Fréttablaðið - 03.05.2004, Blaðsíða 22

22 3. maí 2004 MÁNUDAGUR
TITILLINN INNAN SEILINGAR
Wesley Sonck fagnar hér einu af þremur
mörkum sínum í gær en Ajax á hollenska
meistaratitilinn í knattspyrnu næsta vísan
eftir stórsigur á Zwolle, 5-0. Aðeins eru
tvær umferðir eftir af deildakeppninni og
Ajax er með 74 stig en PSV Eindhoveen
kemur næst með 68.
Fótbolti
FÓTBOLTI Leeds féll nánast í gær úr
ensku úrvalsdeildinni en liðið beið
lægri hlut gegn Bolton á útivelli,
1-4. Ekkert getur í raun bjargað
liðinu frá falli þótt liðið, eins og
Úlfarnir, geti náð Manchester
City að stigum, því markamunur
liðanna tveggja og Manchester
City er svo fáránlega mikill að
tómt mál er að tala um. Leikurinn
fór þó vel af stað fyrir Leeds og
Mark Viduka kom liðinu yfir með
marki úr vítaspyrnu sem Alan
Smith fiskaði. Þætti Mark Viduka
lauk þó áður en fyrri hálfleikur
var allur því hann uppskar tvö gul
spjöld og þar með það rauða.
Þetta áfall var meira en leikmenn
Leeds réðu við og einum fleiri
tóku leikmenn Bolton öll völd á
vellinum og tryggðu sér sigurinn
með þremur mörkum á aðeins
átta mínútna kafla. Youri Djorka-
eff skoraði fyrsta markið á 47.
mínútu og aðeins sex mínútum
síðar kom mark númer tvö. Örlög
Leeds voru síðan innsigluð með
afar táknrænum hætti á 53. mín-
útu en þá skoraði Ian Harte sjálfs-
mark – alger endurspeglun á
hruni liðsins undanfarin ár. Að-
eins eru þrjú ár síðan liðið komst í
undanúrslit meistaradeildar Evr-
ópu og fall liðsins síðan verið með
hreinum ólíkindum. Liðið komst
upp í úrvalsdeild árið 1990 eftir
níu ára dvöl í þeirri næstefstu og
það hampaði Englandsmeist-
aratitlinum árið 1992. Offjárfest-
ingar og óstjórn hafa eflaust átt
stærstan þátt í þessu ferli Leeds-
ara og mikil óvissa ríkir nú um
framtíð klúbbsins sem er einn af
þeim vinsælli hér á landi. Árang-
ur Bolton er á hinn bóginn frábær
og þetta skemmtilega lið á nú
möguleika á sæti í Evrópukeppni.
Gaman hefur verið að sjá liðið ná
smám saman meiri stöðugleika á
meðal þeirra bestu en nokkur ár
hefur tekið að festa liðið í sessi.
Með aðeins sterkari vörn getur lið
Bolton haldið áfram að klífa met-
orðastigann í Englandi. ■
Meistarabragur á Haukum
Íslandsmeistarar Hauka sýndu mátt sinn á öllum sviðum þegar þeir sendu
bikarmeistara KA tómhenta heim til Akureyrar.
HANDBOLTI Hraði, stemning, vörn,
markvarsla og markviss sóknar-
leikur var á hlaðborðinu hjá Ís-
landsmeisturum Hauka þegar
þeir buðu KA-mönnum til veislu.
Norðanmenn sýndu mikinn
karakter og gáfust aldrei upp en
það var sama hvað þeir reyndu –
Haukarnir voru alltaf betri.
Það var jafnræði með liðunum
framan af en um miðjan fyrri
hálfleik skoruðu Haukarnir átta
mörk gegn einu hjá KA og náðu
forystu sem þeir létu aldrei af
hendi. KA-menn fengu nokkur
tækifæri til þess að koma sér inn
í leikinn en þegar Arnór klúðraði
víti í stöðunni 29-26 fyrir Hauk-
um var ljóst að KA-menn myndu
ekki hafa erindi sem erfiði.
Lykilmenn KA klikkuðu illi-
lega í þessum leik og þar lá að
mörgu leyti munurinn í gær.
Pauzuolis pakkaði Arnóri Atla-
syni saman, tróð honum ofan í
tösku og sendi hann síðan með
skipi til Þýskalands. Arnór
komst ekkert áleiðis gegn Lithá-
anum sterka og skoraði aðeins
eitt mark utan af velli og kom
það rétt fyrir leikslok. Jónatan
Magnússon var einnig heillum
horfinn og ofan á allt kom síðan
skelfilega slök markvarsla.
Einar Logi og Stelmokas voru
frábærir og héldu sínum mönn-
um inn í leiknum lengi vel.
Liðsheildin hjá Haukunum
skilaði sínu eins og venjulega.
Þeir voru eins og hraðlest í fyrri
hálfleik þegar þeir völtuðu yfir
KA með hverju hraðaupphlaup-
inu á eftir öðru. Birkir Ívar var
enn og aftur stórkostlegur og
Pauzuolis var eins og herforingi í
vörninni og hrikalega sterkur.
Halldór var ótrúlega seigur í
sókninni. Ásgeir og Þórir áttu
einnig fína spretti.
Mörk Hauka: Halldór Ingólfs-
son 11/4, Ásgeir Örn Hallgrímsson
5, Þórir Ólafsson 5, Andri Stefan 4,
Vignir Svavarsson 4, Þorkell
Magnússon 2 og Aliaksandr Sham-
kuts 2. Birkir Ívar Guðmundsson
varði 26 skot í markinu.
Mörk KA: Andreus Stelmokas
9/1, Einar Logi Friðjónsson 8,
Arnór Atlason 4/3, Bjartur Máni
Sigurðsson 3, Sævar Árnason 3,
Þorvaldur Þorvaldsson 1 og Jón-
atan Magnússon 1. Hafþór Ein-
arsson varði 9 skot og Hans
Hreinsson 4.
henry@frettabladid.is
Enn stórtap
hjá Medkila
FÓTBOLTI Lið Hrefnu Jóhannesdótt-
ur í norsku úrvalsdeildinni í
knattspyrnu, Medkila, hefur ekki
riðið feitum hesti í þremur fyrstu
umferðum mótsins. Tveir fyrstu
leikirnir töpuðust báðir 5-0 og
ekki var hlutskiptið mikið skárra í
þeim þriðja. Þá tapaði liðið 1-6
gegn Kolbotn og er því stigalaust
með markatöluna 1-16. Það blæs
því ekki byrlega hjá Medkila og er
þá frekar vægt til orða tekið. ■
Liverpool og Aston Villa unnu bæði í gær:
Hörð barátta
um fjórða sætið
FÓTBOLTI Aston Villa lagði afar
dapurt lið Tottenham Hotspur
að velli, 1-0, á Villa Park í gær-
dag. Eina mark leiksins gerði
Juan Pablo Angel á fimmtu mín-
útu. Liverpool og Middles-
borough mættust á Anfield
Road og fóru heimamenn með
öruggan sigur af hólmi, 2-0.
Fyrra mark heimamanna gerði
Danny Murphy á 49. mínútu úr
vítaspyrnu sem Michael Owen
fiskaði. Emile Heskey skoraði
seinna markið aðeins tveimur
mínútum síðar og sigur Liver-
pool var mjög öruggur og sann-
gjarn. Gríðarlega hörð barátta
er um fjórða sæti deildarinnar
sem gefur sæti í meistaradeild-
inni á næstu leiktíð og því veru-
lega mikið í húfi þar. Liverpool
er með 56 stig, Aston Villa með
55 og Newcastle með 53 og á
einn leik til góða. ■
M
Á
T
T
U
R
IN
N
&
D
Ý
R
Ð
IN
Sjálfboðamiðstöð Hamraborg 11 • Opin virka daga kl. 12-14 • www.redcross.is/kopavogur
Börn og umhverfi
(áður barnfóstrunámskeið)
Námskeiðið er fyrir einstaklinga á aldrinum 12-15 ára
og kennt er í Hamraborg 11, 2. hæð.
Fyrsta námskeiðið fer fram 12., 13., 17. og 18. maí
kl. 18-21 alla dagana. Skráning eigi síðar en 10. maí.
Seinna námskeiðið fer fram 19., 21., 24. og 25. maí
kl. 17-20 alla dagana. Skráning eigi síðar en 14. maí.
Á námskeiðinu er farið í ýmsa þætti er varða umgengni
og framkomu við börn. Rætt er um árangursrík sam-
skipti, leiðtogahæfni, agastjórnun, umönnun og hollar
lífsvenjur, leiki og leikföng. Fjallað er um slysavarnir
og algengar slysahættur og veitt ítarleg kennsla í
skyndihjálp. Þátttakendur fá innsýn í sögu og starf
Rauða krossins.
Námskeiðsgjald: 5.300 kr.
Innifalin eru námskeiðsgögn og
bakpoki með skyndihjálparbúnaði.
Skráning: Í síma 554 6626 eða á
kopavogur@redcross.is
Sjötugur skákmaður:
Ingvar í 1.-2.
sæti á Ítalíu
SKÁK Ingvar Ásmundsson, FIDE-
meistari úr Taflfélaginu Helli, náði
1.–2. sæti á alþjóðlega Gold-Cup
mótinu í Meran á Ítalíu sem nýlok-
ið er. Jafn Ingvari varð þýski skák-
maðurinn Hermann Krieger sem
er með 2.267 ELO-stig, en þeir
hlutu báðir sjö vinninga í níu skák-
um. Ingvar sem er með 2.311 ELO-
stig verður sjötugur á þessu ári og
árangur hans er einkar góður og
mjög athyglisverður. ■
MARK VIDUKA
Sést hér ganga af leikvelli en hann skoraði
mark Leeds úr vítaspyrnu en fékk síðan að
líta tvö gul spjöld og þar með það rauða.
Það var eitthvað sem leikmenn Leeds réðu
ekki við og liðið er því fallið í 1. deild eftir
fjórtán ár í úrvalsdeild.
Leeds United nánast fallið eftir 14 ára dvöl í ensku úrvalsdeildinni:
Úti er ævintýri hjá Leeds
Haukar-KA:
Ætlum að
fara alla leið
HANDBOLTI Birkir Ívar Guðmunds-
son var í fantaformi í marki
Hauka í gær og varði 26 skot.
Hann var kampakátur í leikslok.
„Við vorum frekar sannfærandi í
leiknum. KA eru samt alltaf
hættulegir því þeir geta snúið
leikjum við á mettíma. Sem betur
fer tókst okkur að halda þeim fyr-
ir aftan okkur og þetta var nokkuð
góður leikur hjá okkur. Það er
mikill karakter í þessu liði og við
höfum fulla trú á því sem við
erum að gera. Að sjálfsögðu ætl-
um við alla leið enda gengur ekki
annað hjá Haukum.“
Það var þungt yfir fyrirliða
KA, Jónatani Magnússyni, eftir
leikinn. „Þetta er verulega sárt og
eitt það sárasta sem ég hef upplif-
að. Haukarnir voru góðir og betri
en við í dag. Samt er skrítið að úti-
lið skuli aldrei vinna leik þegar
Gísli og Hafsteinn dæma. Það
væri gaman að vita hversu oft úti-
lið vinnur þegar þeir dæma. Þeir
voru samt ekki lélegri en við í
dag. Það er samt ótrúlegt, Við höf-
um bara unnið einn leik þegar
þeir dæma.“ ■
EINAR LOGI Í HELJARGREIPUM HAUKAVARNARINNAR
Robertas Pauzuolis átti stórleik í vörninni hjá Haukum í gær. Hann tekur hér hraustlega á KA-manninum Einari Loga Friðjónssyni.
FR
ÉT
TA
B
LA
Ð
IÐ
/G
VA
MICHAEL OWEN FÆR VÍTI
Liverpool skoraði fyrra mark sitt úr víta-
spyrnu sem Michael Owen sést hér fiska.
GENGUR ILLA HJÁ LIÐI HREFNU
Lið Hrefnu Jóhannesdóttur í norsku úrvals-
deildinni í knattspyrnu hefur tapað þremur
fyrstu leikjum sínum.