Fréttablaðið - 29.04.2004, Blaðsíða 45
33FIMMTUDAGUR 29. apríl 2004
Landsliðsþjálfarinn Ásgeir Sigurvinsson:
Mikil breyting til batnaðar
FÓTBOLTI Ásgeir Sigurvinsson
landsliðsþjálfari í knattspyrnu,
var sáttur þegar Fréttablaðið
ræddi við hann eftir leikinn gegn
Lettum í gær.
„Ég get bara ekki verið annað
en sáttur eftir þennan leik. Þetta
var mikil breyting til batnaðar frá
því í leiknum gegn Albönum og ég
myndi segja að þetta hafi verið
skref í rétta átt. Varnarvinnan var
mun betri í þessum leik og við
héldum boltanum mun betur inn-
an liðsins heldur en við höfum
gert, þótt maður sé aldrei full-
komlega ánægður. Við fengum
nokkur færi sem við hefðum get-
að nýtt en það sást að okkur vant-
aði tvo bestu framherja okkar, Eið
Smára og Heiðar. Þeir eru okkar
framherjar númer eitt og tvö og
ég er ekki í vafa um að þeir hefðu
skorað í þessum leik ef þeir hefðu
spilað. Marel og Tryggvi unnu
mjög vel en ná bara ekki að fylla
skarð hinna,“ sagði Ásgeir.
Hann sagðist vera sérstaklega
ánægður með miðjuna hjá ís-
lenska liðinu sem hefði loksins
virkað almennilega. „Það er ekk-
ert launungarmál að við höfum átt
í vandræðum á miðsvæðinu í und-
anförnum leikjum en í kvöld var
miðjan sterk og öflug. Þeir börð-
ust vel, þorðu að fá boltann og
pössuðu að það myndaðist ekki
pláss á milli miðju og varnar.
Það má byggja á þessum leik,
það var svo sannarlega margt já-
kvætt og það tökum við með okk-
ur í næstu leiki,“ sagði Ásgeir. ■
FÓTBOLTI Lettar og Íslendingar
gerðu markalaust jafntefli á
Skonto-vellinum í Ríga í gær.
Heimamenn voru sterkari á upp-
hafsmínútum og komust tvisvar í
ágæt færi en skot þeirra fóru
framhjá. Igors N. Stepanovs náði
að skora með skalla á níundu mín-
útu en markið var dæmt af vegna
rangstöðu. Tíu mínútum fyrir
leikhlé skaut Andrejs Rubins í
stöng og tvisvar í seinni hálfleik
varði Árni Gautur Arason meist-
aralega skot Lettanna úr miðjum
vítateig.
Íslendingar náðu ágætum tök-
um á leiknum í fyrri hálfleik og
ógnuðu marki Lettanna nokkrum
sinnum. Arnar Grétarsson átti
ágætt langskot upp úr miðjum
fyrri hálfleik, en það fór yfir
markið, og Þórður Guðjónsson
var nálægt því að skora á 20. mín-
útu. Þórður skaut af vítateigslín-
unni hægra megin en boltinn fór
yfir markvinkilinn vinstra megin.
Tilraun Þórðar minnti óneitanlega
á markið sem hann skoraði gegn
Lettum á Laugardalsvelli fyrir
sex árum.
Indriði Sigurðsson fékk besta
færi Íslendinga á 52. mínútu eftir
hornspyrnu. Indriði fékk boltann
frá Marel Baldvinssyni út í miðj-
an vítateiginn en skot hans fór
nokkuð yfir markið.
Leikur íslenska liðsins í gær
var miklu betri en gegn Albön-
um fyrir mánuði. Flestir leik-
mannanna stóðu sig vel en Árni
Gautur Arason, Þórður Guðjóns-
son, Arnar Grétarsson og Pétur
Marteinsson voru bestu menn
liðsins.
Lið Íslands: Árni Gautur Ara-
son - Pétur Marteinsson, Ívar
Ingimarsson, Hermann Hreið-
arsson - Þórður Guðjónsson (Jó-
hannes Karl Guðjónsson 68.),
Indriði Sigurðsson (Kristján Örn
Sigurðsson 88.), Ólafur Örn
Bjarnason (Brynjar Björn Gunn-
arsson 74.), Arnar Þór Viðars-
son, Arnar Grétarsson - Tryggvi
Guðmundsson (Gylfi Einarsson
81.) og Marel Baldvinsson
(Bjarni Guðjónsson 83.).
Lið Letta: Aleksandrs Kolinko
- Igors Stepanovs, Vitalijs Asta-
fjevs, Arturs Zakresevskis,
Juris Laizans, Olegs Blagona-
dezdins, Aleksandrs Isakovs,
Valentins Lobanovs (Marian Pa-
hars 68.), Maris Verpakovskis
(Andrejs Stolcers 81.), Andrejs
Rubins, Andrejs Prohorenkovs
(Vits Rimkus 78.).
Dómari var Sergey Shmolik
frá Hvíta-Rússlandi. ■
ÁSGEIR SIGURVINSSON
Mun sáttari eftir leikinn í gær heldur en
gegn Albönum.
ÞÓRÐUR GUÐJÓNSSON
Lék mjög vel gegn Lettum i gær.
Markalaust í Ríga
Íslendingar gerði jafntefli við EM-lið Letta. Liðið lék mun betur en
gegn Albönum í síðasta mánuði.