Fréttablaðið - 03.05.2004, Blaðsíða 10

10 3. maí 2004 MÁNUDAGUR
ÚTFÖR Á FÓTBOLTAVELLI
Íbúar í Falluja jarðsetja hér uppreisnar-
mann úr röðum súnnímúslima sem féll í
bardögum við bandaríska hermenn. Hann
var jarðsettur á fótboltavelli sem hefur ver-
ið breytt í grafreit vegna harðra bardaga
að undanförnu.
Ólögleg laxveiði við strendur landsins:
Takmarka þarf netaveiði á silungi
ALÞINGI Takmarka þarf netaveiði á
silungi í sjó á þeim tíma sem lax-
inn gengur. Þetta kemur meðal
annars fram í svari Guðna
Ágústssonar landbúnaðarráð-
herra við fyrirspurn Valdimars L.
Friðrikssonar, varaþingmanns
Samfylkingarinnar.
Í svarinu kemur fram að það
valdi veiðieftirlitsmönnum erfið-
leikum að netaveiðar á bleikju í
sjó séu heimilar þrátt fyrir að lax-
veiðar í sjó séu alfarið bannaðar.
Lax veiðist ætíð að nokkru marki
í silunganet ef þau eru lögð í
gönguleið laxins og eftirlitsmenn
geti ekki kært viðkomandi aðila
fyrir lögbrot nema laxinum hafi
verið landað. Í svari ráðherra
kemur fram að líklega séu lagðar
fram um 10 til 15 kærur árlega
vegna ólöglegra laxveiði í net við
strendur landsins. Sú tala gefi
hins vegar engan veginn rétta
mynd af fjölda brota.
Ráðherra segir ljóst að ólögleg
laxveiði fari ekki eingöngu fram í
lögleg bleikjunet við strendur
landsins.
„Grunur hefur leikið á því að
lax sé að einhverju marki veiddur
í ýsunet yfir sumarið og staðfest
hefur verið að lax af ýmsum
stærðum sé veiddur í flotvörpu,
til dæmis í síld- og makríl-
veiðum,“ segir í svari Guðna.
„Slík veiði fer fram í órafjarlægð
frá heimkynnum laxins í fersku
vatni og getur í raun talist alþjóð-
legt vandamál sem mikið hefur
verið rætt á alþjóðafundum um
Atlantshafslax.“
Ráðherra var spurður að því
hvort hann hygðist beita sér fyrir
því að stöðva ólöglega laxveiði.
Svaraði hann því til að hann hygð-
ist hér eftir sem hingað til styðja
öflugt eftirlit með slíkri veiði. ■
Högnuðust um milljarð á viku
Samanlagður hagnaður bankanna var 11,3 milljarðar á fyrsta ársfjórðungi ársins. Heildareignir
bankanna nema tvöfaldri landsframleiðslu. Gengishagnaður skýrir stærstan hluta hagnaðar og
ekki er búist við svo háum hagnaðartölum næstu ársfjórðunga.
BANKAUPPGJÖR Íslensku bankarnir
hafa aldrei skilað jafn miklum
hagnaði og fyrstu þrjá mánuði
ársins. Samanlagður hagnaður
stóru viðskiptabankanna þriggja
var 11,3 milljarðar króna. Saman-
lagður hagnaður bankanna fyrir
skatta var tæpir fjórtán milljarð-
ar á fyrstu þremur mánuðum árs-
ins. Hagnaður bankanna var í
samræmi við spár greiningar-
deilda. Íslandsbanki var með
mestan hagnað 4,5 milljarða en
KB banki minnstan, ríflega 2,6
milljarða. Hagnaður Íslandsbanka
og Landsbanka skýrist að stórum
hluta af gengishagnaði sem er í
tilfelli Íslandsbanka innleystur
hagnaður upp á 3,5 milljarða af
sölu á hlut í fjárfestingarbankan-
um Straumi.
Heildareignir bankanna nema
nú 1.600 milljörðum króna eða
um tvöfaldri landsframleiðslu
þjóðarinnar. KB banki er með
mestar heildareignir eða 600
milljarða. Íslandsbanki er með
minnstar heildareignir eða 488
milljarða. Útlánin eru hins vegar
minnst hjá KB banka eða 331
milljarður, en mest hjá Lands-
banknum, 384 milljarðar. Hlut-
fall eigin fjár af heildar útlánum
er hæst hjá KB banka eða 14
prósent en minnst hjá Lands-
bankanum tæp átta prósent. Út-
lán eru minni hluti eigna KB
banka en hinna bankanna sem
sýnir minni þátt viðskiptabanka-
starfsemi í heildarstarfsemi
bankans.
Umhverfi bankanna hefur
verið einkar hagfellt. Raunvext-
ir hafa farið lækkandi sem veld-
ur gengishagnaði af skuldbréfa-
eign bankanna. Innlend hluta-
bréf hafa hækkað það sem af er
ári og gengishagnaður af þeim
verulegur. Íslandsbanki hefur
verið með lægstan kostnað í við-
skiptabankastarfsemi. Vaxta-
munur inn- og útlána bankanna
hefur farið lækkandi. Sem þýðir
að batnandi rekstur birtist
neytendum í lægri vöxtum lána
en ella.
Samkvæmt spám greiningar-
deilda bankanna verður árshagn-
aður bankanna ríflega 20 milljarð-
ar. Helmingur hagnaðar ársins
hefur því fallið til á fyrstu þrem-
ur mánuðum ársins.
haflidi@frettabladid.is
– hefur þú séð DV í dag?
Framsókn í
peningaáskrift
hjá Baugi
Blaðamenn mótmæla
fíkniefnalögum:
Þingmönn-
um gefið
maríjúana
SÓFÍA, AP Búlgarskir blaðamenn
laumuðu umslögum sem inni-
héldu lítilræði af maríjúana í
póstkassa allra þingmanna til að
mótmæla nýjum lögum um fíkni-
efni. Lögin veita dómstólum
heimild til að dæma fólk í þriggja
til fimmtán ára fangelsi fyrir að
hafa fórum sínum lítilræði af
fíkniefnum, óháð því hvaða efni
er um að ræða.
Þingmenn brugðust hart við
uppátæki blaðamannanna. „Þetta
er algjörlega ólíðandi. Þetta er
glæpsamleg áróðursstarfsemi“
sagði þingmaðurinn Borislav
Tsekov í viðtali við búlgarska
sjónvarpsstöð. Þingmenn krefj-
ast þess að höfðað verði mál á
hendur þeim sem voru að verki. ■
Átök í Úganda:
22 skotnir
til bana
KAMPALA, ÚGANDA, AP Tveir her-
menn og tuttugu almennir borgar-
ar létust í árás uppreisnarmanna í
norðurhluta Úganda. Réðust þeir
á tjaldbúðir fólksins og skutu það
til bana.
Síðastliðin 17 ár hefur rúmlega
ein milljón íbúa í norður- og norð-
austurhluta Úganda þurft að yfir-
gefa heimili sín vegna uppreisn-
arinnar. Rúmlega 200 manns voru
drepnir í febrúar þegar ráðist var
á tjaldbúðir í Lira-héraði og í
síðasta mánuði þurftu um 20
þúsund manns að flýja híbýli sín í
Adjumani-héraði. ■
ELLEFU MILLJARÐAR Í HÚSI
Bankarnir högnuðust um ellefu milljarða á
þremur fyrstu mánuðum ársins. Gengis-
hagnaður skýrir stóran hluta hagnaðarins,
en ekki er búist við að hann verið jafn
mikill næstu ársfjórðunga.HELSTU NIÐURSTÖÐUTÖLUR UPPGJÖRA BANKANNA 31. MARS 2004
Landsbankinn KB banki Íslandsbanki Samtals
Vaxtatekjur 2.915 3.501 3.000 9.416
Rekstrartekjur 9.313 9.571 11.746 30.630
Heildar eignir 511.000 601.300 488.207 1.600.507
Eigið fé 30.314 47.300 30.712 108.326
Heildar útlán 384.596 331.200 343.000 1.058.796
Hagnaður fyrir skatta 5.053 3.350 5.459 13.862
Hagnaður 4.094 2.650 4.569 11.313
UPPHÆÐIR Í MILLJÓNUM KRÓNA
FR
ÉT
TA
B
LA
Ð
IÐ
/G
VA
LANDBÚNAÐARRÁÐHERRA
Guðni segir ljóst að ólögleg laxveiði fari
ekki eingöngu fram í lögleg bleikjunet við
strendur landsins.
ALÞINGI „Frumvarpið miðar að því
að gera stöðu minni hluthafa ör-
uggari þannig að fólk geti óhikað
lagt fjármuni sína og sparifé í at-
vinnulífið og þannig tekið þátt í að
efla það,“ segir Einar K. Guð-
finnsson alþingismaður um frum-
varp þingmanna úr öllum flokk-
um sem miðar að því að treysta
hag smærri hluthafa í hlutafélög-
um.
Í frumvarpinu er annars vegar
kveðið á um breytingar á skilyrð-
um þess að hluthafar geti óskað
eftir rannsókn á tilteknum þáttum
í starfsemi hlutafélags og hins
vegar að hlutafélagi sé óheimilt
að kaupa eignir af hluthöfum og
æðstu stjórnendum þess nema
mat óháðra aðila á virði eignanna
liggi fyrir.
„Hér áður fyrr var óalgengt að
fólk legði peninga í atvinnulífið en
nú gerir fólk það í
miklum mæli og
þess vegna eru
h a g s m u n i r n i r
miklu meiri en
þeir voru áður.
Þetta er ekki til
höfuðs neinum
heldur í þágu
minni hluthafa og
mun efla hluta-
fjármarkaðinn til
lengri tíma,“ seg-
ir Einar.
F r u m v a r p i ð
verður tekið til
fyrstu umræðu
einhvern næstu
daga en flutnings-
menn þess gæla
við að nýju lögin
geti öðlast gildi
fyrsta ágúst. ■
EINAR K. GUÐFINNSSON
Einar K. er einn flutningsmanna frumvarps sem á að tryggja
stöðu minni hluthafa í fyrirtækjum.
Frumvarp um hlutafélög:
Staða hinna smærri treyst