Fréttablaðið - 03.05.2004, Blaðsíða 20
20 3. maí 2004 MÁNUDAGUR
FLOTT TILÞRIF HJÁ HALLA PÉ
Haraldur Pétursson á Musso sigraði í
fyrstu torfærukeppni sumarsins sem fram
fór í Bolöldum við mynni Jósefsdals í gær.
Haraldur, sem sést hér velta Mussonum í
5. brautinni, byrjaði keppnina illa en sótti
síðan í sig veðrið og sigraði. Gunnar Gunn-
arsson á Trúðnum sigraði í götubílaflokki.
Torfæran
hvað?hvar?hvenær?
30 1 2 3 4 5 6
MAÍ
Mánudagur
KÖRFUBOLTI Eina einvígið sem enn
er í gangi í fyrstu umferð NBA-
deildarinnar í körfuknattleik er á
milli Miami Heat og New Orleans
Hornets. Miami er nú komið með
þrjá sigra gegn tveimur New
Orleans eftir nauman sigur á
heimavelli, 87-83 og á því mögu-
leika á að klára dæmið í næsta leik
í New Orleans. Leikurinn var
skemmtilegur og spennandi og úr-
slitin réðust ekki fyrr en undir blá-
lokin. Nýliðinn Dwayne Wade, sem
var í þriðja sæti yfir bestu nýliða
deildarinnar í vetur, skoraði
þriggja stiga körfu um leið og skot-
klukkan rann út þegar 53 sekúndur
voru eftir og sú karfa gerði
gæfumuninn fyrir Miami. „Ég vil
fá boltann á mikilvægum augna-
blikum,“ sagði þessi ískaldi nýliði
sem skoraði 21 stig, tók fimm frá-
köst og gaf fimm stoðsendingar.
Stigahæstur Miami var þó Eddie
Jones sem setti niður 25 stig og
Lamar Odom var með 16.
Þjálfari New Orleans, Tim
Floyd, var stoltur af frammistöðu
sinna manna þrátt fyrir tapið:
„Strákarnir eru með stórt hjarta og
lögðu allt í sölurnar en því miður
gekk það ekki að þessu sinni. Það
var frábært að sjá baráttuna í
(Baron) Davis sem er meiðslum
hrjáður en hlífir sér aldrei.“ Téður
Baron Davis er mikill járnkarl og
lætur margs konar meiðsli ekki
stoppa sig. Hann skoraði 33 stig og
gaf sjö stoðsendingar – ekki slæmt
hjá leikmanni sem er meiddur í
baka, á olnboga og ökkla. Næstur
honum kom P.J. Brown sem skoraði
12 stig og reif niður 13 fráköst.
Stórkostleg handboltaveisla að Hlíðarenda:
Heimir Örn skaut
Valsmönnum í úrslitin
HANDBOLTI Heimir Örn Árnason
var hetja Valsmanna í gær þegar
að hann tryggði sínum mönnum
sigur á ÍR með sigurmarki í
bráðabana, 32-31. Það þurfti að
tvíframlengja leikinn sem tók
hátt í þrjá klukkutíma að klára.
Staðan var 31-31 eftir tvær fram-
lengingar og höfðu liðin þá skorað
jafnmörg mörk á þeim 200 mínút-
um sem þau höfðu spilað í einvíg-
inu. Það er gott dæmi um hversu
jöfn þessi lið eru. ÍR-ingar duttu í
lukkupottinn þegar þeir unnu
uppkastið og fengu að byrja
bráðabanann en Valsvörnin og
Pálmar Pétursson vörðu skot
Einars Hólmgeirssonar í samein-
ingu og það var síðan Heimir Örn
sem skoraði laglegt mark með
einu sígildu gegnumbroti. „Þetta
var ótrúlegur leikur og ég man
ekki eftir að hafa spilað svona
leik. Það var ekkert annað en að
láta vaða, hendin var komin upp
og það þurfti einhvern í það að
taka áhættuna,“ sagði Heimir
Örn, sem skoraði alls sex mörk í
leiknum líkt og þeir Markús Máni
Michaelsson og Hjalti Gylfason
en markahæstur var Baldvin Þor-
steinsson með sjö mörk þar af
fimm úr vítum. Pálmar Pétursson
varði 20 af 24 skotum sínum eftir
hlé og níu þeirra í framlenging-
unni. Einar Hólmgeirsson skoraði
mest fyrir ÍR eða átta mörk en
fimm þeirra komu á fyrstu 14
mínútunum. Hann og Hannes Jón
Jónsson, sem skoraði sjö mörk,
léku við hvern sinn fingur í fyrri
hálfleik og ÍR leiddi með þremur
mörkum í hálfleik, 10-13, og náði
mest fjögurra marka forustu rétt
eftir hlé. Valsmenn gáfust þó ekki
upp, náðu að loka á Einar og
Hannes og komu sér inn í leikinn
ekki síst fyrir framlög Markúsar
Mána sem skoraði fjögur gríðar-
lega mikilvæg mörk í seinni hálf-
leiknum. Ólafur Haukur Gíslason
varði 18 skot í ÍR-markinu og stóð
sig frábærlega í öllu einvíginu en
það voru of mörg klaufalega mis-
tök sem felldu íR-inga fyrst og
fremst. „Þetta var einn skemmti-
legasti handboltaleikur sem mað-
ur hefur upplifað. Ég vil þakka
áhorfendunum fyrir að fjölmenna
og styðja vel við bakið á okkur því
ég tel að þeir hafi hjálpað okkur
yfir hjallann og það var greinilegt
að heimavöllurinn skiptir miklu
máli. Ég hafði alltaf trú á því að
við værum með þennan leik í lok-
in. Það var samt hræðilegt að
byrja ekki með boltann í bráða-
bananum en við héldum áfram og
það var stórkostlegt að klára
þetta. Við urðum að treysta á
Markús og hann stóð sig frábær-
lega,“ sagði Óskar Bjarni Óskars-
son, þjálfari Valsmanna, í leiks-
lok. ■
de Boer bræður á síðasta
snúningi:
Líklega á leið
til Katar
FÓTBOLTI Margt bendir til að tvíbura-
bræðurnir hollensku, Ronald og
Frank de Boer muni klára keppnis-
feril sinn saman í liði í Katar þar
sem væntanlega er gnógt fjár til
handa þeim. Tvíburabræðurnir eru
orðnir 33 ára og mega báðir muna
fífil sinn fegurri. Frank leikur um
þessar mundir með Glasgow
Rangers í Skotlandi en Ronald með
Barcelona í Katalóníu. Þeir hafa
enn ekki staðfest þetta en viður-
kenna að lið frá Katar hafi borið í þá
víurnar og að tilboðið sé mjög
freistandi. ■
HANDBOLTI „Við erum búnir að
vera efstir í deildinni í allan vet-
ur svo missum við flugið rétt í
lokin. Við áttum þetta meira
skilið en þeir,“ sagði Markús
Máni Michaelsson sem lét til sín
taka á ný eftir að hafa verið frá
vegna meiðsla í tæpa tvo mán-
uði. Markús skoraði sitt fyrsta
mark í úrslitakeppninni
skömmu fyrir leikhlé og bætti
síðan við fimm glæsimörkum til
viðbótar mörg með mögnuðum
þrumuskotum. „Ég var nú kall-
aður af einhverjum blaðamann-
inum skrautið á bekknum og ég
er búinn að fá margar háðsglós-
urnar þennan erfiða tíma sem
ég hef verið á bekknum. Það eru
svo margir búnir að gera grín að
mér og því samdi ég lítið erindi:
„Þegar syrtar fer í álinn og Vals-
mönnum á bjátar. Stígur Markús
af bekknum og Hlíðarendi
skrautinu státar“. Það eru allir í
liðinu að sýna frábæran karakt-
er og koma sterkir inn þegar lið-
ið þarf á þeim að halda. Það
skiptir miklu máli að það séu all-
ir að leggja lóð á vogarskálarn-
ar,“ sagði Markús Máni kátur í
leikslok. ■
HANDBOLTI Júlíus Jónasson, þjálf-
ari ÍR-inga, spilaði ekkert með í
framlengingunum á Hlíðarenda
í gær þar sem hann var skotinn
niður í lok venjulegs leiktíma og
sá bara móðu eftir það. „Ég fékk
boltann beint í gagnaugað og sá
ekki eftir það í fókus með öðru
auganu og ekkert með hinu. Ég
prófaði að fara aftur inn á en ég
vissi þá bara ekki hvar ég var
eða hvað ég ætti að gera,“ sagði
Júlíus. „Þetta var erfiður leikur
fyrir bæði lið og það er hægt að
segja að þetta hafi bara verið
heppni í lokin. Þetta spilaði svo-
lítið öðruvísi en undanúrslita-
einvígið í fyrra og þá fór þetta
ekki í þessar endalausu fram-
lengingar. Það skiptir gífurlega
miklu máli í þessum fram-
lengingum að nýta hvert einasta
tækifæri sem býðst og við nýtt-
um þau ekki nógu vel.
Við vorum samt alltaf inn í
þessum leik og hefðum alveg eins
getað klárað þetta í dag eins og
þeir. Strákarnir hafa staðið sig
eins og hetjur í allan vetur. ÍR-
ingar geta verið stoltir þrátt fyrir
að það sé sárt og tapa þessum
leik,“ sagði Júlíus að lokum. ■
■ ■ LEIKIR OG KEPPNI
20.00 Deildarbikarinn. Karlalið KR
og Víkings mætast í undanúrslit-
um deildarbikarsins í Egilshöll.
■ ■ SJÓNVARP
15.00 Ensku mörkin á Stöð 2.
16.40 Helgarsportið á RÚV.
18.40 Ensku mörkin á Sýn.
19.35 Spænsku mörkin á Sýn.
20.20 Meistaradeildin á Sýn.
Arsenal og Chelsea frá 6. apríl.
22.00 Olíssport á Sýn.
Ciudad
Real skrefi
nær Spánar-
titlinum
HANDBOLTI Ciudad Real, lið Ólafs
Stefánssonar, tókst ekki að gull-
tryggja sér meistaratitilinn á
Spáni en liðið gerði jafntefli við
Portland San Antonio, 25-25.
Ciudad er efst með 51 stig þegar
aðeins þremur umferðum er ólok-
ið. Ademar Leon er með 45 og
Portland San Antonio með 44. Eitt-
hvað mikið þarf að gerast ef Spán-
armeistaratitillinn rennur úr
greipum Ólafs og félaga en þeir
voru með yfirhöndina í leiknum í
gær mestallan tímann. Liðið komst
í 22-19 þegar 13 mínútur voru eftir
en hélst ekki á forskotinu.
Entrerrios var atkvæðamestur hjá
Ciudad með sex mörk, Talant Dujs-
hebaevs skoraði fimm en Ólafur
gerði þrjú og þar af eitt úr víti. Hjá
Portland var Rivero Roca með átta
mörk, tvö úr vítum. ■
STACEY AUGMON
Í hálofta baráttu við leikmann Miami Heat,
Caron Butler.
Stríðið heldur áfram:
Miami lagði New Orleans
Júlíus Jónasson, þjálfari ÍR-inga:
Var skotinn niður og
lék ekkert með í lokin
Markús Máni Michaelsson, fyrirliði Valsmanna:
Við áttum þetta
meira skilið en þeir
FRÁBÆR STEMNING Á FRÁBÆRUM LEIK
Valsmenn skemmtu sér vel á Hlíðarenda í gær þegar karlalið félagsins tryggði sig inn í úrslitaeinvígið um Íslandsmeistaratitilinn.
Hér fagna góðir stuðningsmenn einu af mörkum Vals í leiknum.