Fréttablaðið - 02.05.2004, Blaðsíða 37

SUNNUDAGUR 2. maí 2004 25
Læknafélag Reykjavíkur
Almennur félagsfundur Læknafélags Reykjavíkur
verður haldinn þriðjudagskvöldið 4. maí 2004
kl. 20:00 í Hlíðasmára, Kópavogi.
Fundarefni:
Samskipti lækna og byrgja – hvert skal stefna?
Frummælendur:
Runólfur Pálsson formaður Lyflæknafélags Íslands
Elínborg Bárðardóttir formaður Félags íslenskra heimilislækna
Jóhannes Gunnarsson lækningaforstjóri LSH
Gunnar Ármannsson hdl. Framkvæmdastjóri LÍ
Fundarstjóri:
Sigurður Guðmundsson landlæknir
Vinsamlegast staðfestið móttöku.
Læknafélag Reykjavíkur
450269-2559
Hlíðasmári 8
201 Kópavogur
Tónleikastaður unga fólksins
Síðustu ár hefur talsvert borið á
ungum hafnfirskum hljómsveitum
á borð við Botnleðju, Sign, Úlpu og
Lödu Sport. Hafnarfjarðarbær hef-
ur stutt vel við bakið á þeim og út-
vegar sveitunum æfingarhúsnæði
sem þær borga fyrir með því að
spila á uppákomum á vegum bæjar-
ins. Gamla bókasafnið hefur tölu-
vert verið nýtt undir tónleikahald
og segir Geir að tónlistin skipi stór-
an sess í lífi unga fólksins. „Þrátt
fyrir magurt húsnæði og umgjörð
eyddum við drjúgum hluta af pen-
ingunum í hljóðkerfi því við vissum
að það vantaði aðsetur fyrir unga
hljómlistarmenn til að halda tón-
leika,“ segir Geir. „Og það er það
sama með tónleikana. Við héldum
fyrstu tónleikana sjálf en sögðum
hljómsveitunum að staðurinn væri
þeim opinn og fyrir vikið hafa þær
og skólarnir haldið tónleika hér.
Tónleikarnir eru á hálfsmánaðar-
fresti og undantekningarlaust er
fullt út fyrir dyr, margar hljóm-
sveitir og rosaleg stemmning.“
Ráðgjafi á fæti
Flestir sem sækja kaffihúsið
koma úr Iðnskólanum eða Flens-
borgarskólanum. Það hefur þó
færst í vöxt að ungt atvinnulaust
fólk sæki húsið.
„Á næsta ári viljum við fá hingað
inn ráðgjafa- og stuðningsþjónustu.
Að hér sé starfsmaður með ráð-
gjafamenntun en samt á fæti
þannig að hann sé ekki lokaður inni
á skrifstofu. Þá getur hann bæði
veitt formleg viðtöl og talað við
krakkana eins og þau eru. Þeir sem
sækja húsið þurfa stuðning og við
höfum ekki tíma til að sinna þeim
nægilega vel. Ráðgjafinn myndi að-
stoða þau við að sækja um vinnu,
benda þeim á hina og þessa kosti,
styðja þá við að fara aftur í skólann
og svo framvegis. Þetta hefur verið
rannsakað og það kemur í ljós að
krakkar í grunnskólanum fá fínan
stuðning. Þegar þau eldast vantar
hins vegar þetta stuðningsnet og
þess vegna höfum við sérstakan
áhuga á því. Það myndi líka tengja
okkur betur við framhaldsskólana
og námsráðgjafana í grunnskólun-
um. Hugsunin er sú að nú þegar
sjálfræðisaldurinn er komin í átján
ár ber sveitarfélagið ábyrgð á börn-
unum. Við hendum þeim hins vegar
út úr grunnskólunum fimmtán ára
og síðan ekki söguna meir. Náms-
ráðgjafarnir í grunnskólunum gætu
unnið með þeim krökkum sem eru í
áhættuhóp, miðlað upplýsingunum
til okkar og við gætum þá haldið
áfram að styðja við þau.“
Geir segir Gamla bókasafnið þó
ekki ætla að fara í sömu starfsemi
og Hitt húsið enda sé gott og mikið
starf unnið þar.
Meiri sköpun – minni mötun
Mikil þörf var á menningarhúsi í
anda Gamla bókasafnsins er ef
marka má rannsókn sem Hafnar-
fjarðarbær lét gera og tók til 400
unglinga, 16 ára og eldri. „Þar
spurðum við hvort þau hefðu áhuga
á slíku húsi og þau höfðu það svo
sannarlega. Við höfum unnið eftir
hugmyndum þeirra en þau sögðu
líka að þau hefðu áhuga á að sækja
listanámskeið sem við höfum
kannski ekki sinnt nægilega vel,“
segir Geir og á þá við námskeið í
ljósmyndun, tískuhönnun og svo
framvegis. „Framhaldsskólarnir
sinna ágætlega sínu akademíska
uppeldi en hlúa kannski ekki nóg að
frumkvæði og sköpun og þar eigum
við að koma inn.“
Geir telur að stór hluti þeirra
sem sæki húsið hafi sótt í félags-
miðstöðvar í grunnskóla. „Fyrir
vikið eru þau kannski svolítið vön
mötun en við erum ekki hlynnt
því. En það verður líka að breyta
félagsmiðstöðvunum þannig að
þar verði meira um sköpun og
minna um mötun.“
En mun starfsfólk Gamla bóka-
safnsins taka vel í allar hugmyndir
unga fólksins, sama hverjar þær
eru? „Ég er eiginlega að bíða eftir
því verkefni sem við segjum nei
við. Það hefur ekki komið ennþá,“
segir Geir Bjarnason, forstöðumað-
ur Gamla bókasafnsins, að lokum.
kristjan@frettabladid.is
SKENKURINN
Unga fólkið mótar húsnæðið að eigin hug-
myndum og er skenkurinn gott dæmi um
það. Smiður var fenginn til að smíða hann
en gestir og gangandi fengu að hafa putt-
ana í verkinu. Upphaflega átti skenkurinn
að vera úr kirsuberjavið en endaði svona.
Geir Bjarnason Forstöðumaður Gamla
bókasafnsins og forvarnarfulltrúi Hafnar-
fjarðarbæjar segist enn vera að bíða eftir
þeirri hugmynd frá unga fólkinu sem hann
telji sig þurfa að segja nei við.
Samkvæmt könnun breskakarlablaðsins Stag and
Groom njóta ein af hverjum
fjórum hjónum ekki ásta á brúð-
kaupsnóttinni. Hjónin sem
nenntu ekki að eiga samfarir á
þessum merka degi í lífi sínu
sögðust flest hafa verið of
drukkin eða of þreytt. Eitt parið
sagðist hafa eytt nóttinni í að
horfa á kvikmynd Alfreds
Hitchcock, Psycho. Ritstjóri
blaðsins segir að þessi niður-
staða komi sér á óvart, hann
hefði haldið að brúðkaupsdagur-
inn væri svo sérstakur að hjón
myndu kjósa að verja honum á
hefðbundinn hátt. ■
BLÚSSANDI HAMINGJA
Mörg brúðhjón eru of drukkin eða of
þreytt til þess að njóta ásta á brúð-
kaupsnóttina.
Ný könnun:
Ekkert kynlíf á brúðkaupsnótt