Fréttablaðið - 30.04.2004, Blaðsíða 42

FÓTBOLTI Rúmeninn Ion Geolgau er
við stjórnvölinn hjá knattspyrnu-
liði Framara og vænta menn í
Safamýrinni mikils af störfum
hans. Í það minnsta hljóta þeir að
vilja hrekja í burtu falldrauginn
sem tekið hefur sér búsetu þar
undanfarin fimm ár. Geolgau lík-
ar prýðilega dvölin á Íslandi en
eru aðstæður hér eitthvað í lík-
ingu við það sem hann bjóst við?
„Já, ég myndi segja það, hér
eru aðstæður öllu betri en í Fær-
eyjum þar sem ég hef starfað
undanfarin sex keppnistímabil.
Þar munar mest um innihall-
irnar sem eru nauðsynlegur
þáttur í því að þróa
knattspyrnuna og
færa hana fram á við í löndum
sem eru svona norðarlega í álf-
unni. Von-
andi rísa fleiri svona hús um allt
land enda einfaldlega meginfor-
senda fyrir framförum. Auðvitað
væri best að æfa og spila alltaf á
sama undirlaginu en það er ekki
á allt kosið. Ég er ánægður með
gæði knattspyrnunnar hér á landi
sem mér finnst vera nokkuð ná-
lægt gæðum hinnar almennu
Evrópuknattspyrnu. Með það í
huga er ég ekki hissa á því hvað
íslenska lands-
liðinu hefur tekist
að ná góðum árangri undan-
farin fimm til sex ár og þá hafa
íslensk félagslið oft náð athygl-
isverðum árangri í Evrópu-
keppnunum. Ég minnist nú þess
með litlu stolti þegar KR sló út
Dynamo Bukarest, eitt stærsta
og sigursælasta lið Rúmeníu, árið
1996.“
Allir hafa sína kosti og galla
Hver er munurinn á íslenskum,
færeyskum og rúmenskum leik-
mönnum? „Rúmenskir leikmenn
eru yfirhöfuð mjög teknískir og
það er hefð fyrir góðum rúmensk-
um leikmönnum á alþjóðavett-
vangi. Íslenskir leikmenn eru
mjög miklir baráttu- og bardag-
menn, ákafir, ágætlega agaðir og
líkamlega sterkir. Færeyskir leik-
menn eru ekki ósvipaðir og þeir
íslensku en aðstæður og fámenni
há þeim aðeins meira. Allar hafa
þessar þjóðir sín séreinkenni,
kosti og galla.“
Hvernig var ástand leikmanna
Fram þegar þú komst til landsins
í febrúar?
„Það var í sjálfu sér ósköp eðli-
legt miðað við árstíma og lengd
keppnistímabilsins hér. Því lýkur
um miðjan september og það er
erfitt að halda leikmönnum í topp-
formi allan veturinn án nokkurrar
almennilegrar samkeppni. það
voru margir leikmenn meiddir
þegar ég kom og enn eru þrír til
fjórir leikmenn frá vegna meiðsla
og mér skilst að þannig sé ástand-
ið hjá mörgum öðrum félögum.
Þetta markast eflaust af því að
það er spilað og æft á mismunandi
undirlagi og það getur farið illa
með skrokkinn.“
Er ekki greinilegt að Framar-
ar ætla sér stærri hluti en und-
anfarin ár? „Jú, það er á hreinu,
menn ætla sér að leggjast á eitt
til að verða ofar en á síðustu
leiktíð og ég hef sagt það og segi
enn að markmiðið er að verða á
meðal fimm efstu liðanna. Ég tel
það vel raunhæft að því gefnu
að við sleppum vel við meiðsli.“
Heyrst hefur að þú sért mjög
skipulagður en um leið mjög harð-
ur þjálfari sem láti menn hafa vel
fyrir hlutunum á æfingum, er það
rétt?
„Það er rétt, en auðvitað upp að
ákveðnu marki. Ég á það til að
vera harður við leikmennina en
maður verður auðvitað að leggja
ákveðnar línur strax í upphafi og
sýna fyrir hvað maður stendur.
Þar sem margir leikmenn voru
meiddir þegar ég kom þá gat ég
ekki látið menn æfa eins mikið og
ég hefði viljað. Ég veit ekki alveg
hvað þykir eðlilegt að æfa mikið
hér á landi því ég er búinn að vera
í svo stuttan tíma. Sumir leik-
menn voru nokkuð svekktir með
hvað æfingarnar voru erfiðar og
ég skil það mætavel enda menn
hér í fullri vinnu og mæta svo á
æfingu; ég hef því frekar dregið
aðeins úr æfingahörkunni, ef eitt-
hvað er. Ég er metnaðarfullur og
kröfuharður og ég er ekki kominn
hingað til lands til að tapa, ég vil
vera sigurvegari. Ég geri mér þó
fulla grein fyrir því að það verður
allt annað en auðvelt að vinna ein-
hverja titla þetta keppnistímabil.
Á því næsta setjum við svo mark-
ið hærra að því gefnu að við náum
þeim markmiðum sem við settum
okkur fyrir þetta tímabil.“
Hlakka til skemmtilegs
sumars
Hvernig líst þér á þau lið og þá
leikmenn sem þú hefur séð spila í
vetur og vor? „Það eru margir
góðir leikmenn í þeim liðum sem
ég hef séð og ég var mjög hrifinn
af því hvað stjórnun liðanna var
góð sem og aginn og ég hlakka til
skemmtilegs sumars og auðvitað
vona ég að Fram gangi sem allra
best.“
Að lokum, hvað finnst þér um
spá íþróttadeildar Sýnar þar sem
ykkur er spáð níunda sætinu?
„Ég kom ekki hingað til að
lenda í níunda sæti,“ voru loka-
orðin hjá hinum afar geðþekka og
ákveðna Rúmena, Ion Geolgau.
sms@frettabladid.is
ION GEOLGAU
Hinn rúmenski þjálf-
ari Framara þykir
harður í horn að
taka og ætlar sér
stóra hluti með
liðið.
30 30. apríl 2004 FÖSTUDAGUR
COLLINA ÆFIR FYRIR EM
Ítalinn Pierluigi Collina og aðrir dómarar
sem dæma á EM í fótbolta í sumar eru
þessa dagana í æfingabúðum í Portúgal til
undirbúnings fyrir keppnina í sumar.
Fótbolti
hvað?hvar?hvenær?
27 28 29 30 1 2 3
APRÍL
Föstudagur
Heimsmeistaramótið í fjrálsum:
Bretar missa silfrið
FRJÁLSAR ÍÞRÓTTIR Alþjóða-frjáls-
íþróttasambandið hefur svipt
bresku sveitina í 4x100 metra
boðhlaupi silfurverðlaununum
sem hún vann á heimsmeistara-
mótinu í París í fyrra. Dwain
Chambers, einn liðsmanna sveit-
arinnar, féll á lyfjaprófi og leiddi
það til þess að hann og samherjar
hans, Marlon Devonish, Christian
Malcolm og Darren Campbell
missa verðlaunin. Brasilíumenn,
sem urðu þriðju á HM í fyrra, fá
silfurverðlaunin en Hollendingar
bronsverðlaunin.
Alþjóðafrjálsíþróttasamband-
ið hefur einnig ákveðið að árang-
ur Chambers í 100 metra hlaupi á
heimsmeistaramótinu verði
þurrkaður út sem og allur árang-
ur hans frá þeim degi sem sýnið
örlagaríka var tekið.
Sýnið sem felldi Chambers var
tekið á æfingu í Þýskalandi 1.
ágúst, rúmum mánuði fyrir
heimsmeistaramótið. Í því grein-
dust THG-sterar sem greinast
ekki í hefðbundnum lyfjaprófum.
Sýni sem tekið var á heimsmeist-
aramótinu gaf sömu niðurstöðu.
Chambers var dæmdur í
tveggja ára keppnisbann í kjölfar
þessa. Hann hefur alla tíð haldið
fram sakleysi sínu en hefur engu
að síður gefið í skyn að hann muni
ekki áfrýja banninu. ■
Kom ekki hingað til
að lenda í níunda sæti
Ion Geolgau segir markmiðið að losna við falldrauginn úr Safamýrinni.
Flokkur Gjalddagi Innlausnarverð*
1995 1.fl. B 10 ár 2.5.2004 133.257kr.
Auglýsing um innlausnarverð
verðtryggðra spariskírteina ríkissjóðs
Innlausnarverð er höfuðstóll og verðbætur.*
Reykjavík, 29. apríl 2004
Innlausn spariskírteina ríkissjóðs fer fram hjá Lánasýslu ríkisins, Borgartúni 21, 2. hæð,
hjá Seðlabanka Íslands, Kalkofnsvegi 1 Reykjavík og bönkum og sparisjóðum um land allt.
1995 1.fl. B 10 ár 2.5.2004 66.628kr.
1995 1.fl. B 10 ár 2.5.2004 1.332.567kr.
Greiðslumiði
nafnverð
100.000
50.000
1.000.000
kr.
kr.
kr.
…er með gjöfina
Ámiðvikudag lauk90 ára bið Norð-
manna eftir sigri á
Rússum, eða Sovét-
mönnum, í fótbolta. Þjóðirnar
mættust fyrst 14. september 1913
og lauk leiknum með jafntefli, 1-1.
Sömu lokatölur voru í leik þjóð-
anna ári síðar.
Norðmenn léku tólf sinnum við
Sovétríkin á árunum 1961 til 1991,
töpuðu tíu sinnum en náðu aðeins
tvisvar jafntefli. Leikurinn á mið-
vikudag var fyrsti leikur Norðmanna
við Rússa eftir að Sovétríkin liðuðust
í sundur fyrir rúmum áratug.
Martin Andresen, Sigurd Rush-
feldt, og Jan Gunnar Solli skoruðu
mörk Norðmanna á miðvikudag
en Vladislav Radimov og Dmitri
Kirichenko löguðu stöðuna fyrir
Rússa undir lokin. ■
■ Tala dagsins
90
■ ■ LEIKIR

19.00 KR og Valur leika á Leiknis-
velli í átta liða úrslitum deildabik-
arkeppni karla í fótbolta.

10.15 FH og ÍBV mætast í
Kaplakrika í öðrum leik liðanna í
undanúrslitum RE/MAX-deildar
kvenna í handknattleik.

21.00 Breiðablik mætir ÍBV í Fíf-
unni í deildabikarkeppni kvenna í
fótbolta.
■ ■ SJÓNVARP

18.00 Olíssport á Sýn. Fjallað er
um helstu íþróttaviðburði heima
og erlendis.

18.30 Trans World Sport á Sýn.
Íþróttir um allan heim.

19.30 Gillette-sportpakkinn á Sýn.

20.00 Alltaf í boltanum á Sýn.

20.30 Meistaradeild UEFA á Sýn.
Fréttaþáttur um meistaradeild
UEFA.

21.00 Supercross (Rice-Eccles
Stadium) á Sýn. Nýjustu fréttir frá
heimsmeistaramótinu í
Supercrossi.

21.55 Motorworld á Sýn. Kraftmik-
ill þáttur um allt það nýjasta í
heimi akstursíþrótta.