Fréttablaðið - 22.05.2004, Blaðsíða 19
18 22. maí 2004 LAUGARDAGUR
■ ANDLÁT
■ JARÐARFARIR
Þennan dag árið 1933 greindihóteleigandinn John Mackay
frá því í skoskum blöðum að hafa
borið Loch Ness skrímslið aug-
um. Hann hafði verið í gönguferð
með konu sinni á nýlögðum vegi
meðfram stöðuvatninu Ness þeg-
ar hjónin töldu sig sjá risastórt
dýr leika sér í vatninu. Fréttin
komst í heimspressuna og ýmsir
skipulögðu ferð til stöðuvatnsins
í þeirri von að sjá hið heims-
þekkta goðsagnardýr, meðal ann-
ars þáverandi forsætisráðherra
Skotlands. Síðan þá hafa fréttir
af skrímslinu mörgum sinnum
borið á góma og ýmsar ljósmynd-
ir, sem hafa flestar reynst falsað-
ar, hafa átt að bera sönnur á
þaðð. Nýjasta tækniútbúnaði hef-
ur verið ætlað að sanna eða af-
sanna kenninguna um tilveru
dýrsins en þær tilraunir hafa
farið forgörðum.
Skotland á enn heiðurinn á
þekktasta skrímsli veraldar,
Nessiteras Rhombopteryx, eins
og Loch Ness skrímslið er kallað
á fræðimáli.
Fyrstu sögurnar af því eru
raktar til þess tíma þegar krist-
indómurinn náði útbreiðslu í
Skotlandi. Trúboði kristindóms-
ins Heilagur Kólumbus átti að
hafa reist heiðinn mann frá dauð-
um eftir að hann hafði lent í Loch
Ness skrímslinu. Önnur saga
segir að heiðingi einn hafi synt
yfir stöðuvatnið og mætt þar
skrímslinu. Heilagur Kólumbus
sem á að hafa orðið vitni að
atburðinum, tók upp krossinn og
skipaði skrímslinu að halda sig
til hlés svo heiðinginn gæti synt í
land. ■
Jón Kristinn Guðmundsson pípulagn-
ingameistari, Skúlagötu 15, Borgarnesi,
lést miðvikudaginn 19. maí.
Knútur Ármann rafvirkjameistari, Breið-
vangi 8, Hafnarfirði, lést mánudaginn
17. maí.
Stefán Sigurðsson frá Reyðará í Lóni,
lést fimmtudaginn 20. maí.
Ég er búinn að ákveða að haldaekki formlega upp á daginn
með einhverri veislu,“ segir Sig-
urður G Valgeirsson sem er fimm-
tugur í dag. „Ég hélt vel upp á það
þegar ég varð fertugur en nú vil
ég frekar taka afmælisárið maður
á mann. Hitta vini mína og þá sem
mér líkar vel við á tímabilinu þar
til ég næ fimmtugasta og fyrsta
aldursári. Mér finnst góðar stund-
ir með vinum meira spennandi en
ræður sem geta verið hálf vand-
ræðalegar.“
Aðspurður um eftirminni-
legasta afmælisdaginn kemur fer-
tugsafmælið til tals. „Það lukkað-
ist rosalega vel. Það var haldið um
borð í litlum dalli sem siglt var í
Hafnarfirðinum. Fyrirfram var
ég rosalega spenntur fyrir að gera
þetta en þegar líða fór á daginn
fór ég að hafa áhyggjur af veðr-
inu. Vont veður hefði þýtt að allir
gestirnir hefðu orðið sjóveikir.“
Sigurður segist hafa reynt að
breyta minningunni og rifjað upp
með vinum sínum að um skemmti-
ferðaskip eða snekkju hafi verið
að ræða en ekki dall.
Meðal gesta í hinu eftirminni-
lega fertugsafmæli var dagskrár-
gerðarfólkið úr Dagsljósi sem
Sigurður vann með á þeim tíma.
„Dagsljósfólkið var meðal annars
með hljóðlistaverk á dekkinu og
elsti sonur minn söng ásamt Ein-
ari Kárasyni Litli vin, enda þyki
ég ekkert sérstaklega hávaxinn
og er minntur á það reglulega.“
Sigurður er með mörg járn í
eldinum þessa dagana en segir
vinnu sína að mestu leyti felast í
almannatengslum. „Ég er þó auk
þess að vinna sem handrits-
höfundur að heimildarmynd um
Ragnar í Smára.“
Sigurður segist telja það nokk-
uð merkilegt að vera orðinn hálfr-
ar aldar gamall. „Þar sem ég byrj-
aði að eiga börn frekar ungur þá
fannst mér ég strax rosalega gam-
all. Ég man til dæmis eftir sjokk-
inu þegar ég varð tuttugu og fimm
ára, ég taldi það síðasta afmælis-
daginn sem ég gæti talist ungur
maður. Fimmtugur er ég síðan
orðinn sjóaður og eiginlega alveg
skítsama meðan heilsan er góð.“ ■
NAOMI CAMPBELL
Ofurfyrirsætan súperfallega verður 34 ára
í dag.
22. MAÍ
NESSIE
Ófáar sögur og ljósmyndir eru til af
Loch Ness skrýmslinu.
Loch Ness skrímslið leikur sér
HÓTELEIGANDINN JOHN MACKAY
■ greindi frá því að hann og konan
hans hefðu séð Loch Ness skrímslið.
22. MAÍ 1933
Litli vinur sunginn
!"#$%&& '(')*+,
-
Við þökkum innilega þeim fjölmörgu sem sýndu okkur samúð
og hlýhug í orði og verki í veikindum, við andlát og útför okkar
elskaðrar móður, sambýliskonu, tengdamóður og ömmu
Gerðar Sigfúsdóttur
Sérstakar þakkir til starfsfólks krabbameinsdeildar Landspítalans
og líknardeildarinnar í Kópavogi, mánudaginn 1. mars kl. 15.00.
Þeim sem vilja minnast hennar er bent á líknarfélög.
Sveinbjörg Sigurðardóttir Karl Sesar Sigmundsson
Gunnrún Gunnarsdóttir
Magnús G. Helgason Friðrik Marinó Friðriksson
Helgi Magnússon Guðrún Inga Grétarsdóttir
Gerður Lind Magnúsdóttir Ingunn Hlín Friðriksdóttir
Guðbjartur Magnússon Arnar Már Friðriksson
Sólrún Dögg Magnúsdóttir Gunnar Friðriksson
SIGURÐUR G VALGEIRSSON
„Þar sem ég byrjaði að eiga börn frekar ungur
þá fannst mér ég strax rosalega gamall.“
AFMÆLI
SIGURÐUR G. VALGEIRSSON.
■ ætlar að eiga góðar stundir
á afmælisárinu.
10.30 Ruth Vita Gunnlaugsson,
Blásölum 24, Kópavogi, áður til
heimilis á Móavegi 11, Njarðvík,
verður jarðsungin frá Njarðvíkur-
kirkju, Innri-Njarðvík.
13.00 Fjóla Stefánsdóttir, Minni-
Ökrum, verður jarðsungin frá
Miklabæjarkirkju.
13.30 Árni Brynjólfsson,
(Tryggvaskála), Grænumörk 1,
Selfossi, verður jarðsunginn frá
Selfosskirkju.
14.00 Bernódus Halldórsson, Að-
alstræti 22, Bolungarvík, verður
jarðsunginn frá Hólskirkju í Bol-
ungarvík.
14.00 Páll Sigurjónsson frá Nauta-
búi í Hjaltadal, verður jarðsunginn
frá Hóladómkirkju.
14.00 Ósk Þórhallsdóttir, Garða-
braut 65, Garði, verður jarðsungin
frá Útskálakirkju.
14.00 Ragnar Eyjólfsson, Tómars-
arhaga 44, Reykjavík, verður jarð-
sunginn frá Eyvindarhólakirkju,
Vikan var nú hálf leiðinleg aðýmsu leyti,“ segir Gísli Ein-
arsson ritstjóri Skessuhorns í
Borgarnesi og frétta- og dag-
skrárgerðarmaður hjá RÚV og
vísar þar fyrst og fremst til þess
að hann lagðist veikur um vikuna
miðja. Hann náði því ekki að fer-
ðast út og suður eins og oft áður.
„Á mánudaginn sinnti ég ýmsum
sértækum verkefnum. Bæði
skipulagði ég skemmtiferð um
Borgarfjörðinn fyrir fulltrúa nor-
rænu sjónvarpsstöðvanna sem
hingað koma í júní og útbjó ferða-
bækling fyrir hjúkrunarfræðinga
frá Akranesi sem ætla til Dan-
merkur í haust. Í ofanálag vann
ég vikulegt innslag í Dægurmála-
útvarpið á Rás 2. Þriðjudagurinn
fór svo í ritstjórn og skrif í hið
gagnmerka héraðsfréttablað
Skessuhorn sem var troðfullt að
vanda af fréttum og vísdómi af
Vesturlandi. Eins og vanalega var
ég að fram undir miðnætti.“ Á
miðvikudaginn hallaði svo á
ógæfuhliðina þegar Gísli kenndi
sér krankleika og lagðist í rúmið.
„Ég notaði þó tímann og las þá
ágætu bók Da Vinci lykilinn eftir
Dan Brown og hafði gaman af. Ég
reis úr rekkju á fimmtudaginn og
skellti mér á völlinn á Akranesi
en frammistaða minna manna,
Skagamanna, var með þeim hætti
að mér brast heilsan á ný og ég
kom ekki meiru í verk þann dag-
inn.“ Föstudeginum varði Gísli
svo við klippingu á þættinum sín-
um Út og suður. ■
VIKAN SEM VAR
GÍSLI EINARSSON
■ Las, vann og veiktist í vikunni.
GÍSLI EINARSSON RITSTJÓRI
„Frammistaða minna manna, Skaga-
manna, var með þeim hætti að mér brast
heilsan á ný.“
Las Da Vinci lykilinn
lasinn í bólinu