Fréttablaðið - 03.05.2004, Blaðsíða 21

21MÁNUDAGUR 3. maí 2004
GÆÐAVARA –
BETRA VERÐ!
LEIÐANDI Í LÆGRA DEKKJAVERÐI
JEPPADEKK • FÓL KSBÍLADEKK • JEPPADEKK • FÓLKSBÍLADEKK • JEPPADEKK
Við erum
snöggir
að umfelga
Ólympíuleikarnir:
Sara og
Ragna ekki
með í Aþenu
BADMINTON Badmintonkonurnar
Sara Jónsdóttir og Ragna Ingólfs-
dóttir náðu ekki ólympíulágmark-
inu en samkvæmt nýjum heims-
lista alþjóðabadmintonsambands-
ins, sem gefin var út í gær, er Sara
í 55. sæti í einliðaleik og hefur
fallið um tvö sæti. Ragna er í 60.
sæti og hefur fallið um fjögur en
þær stöllur hafa á hinn bóginn
unnið sig upp um eitt sæti í tví-
liðaleiknum og eru sem stendur í
33. sæti þar.
Því miður dugar þessi árangur
þeim ekki til að komast til á
Ólympíuleikanna í Aþenu í haust
en þær hafa staðið í ströngu í all-
an vetur og staðið sig með miklum
sóma. ■
FÓTBOLTI Knattspyrnustjóri enska
úrvalsdeildarliðsins Chelsea,
Claudio Ranieri er samkvæmt
ítölskum fjölmiðlum sterklega
orðaður við þjálfarastöðuna hjá
ítalska stórliðinu
Juventus. Þetta staðfesti
umboðsmaður hans en
sagði um leið að mörg
önnur lið hefðu sýnt
Ranieri áhuga og hann
ætti því ekki að þurfa að
óttast atvinnuleysi á
næstu leiktíð. Nýverið
tilkynnti Marcelo Lippi,
núverandi þjálfari
Juventus, að hann yrði
ekki áfram með liðið en
frammistaða þess í
vetur hefur valdið miklum von-
brigðum. Þá má segja að Ranieri
hafi ekki átt sjö dagana sæla hjá
Chelsea þar sem hinn heiðarlegi
eigandi liðsins, Roman
Abramovich, hefur leitað
á hverju götuhorni af arf-
taka liðsins þrátt fyrir að
flestir knattspyrnuspek-
ingar séu á einu máli um
að Ranieri hafi gert mjög
góða hluti. Liðið á enn
möguleika á sigri í meist-
aradeildinni en flestir eru
á því að jafnvel þótt Chel-
sea hampi þeim bikar vilji
Rússinn ekkert með Ítal-
ann hafa, hver svo sem
ástæðan fyrir því er. ■
HANDBOLTI Eyjastúlkur tryggðu sér
í gær sæti í úrslitum Íslandsmóts-
ins með því að leggja FH að velli í
þriðja leik liðanna sem fór fram í
Eyjum. Flestir áttu von á því að
FH yrði lítil hindrun fyrir ÍBV en
reyndin varð önnur og því þurfti
að grípa til oddaleiksins. Þar
sýndu Eyjastúlkur hins vegar á
sér sparihliðarnar og sigruðu
sannfærandi með sjö mörkum, 37-
30. Leikurinn fór frekar rólega af
stað en undir lok fyrri hálfleiks
tóku heimastúlkur öll völd á vellin-
um og voru fimm mörkum yfir, 20-
15. Hafnfirðingar beittu sömu
varnaraðferð og í öðrum leik
liðanna og komu langt út á móti
skyttum ÍBV en fyrir vikið losnaði
um leikstjórnanda ÍBV, Sylviu
Strass, sem fór á kostum í leikn-
um. Mestur varð munurinn tíu
mörk en undir lokin náðu Hafn-
firðingar að laga stöðuna aðeins.
Það er varla hægt að taka nokkurn
úr liði ÍBV í dag, lykilleikmenn
skiptust á að taka af skarið og í
Julia Gantimorova nánast lokaði
markinu í síðari hálfleik. En
fremst meðal jafningja fór leik-
stjórnandi Sylvia Strass. FH-ingar
eru úr leik en geta borið höfuðið
hátt. Þær mættu einfaldlega
ofjörlum sínum í gær en fá prik
fyrir að berjast allt til leiksloka.
Gunnur Sveinsdóttir var best í liði
þeirra, skoraði ellefu mörk og þá
átti Þórdís Brynjúlfsdóttir ágæta
spretti. Aðalsteinn Eyjólfsson,
þjálfari ÍBV, var ánægður með
sigurinn í gær. „Við vorum virki-
lega ósátt við okkar leik í
Kaplakrika og vildum virkilega
sýna hvað í okkur býr hér í dag.
Leikmenn mættu mjög einbeittir
og í dag var allt klárt hjá okkur.
Hlutirnir duttu inn hjá okkur,
sendingar voru góða og í raun
ekki hægt að taka nokkurn leik-
menn út úr liðinu, þær voru allar
góðar. En við þurftum virkilega
að hafa fyrir þessu hérna í dag,
FH-ingar lögðu sig virkilega fram
í þessu einvígi og rétt að þakka
þeim fyrir skemmtilega leiki.“
Sigurður Gunnarsson, þjálfari
FH, var hins vegar ekki eins kát-
ur. „Við vorum bara ekki að veita
þeim neina keppni. Ég er reyndar
á því að við höfum tapað þessu í
fyrri hálfleik þegar við misstum
þær fimm mörkum fram úr okk-
ur. Það var eins og stelpurnar hafi
ekki haft trú á að það væri hægt
að vinna þetta forskot upp og því
fór sem fór.“ ■
FÓTBOLTI Hrakfarir Spánarmeistara
Real Madrid halda enn áfram því á
laugardag tapaði liðið fyrir
Deportivo La Coruna, 2-0. Diego
Tristan og Joan Cap-
devila skoruðu mörk
Deportivo. Zinedine
Zidane fékk að líta tvö
gul spjöld í fyrri hálf-
leik og þar með það
rauða og er þetta ann-
ar leikurinn í röð hjá
Real þar sem stjór-
stjarna fær að líta
rauða spjaldið. Um
síðustu helgi tapaði
liðið fyrir erkifjend-
unum í Barcelona og
þá var það Luis Figo
sem sá rautt. Það er því greinilegt
að pirringurinn er orðinn nokkuð
mikill í herbúðum liðsins enda
flest allt gengið á afturfótunum
hjá þessu stjörnum
prýdda liði á þessari
leiktíð. Ef heldur áfram
sem horfir gæti liðið
staðið uppi titlalaust eft-
ir leiktíðina og miðað
við alla peningana sem
lagðir hafa verið í leik-
mannakaup yrði það
ekkert annað en hrein-
ræktaður skandall. Enn
er þó von um Spánar-
meistaratitilinn en Val-
encia er með öll tromp á
hendi. ■
Þýski handboltinn:
Flensburg
bikarmeistari
HANDBOLTI Flensburg tryggði sér
sigur í þýsku bikarkeppninni í
handbolta í gær með öruggum
sigri á Hamburg, 29-23, í
Hamburg. Flensburg var með
yfirhöndina allan tímann og sigur-
inn var aldrei í mikilli hættu en
staðan í hálfleik var 14-8.
Þetta er annað árið í röð sem
Flensburg hampar bikarnum.
Daninn Sören Stryger var
atkvæðamestur með sex mörk hjá
Flensburg og landi hans Lars
Christiansen skoraði fimm. Hjá
Hamburg var Svíinn Jonas
Ernelind markahæstur með sex
stykki. ■
Hrakfarir Real Madrid halda áfram:
Zidane sá rautt
ZINEDINE ZIDANE
Niðurlútur. Fékk að líta
rauða spjaldið og Real
Madrid tapaði.
Gamla frúin þarf nýjan þjálfara:
Tekur Ranieri
við Juventus?
CLAUDIO RANIERI
Er nú sterklega orðað-
ur við Juventus.
Sannfærandi hjá ÍBV
ÍBV vann FH með sjö mörkum í oddaleiknum, 37-30, og mætir Val í
úrslitum Íslandsmóts kvenna. Fyrsti leikur er á þriðjudag.
STRASS MEÐ STÓRLEIK
Sylvia Strass skoraði 10 mörk úr aðeins 12 skotum og átti stórleik gegn framliggjandi vörn FH-inga í Eyjum í gær.