Fréttablaðið - 03.05.2004, Blaðsíða 32
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R
Bakþankar
ÞRÁINS BERTELSSONAR
Evrópa
SM Á A U G L Ý S I N G AS Í M I N N E R 550 5000
Það var vel við hæfi að hátíðahöldEvrópusambandsins til að fagna
10 nýjum aðildarlöndum skyldu fara
fram í Fönix-garði í Dyflinni, höfuð-
borg Írlands. Fyrir 30 árum var
Írland fátækasta land í Vestur-
Evrópu, en hefur síðan náð að brjót-
ast til bjargálna með góðum stuðningi
systkina sinna í Evrópusambandinu,
og situr nú þar í forsæti.
FYRIR 60 ÁRUM þegar Evrópa lá
í blóði sínu eftir seinni heimsstyrjöld-
ina hefði þurft mikinn bjartsýnis-
mann til þess að spá því að eftir
nokkra áratugi væri „Óðurinn til
gleðinnar“ eftir Beethoven orðinn
þjóðsöngur allrar álfunnar og 25
Evrópuþjóðir hefðu gert með sér
ríkjabandalag til að samhæfa krafta
sína í þágu friðar og farsældar.
AÐ VÍSU er það ekki tekið út með
sældinni að vera til friðs. Víðsvegar í
Evrópu eru nú þéttar byggðir
skriffinna sem eyða ævinni í að finna
upp ný eyðublöð eða reikna út eftir-
sóknarverða fyrirmyndarstærð á
jarðarberjum ellegar setja reglur um
bann við munntóbaksnotkun. Þetta er
trúlega leiðinleg vinna en yfirleitt
þokkalega launuð með embættis-
bústað, Benz og risnu – og skapar
aukinheldur nauðsynleg atvinnutæki-
færi fyrir aflóga stjórnmálamenn
sem gott er að losna við úr pólitík en
rúmast hvorki í Seðlabanka né utan-
ríkisþjónustu.
MARGIR SJÁ OFSJÓNUM yfir
því fjármagni sem fer í að kosta alls-
kyns friðsaman vitleysisgang á veg-
um Evrópusambandsins, en aðrir
segja að mannleg náttúra sé söm við
sig, þótt hún sé lamin með lurk leiti
hún út um síðir. Og altént er það
ódýrara fyrir hvern meðaljón í
Evrópu að borga einbýlishús og Benz
undir bírókrata í Brussel til að reikna
út rúmmál á jarðarberjum, heldur en
borga skriðdreka, orustuflugvélar og
vítisvélar til að senda æskulýð þjóð-
anna inn í nágrannalöndin að drepa
fólk og jafna borgir við jörðu.
ÓÐURINN TIL GLEÐINNAR
hljómaði um gervalla Evrópu 1. maí
síðastliðinn. Ólíkt var það hljóm-
fegurra en kvalaóp írakskra fanga
sem bandarískir og breskir hermenn
eru að skemmta sér við að kvelja og
pynta fyrir hönd okkar, hinna stað-
föstu þjóða sem sendu þá í stríð. ■