunna ekki
á Photoshop er eins og að eiga bíl
og kunna ekki að keyra!
Síðdegisnámskeið. Kennt frá kl. 13-17.
Byrjar 4. og lýkur 18. maí.
Kvöldnámskeið. Kennt frá kl. 18-22.
Byrjar 10. og lýkur 26. maí.
UPPLÝSINGAR OG SKRÁNING Í SÍMA 544 4500 OG Á NTV.IS
Á þessu námskeiði er lögð áhersla á þá hluti sem
mest eru notaðir af þeim sem eiga stafræna vél
eða skanna. Ótrúlega áhugavert og skemmtilegt
30 stunda námskeið í þessu frábæra forriti.
Bar við önnum vegna landsliðsins:
Sigurður hafnaði
Grindavík í gær
KÖRFUBOLTI Magnús Andri Hjalta-
son, formaður körfuknattleiks-
deildar Grindavíkur, sagði í sam-
tali við Fréttablaðið í gær að hann
hefði orðið mjög hissa þegar hann
heyrði að Sigurður Ingimundar-
son hefði skrifað undir samning
um að þjálfa Keflavíkurliðið í
körfuknattleik.
„Við gerðum honum formlegt
tilboð sem hann hafnaði á þeim
forsendum að hann gæti ekki tek-
ið að sér þjálfun Grindavíkurliðs-
ins vegna anna hjá landsliðinu.
Við buðum honum aðstoðarmann
til að létta á með honum en hann
vildi það ekki. Klukkutíma síðar
skrifaði hann undir samning hjá
Keflavík. Ég skil hann vel að hafa
tekið tilboði Keflavíkur enda er
hann uppalinn þar en mér sárnar
það að hann skildi ekki koma
hreint fram við okkur,“ sagði
Magnús Andri og bætti við að leit-
in að nýjum þjálfara héldi áfram.
Hann sagði aðspurður að
Guðjón Skúlason og Falur Harð-
arson, sem nú eru atvinnulausir,
væru báðir góðir kostir en sagði
þó að Grindavík hefði rætt við
hvorugan.
„Við munum taka málið fyrir á
stjórnarfundi á morgun og þá
skýrist hvað við gerum næst. Við
erum þó ekki farnir að örvænta
þótt enginn þjálfari sé kominn.“ ■
FÓTBOLTI Roque Santa Cruz skoraði
eina mark dagsins í þýsku
Búndeslígunni í gær. Markið
færði Bayern München sigur á
nágrönnum sínum í 1860
München en topplið Werder
Bremen náði aðeins jafntefli við
Bochum á útivelli.
Úrslitin þýða að aðeins munar
sex stigum á Bremen og Bayern
þegar fjórar umferðir eru eftir og
félögin mætast í München eftir
tvær vikur. Bremen leiddu með
ellefu stiga mun um miðjan mars
en eftir fjögur jafntefli og einn
sigur í síðustu fimm leikjum er
forystan komin niður í sex stig.
Það bætir ekki stöðu Brimarborg-
ara að einn lykilmanna þeirra,
Krisztian Lisztes, sleit krossbönd
í leiknum gegn Bochum í gær og
verður frá í hálft ár.
Bremen á eftir að leika við
Hamburg og Bayer Leverkusen á
heimavelli og Bayern München og
Hansa Rostock á útivelli. Bayern
leikur við Köln og Stuttgart á úti-
velli og Werder Bremen og
Freiburg á heimavelli. ■
PÉTUR MARTEINSSON
Hammarby er í fjórða sæti Allsvenskan.
Sænski boltinn:
Malmö efst
FÓTBOLTI Hammarby, félags Péturs
Marteinssonar, er í fjórða sæti
Allsvenskan, eftir leiki helgarinn-
ar. Hammarby vann Elfsborg 1-0
á heimavelli á laugardag með
marki Björn Runström. Pétur lék
allan leikinn með Hammarby og
fékk gult spjald undir lok fyrri
hálfleiks.
Örgryte er í sjötta sæti eftir
jafntefli við AIK Solna á föstudag,
en Örgryte hefur gert jafntefli í
þrem af fjórum leikjum sínum.
Tryggvi Guðmundsson og Jóhann
B. Guðmundsson voru báðir í
byrjunarliði Örgryte en var skipt
út af í seinni háfleik. Atli Sveinn
Þórarinsson var ekki í leikmanna-
hópi Örgryte.
IFK Göteborg er í næsta sæti á
eftir nágrönnum sínum í Örgryte
eftir 1-0 tap fyrir Malmö frammi
fyrir 26.426 áhorfendum í Málm-
ey. Tobias Grahn skoraði mark
Malmö sem er efst eftir sigurinn.
Hjálmar Jónsson lék allan leikinn
með IFK.
Auðun Helgason var meðal
varamanna Landskrona sem tap-
aði 2-1 fyrir Trelleborg. Land-
skrona er í þriðja neðsta sæti eft-
ir tvö töp og tvö jafntefli í fyrstu
fjórum leikjunum. ■
FR
ÉT
TA
B
LA
Ð
IÐ
/T
EI
TU
R
Þýska Búndeslígan:
Forskot Bremen minnkar
ROQUE SANTA CRUZ
Skoraði sigurmark Bayern München í gær.
hvað?hvar?hvenær?
23 24 25 26 27 28 29
APRÍL
Mánudagur

15.00 Ensku mörkin á Stöð 2. Öll
mörkin úr leikjum helgarinnar.

16.40 Helgarsportið á RÚV.

16.50 NBA á Sýn. Útsending frá
leik Houston og LA Lakers.

18.30 Ensku mörkin á Sýn. Öll
mörkin úr leikjum helgarinnar.

19.25 Spænsku mörkin á Sýn.
Mörkin í 34. umferð spænsku
knattspyrnunnar.

20.15 Enski boltinn á Sýn.

22.00 Olíssport á Sýn. Fjallað er
um helstu íþróttaviðburði heima
og erlendis.

22.30 Ensku mörkin á Sýn. Öll
mörkin úr leikjum helgarinnar.