Fréttablaðið - 03.05.2004, Blaðsíða 17
Á fundi hverfisráðs Grafarvogs
25. mars síðastliðinn var eftirfar-
andi bókun samþykkt með tveim
atkvæðum.
„Hverfisráð Grafarvogs varar
ÍBR við (leturbr. greinarhöf.)
ályktunartillögu um að hætt verði
við starfsemi íþróttafulltrúa í
hverfismiðstöðvum. Í helstu
hverfismiðstöð borgarinnar, Mið-
garði, hefur hið víðtæka starf
íþrótta- og tómstundaráðgjafa ver-
ið með miklum ágætum. Hefur
ánægja með starfið því vakið
athygli og þótt til eftirbreytni.“
Umræða um málefni íþrótta
innan borgarinnar hefur með þess-
ari bókun hverfaráðsins tekið nýja
stefnu. Höfundur bókunarinnar,
borgarfulltrúinn Stefán Jón
Hafstein, hefur með þessarri „við-
vörun“ sinni sýnt svo um munar
hvers beri að vænta ef honum er
mótmælt. Bókun Stefáns minnir
um margt á litla drengi sem grípa
oft til hótana eins „hættu eða ég
læt pabba lemja þig“. Hæstvirtur
borgarfulltrúi ætti að vera vaxinn
upp úr slíkum samskiptum.
Hið „víðtæka starf íþrótta- og
tómstundaráðgjafa Miðgarðs“ í
Grafarvogi hefur ekki náð til
Fjölnis í Grafarvogi að neinu
marki sem er þó stærsta íþrótta-
félag landsins og er staðsett í
göngufæri frá skrifstofum Mið-
garðs. Ég get tekið undir með bók-
uninni að nokkur ánægja hafi ver-
ið með þau störf sem íþrótta- og
tómstundaráðgjafi Grafarvogs
hefur unnið innan hverfisins en
þau störf hafa varðað íþróttafélag-
ið afskaplega lítið.
Fjölnir þarf mjög á þjónustu
íþróttafulltrúa að halda, helst í fullu
starfi eins og fram hefur komið í
ítrekuðum erindum félagsins til
borgaryfirvalda. Sú þjónusta sem
miðlægur íþróttafulltrúi í hverfa-
miðstöðinni Miðgarði hefur veitt
hefur ekki uppfyllt þarfir félagsins.
Sömu þarfir eru fyrir hendi hjá öðr-
um íþróttafélögum í Reykjavík og
er víðtæk samstaða um það innan
íþróttafélaganna að hugmyndir
borgaryfirvalda um miðlæga
íþróttafulltrúa í hverfamiðstöðvum
leysa ekki þessar þarfir.
Ályktun um „Íþróttafulltrúa til
íþróttafélaganna“ var samþykkt á
þingi ÍBR þrátt fyrir ofangreinda
bókun. Alfreð Þorsteinsson, for-
maður borgarráðs, tilkynnti á
þingi ÍSÍ í kjölfarið að öll íþrótta-
félög í Reykjavík myndu fá sína
íþróttafulltrúa.
Batnandi fólki er best að lifa .■
Við hvetjum lesendur til að senda okkur
línu og segja skoðun sína á fréttum
blaðsins, viðhorfum sem birtast í blaðinu
eða leggja orð í belg um málefni líðandi
stundar. Bréf skulu vera stutt og gagnorð,
50–200 orð að lengd. Ritsjórn áskilur sér
rétt til að stytta aðsent efni.
Vinsamlega sendið efnið í tölvupósti á
netfangið greinar@frettabladid.is.
Hættu eða ég læt pabba lemja þig...
17MÁNUDAGUR 3. maí 2004
Ósmekkleg lýsing
Kristín H. Þórarinsdóttir læknir skrifar:
Í frétt á bls. 4 í Fréttablaðinu 30. apríl
„Barnaníðingur sýknaður“, og því miður
raunar fleiri af svipuðum toga sem birst
hafa áður í blaðinu, hefur eðli verknaðar
gjörningsmannsins verið lýst í smáatriðum,
og hef ég ekki lyst á að vitna í textann hér.
Að slík lýsing komi fram í frétt um það
voðaverk sem kynferðisglæpur gagnvart
barni er tel ég með öllu óþarft og í hæsta
máta ósmekklegt, og hef ég þar fyrst og
fremst í huga þá sem fyrir slíku ódæði
verða og aðstandendur þeirra.
Hvað almenning varðar trúi ég að honum
bjóði nóg við að lesa að svona lagað hafi
yfirleitt átt sér stað.
Og enn gefur hún blessunin
Sveinn Valdimar Jónasson skrifar:
„Og enn gefur hún blessunin,“ sagði klerk-
urinn á Austurlandi um sóknarbarn sitt,
sem hann var að veita hinstu þjónustu og
hafði af henni síðustu eignirnar, þær sem
hann hafði ekki náð áður fyrir kirkjunnar
hönd. Það er nefnilega málið, hinar
svokölluðu kirkjueignir, eru eignir sem
klerkarnir plötuðu út úr fávísum almúgan-
um gegn sáluhjálp og himnaríkisvist. Allar
þær eignir sem kirkjan átti áður á kóngur-
inn nú, sagði gamli bóndinn sem Jón
Hreggviðsson og böðullinn hittu á Þing-
völlum, í Íslandsklukku Halldórs Laxness,
líklega var þá ein þeirra eigna Þingvellir.
Þingvellir ein af þessum jörðum sem þjóð-
kirkjumenn vilja eignast aftur, en ef allar
þær jarðir sem kirkjan átti lentu í eigu
kóngsins, þá eru þær væntanlega ríkiseign
í dag, þar sem kóngsjarðir urðu ríkisjarðir
eftir lýðveldisstofnun, nema við kjósum að
gera allar þessar gömlu kóngsjarðir að for-
setajörðum.
Það getur því verið álitamál hver eigi Þing-
velli, og með sanni er ekki hægt að segja
að þessar eignir sem kirkjan gerir tilkall til
séu hennar eign, heldur íslensku þjóðar-
innar, enda munu gjöld og viðhald þessara
eigna hafa verið greidd úr ríkissjóði með
skattfé almennings, en ekki frá þjóðkirkj-
unni, sem sýnir að í gegnum árin hefur ver-
ið litið á þessar eignir sem almennings-
eign, enda stendur æði oft í byggðasögum
landsins, forn kirkjujörð, eða eign einhverr-
ar ákveðinnar kirkju til forna, og ef þessar
jarðir eru ekki komnar í einkaeigu fyrir
löngu síðan eru þær sagðar eign ríkissjóðs.
Þjóðkirkjan vill kannski líka gera kröfur í
eignir Hólastóls sem seldar voru á uppboði
1805, þeir hljóta að telja sig eigendur alls
sem biskupsstólunum heyrði til. Það er
ekki hægt að ættlast til þess að þjóðkirkjan
geti átt einhverjar séreignir á meðan hún
er á framfæri almennings í þessu landi,
hvort sem fólk hefur not fyrir hana eður ei,
og mér finnst satt að segja ekki kirkjunnar
mönnum og konum til neinnar sæmdar að
girnast eigur almennings, og hafa meiri
áhuga á eignum og fé heldur en því orði
sem þeir eiga að boða.
BRÉF TIL BLAÐSINS
Gildir á meðan birgðir endast. Póstkrafa í síma 568 2255
3.999kr/stk
STÆRÐIR:
155R13
155/70R13
165/70R13
175/70R13
13’’
4.999kr/stk14’’
5.999kr/stk15’’
9.999kr/stk16’’
175/70R14
185/70R14
175/65R14
185/65R14
185/60R14
Þýsk gæðavara
í Hagkaupum Skeifunni
Verðsprengja
185/65R15
195/65R15
205/50R15
205/55R16
30 fyrstu kaupen
dur fá fría
umfelgun hjá Bo
rgardekki
á sumardekkjum
BIRGIR GUNNLAUGSSON
VARAFORMAÐUR FJÖLNIS
Fjölnir þarf mjög á
þjónustu íþróttafull-
trúa að halda, helst í fullu
starfi eins og fram hefur
komið í ítrekuðum erindum
félagsins til borgaryfirvalda.
,,
AÐSETUR FJÖLNIS Í GRAFARVOGI
Fjölnir er eitt af stærstu íþróttafélögum
borgarinnar.