Fréttablaðið - 29.04.2004, Blaðsíða 24
Helgarveðrið Virðist ætla að verða nokkuð vætusamt með hægum vindi . Á
morgun verður suðvestlæg átt, þokusúld eða rigning og hiti 5 til 13 stig. Á laug-
ardag snýst í vestan- og síðan norðvestanátt. Þá verður rigning en styttir upp
sunnan til seinni partinn. Hiti verður upp í 10 stig, hlýjast syðst. Á sunnudag
verður norðlæg átt og væta, einkum norðan til, með svipuðu hitastigi.
sími: 461 2500 • gsm: 895 0625 • fax: 461 2502
www.akurinn.is • info@akurinn.is
HÓTEL SKÍÐAMANNSINS
FRÁBÆR
OPNUNARTILBOÐ
Gistiheimilið Akur Inn
„Ég hef alltaf verið haldin mikilli ævintýraþrá,“ seg-
ir Áslaug Tóka Gunnlaugsdóttir hönnuður, en hún
hefur farið margar ferðir innanlands og gengið bæði
um hálendið og á jökla. Ein þeirra er henni mjög
minnisstæð og þá sérstaklega vegna þess að allt fór
á annan veg en ætlað var í upphafi. Hún hafði geng-
ið til liðs við björgunarsveit og eftir að hafa farið í
gegnum grunnþjálfun var haldið í ævintýraferð.
„Við ætluðum að leggja í snjóhúsaferð þar sem
gengið var upp á jökul og byggð snjóhús til að gista
í.“ Mikil spenna var í mannskapnum kvöldið fyrir
brottför enda mikið ævintýri í vændum. „Þetta var
um miðjan vetur og veðrið uppi á jöklinum var ekki
áreiðanlegt. Við fundum samt ágætan stað fyrir
snjóhúsin en ákváðum að halda heim á leið strax
næsta morgun.“
Eftir að hafa gengið lengi næsta dag töldu þau sig
vera að komast á leiðarenda. „Fljótlega kom í ljós að
við höfðum farið niður rangt gil.“ Til að þurfa ekki
að snúa til baka þurfti hópurinn að klífa yfir háan og
brattan klett.
„Ég varð svo hrædd á klettinum að ég hélt fyrir
víst að þetta yrði mitt síðasta.“ Ferðin til baka
reyndist mjög löng.
„Ég hef sjaldan verið glaðari á ævinni en þegar
ég sá ljósin á björgunarsveitarbílunum og auknu
orkunni sem myndaðist verður ekki með orðum
lýst,“ segir Áslaug. „Jafnvel þó þetta hafi verið
skelfilegt er þetta samt merkileg reynsla sem ég bý
að og sé á vissan hátt ekki eftir.“ ■
Ekvador, Sikiley, Galapagos,
Fídjíeyjar, Kosta Ríka. Mörg fleiri
nöfn yfir framandi áfangastaði
eru á lista Ferðaskrifstofunnar
Emblu sem er með nokkrar við-
hafnarferðir í vor á sinni áætlun
og enn fleiri í haust. Okkur fýsti
að vita meira um þær og spurðum
Ingiveigu Gunnarsdóttur fram-
kvæmdastjóra hvað hér væri á
ferðinni.
„Starfsemi Emblu er byggð á
ákveðinni hugmyndafræði, svo-
kallaðri vistvænni eða umhverf-
isvænni ferðamennsku. Við bjóð-
um upp á ævintýraferðir fyrir
fólk sem hefur aðstæður til að
fara í vandaðar ferðir til fjar-
lægra staða í litlum hópum. Er
kannski búið að koma upp börn-
um og vill gjarnan njóta þess að
skoða heiminn. Í okkar ferðum er
eingöngu um fjögurra og fimm
stjörnu hótel að ræða og ævintýr-
in eru við hvert fótmál. Til dæm-
is er farið inn í Amazon og siglt á
fljótabáti. Fargjaldið er frekar
hátt en þar er líka allt innifalið,
allt frá töskuburði og þjórfé upp í
fullt fæði og innanlandsflug
erlendis. Þetta munar fólk miklu
þegar upp er staðið. Það er í raun
að borga vísareikninginn fyrir
fram.
Ferðunum má skipta í tvennt.
Við erum annars vegar að tala um
fjarlægar heimsálfur eins og Asíu
og Suður-Ameríku. 16 daga ferðir
og upp í 26 daga. Þá er nánast
hver einasti dagur skipulagður en
gefinn frjáls tími inni á milli. Svo
eru hins vegar styttri ferðir eins
og til Eystrasaltslandanna og
Sikileyjar. Í þeirri síðarnefndu
erum við að setja upp notalega
ferð fyrir fólk sem krefst besta
aðbúnaðar en vill njóta hins ljúfa
lífs sem Sikiley býður upp á án
þess að vera of bundið af ein-
hverri dagskrá. Það eru sem sagt
aðeins aðrar áherslur í Evrópu-
ferðunum þar sem við gefum fólki
valkosti, til dæmis mismunandi
langar gönguferðir en í lengri
ferðunum fylgja menn hópnum og
við veljum meira að segja mat-
sölustaði.
Innlendur fararstjóri fylgir
með allan tímann frá því lagt er
upp og staðarleiðsögumaður er
með hópnum á áfangastað. Þar að
auki eru hjálparmenn sem sjá um
farangur og annað. Þetta eru lúx-
usferðir sérsniðnar fyrir íslenska
ferðamenn.“
gun@frettabladid.is
Skelfileg ævintýraferð:
Hefði ekki viljað missa af ferðinni
Áslaug Tóka Gunnlaugsdóttir hefur verið
haldin ævintýraþrá frá því hún man eftir sér.
Ferðaskrifstofan Embla:
Ævintýrin við hvert fótmál
Íslendingar sigla á fljótabáti í Ekvador.
Ingiveig Gunnarsdóttir t.h. með argentískum
leiðsögumanni.