Fréttablaðið - 29.04.2004, Blaðsíða 29
Mikilvægasta hráefnið í matargerð
verður alltaf hjartað. Séu natni, ást-
úð og fallegar hugsanir ekki sett
með í handbrögð eldhússins verður
útkoman svo miklu síðri. Ítalir tala
oft um „la dolce vita“ eða „ljúfa
lífið“, og það verður í það minnsta
miklum mun sætara með ábæti úr
kokkabókum Ítalíu. Víst er að eftir-
farandi uppskrift fær munnvatns-
kirtlana í viðbragð, en eftirréttur-
inn Panna cotta er engum líkur, ynd-
islegur og mjög auðvelt að búa hann
til. Bragðast hreint undursamlega
þótt hráefnið sé einfalt. Panna cotta
þýðir „soðinn rjómi“. Hann er góður
einn og sér, en ekki versnar bragð-
upplifun sé ábætirinn borinn fram
með ferskum berjum og kaffi, kara-
mellu- eða súkkulaðisósu. Léttur,
ljúffengur og ferskur endir á hvaða
máltíð sem er. Það er Leifur Kol-
beinsson, matreiðslumeistari á La
Primavera, sem gefur lesendum
uppskrift hússins að Panna Cotta.
7,5 dl mjólk
5 matarlímsblöð (2ja gramma)
9 dl rjómi
2 vanillustangir
170 g sykur
Setjið rjóma, sykur og vanillu í
pott og sjóðið þar til sykurinn hef-
ur bráðnað. Hitið, en sjóðið alls
ekki, mjólkina í sér potti. Bleytið
matarlímsblöðin í vatni og kreist-
ið þau út í mjólkina þar til þau
leysast upp. Blandið þessum
tveimur blöndum á skál og kælið.
Hrærið reglulega í með sleif með-
an kælt er. Þegar búðingurinn er
orðinn kaldur skal hella honum í
mót og kæla í tíu tíma. Til að losa
búðinginn úr mótinu er mótið sett
í sjóðandi vatn í 3 sekúndur og
hvolft á disk. Uppskrifin miðast
við 16 manns en auðvelt er að
deila henni niður. Berist fram með
appelsínukaramellusósu og fersk-
um berjum. ■
7FIMMTUDAGUR 29. apríl 2004
Frá því Egils Pilsner kom á markað í september 2003 hefur hann verið ódýrasti bjórinn í
Vínbúðum. Með sterkum Pilsner, sem er 4,5% að styrkleika, er komið til móts við kröfur
neytenda um góðan íslenskan bjór á lágu verði. Móttökurnar hafa verið mjög góðar og
núna sex mánuðum eftir að Pilsnerinn kom á markað er hann orðinn einn af sex söluhæstu
bjórunum í 0,5 l umbúðum. Framan af var Pilsnerinn sterki eingöngu seldur í áldósum en
frá 1. mars hefur Pilsner einnig verið fáanlegur í gleri í Heiðrúnu og Kringlunni og kostar
flaskan 136 kr.
Egils Pilsner er byggður á gamla góða Pilsnernum, léttbjórnum sem allir þekkja, en hann
hefur verið bruggaður hjá Ölgerðinni síðan 1917. Bjórinn er ljósbrúnn á lit og ber keim af
maltkorni, örlítilli sætu og beisku en mildu bragði. Viðtökurnar sýna að Íslendingar kunna
vel að meta þessa nýjung og talsmenn Ölgerðarinnar segja fyrirtækið hafa sett sér það
markmið að Egils Pilsner verði alltaf ódýrasti bjórinn í ríkinu.
Verð á 0,5 lítra dós í Vínbúðum er 149 kr.
Galliano hefur lagt metnað sinn í að fylgja ekki reglum
samfélagsins. Flaskan er of stór til að passa í barhillur, hún
er undarleg í laginu og drykkurinn sjálfur hálfskrýtnn á
bragðið! Galliano er búið til úr ýmsum tegundum plantna
og kryddjurta frá Ölpunum og Miðjarðarhafslöndum s.s.
anís, vanillu, engifer og piparmyntu. Þrátt fyrir einkennilegt
útlit
og sérkennilegt bragð er Galliano frábært í kokkteila og
skot. Prófaðu líka að lauma Galliano í kaffið.
Galliano Hot Shot:
2 cl Galliano
2 cl heitt kaffi
Lagskipt í skotglasi. Toppið með rjóma.
Ertu Hot Shot?
Ítalskir dagar
Panna cotta:
Yndislegur eftirréttur
„Panna cotta“ þýðir á íslensku „soðinn rjómi“.
Egils Pilsner:
Ódýrasti bjórinn
í Vínbúðum
Grænmetissumarið byrjað:
Uppskera hafin á íslenskri papriku
Nú er hafin upp-
skera á íslenskri
papriku og eru
grænar, gular og
rauðar paprikur
komnar í verslanir
um mánuði fyrr
en undanfarin ár.
Íslenskt grænmeti
er nú auðþekkj-
anlegt á umbúðum, og merkingar eru með þeim hætti að sjá
má hver framleiðandinn er. Paprikur verða seldar tvær saman í
pakka, ein græn og ýmist rauð eða gul paprika með.
Auk papriku er í verslunum gott úrval af íslenskum tómötum,
agúrkum, kartöflum og salati. Þá eru kokkteil- og kirsuberja-
tómatar komnir í verslanir. Fram undan er því góður tími fyrir þá
sem unna hollu og góðu grænmeti.
Kjúklingur með paprikusalsa
4 kjúklingabringur, beinlausar og hamflettar
2 tsk. saxað rósmarín
nýmalaður pipar
salt
ólífuolía
3 íslenskar paprikur, græn, gul og rauð
2 íslenskir tómatar, vel þroskaðir
1/2 lárpera, þroskuð
grænu blöðin af 2-3 vorlaukum
safi úr 1/2 sítrónu
safi úr 1 límónu
ferskur kóríander
Kjúklingurinn kryddaður með rósmaríni, pipar og salti og steikt-
ur í svolítilli olíu á pönnu við meðalhita í um 8 mínútur á hvorri
hlið, eða þar til hann er rétt steiktur í gegn (gott að skera í eina
bringuna til að athuga hvort hún er gegnsteikt). Á meðan eru
paprikurnar fræhreinsaðar og skornar í litla teninga. Tómatarnir
skornir í teninga og lárperan einnig og vorlaukurinn sneiddur.
Öllu blandað saman í skál, kryddað með pipar og salti og
sítrónu- og límónusafi kreistur yfir. Söxuðum kóríander blandað
saman við og látið standa smástund. Dreift á diska eða fat og
kjúklingabringunum raðað ofan á. Salsan er líka góð með
steiktu og grilluðu lamba- og nautakjöti, fiski o.fl. ■
FR
ÉT
TA
B
LA
Ð
IÐ
/V
IL
H
EL
M