Fréttablaðið - 22.05.2004, Blaðsíða 27

26 22. maí 2004 LAUGARDAGUR
Það var mikið um að vera í íslensku þjóðlífi í síðustu viku. Ljósmyndarar Fréttablaðsins festu viðburðina á filmu nú sem endranær og þá
ekki síður þau andartök sem rata ekki alltaf í fréttirnar en eru ekki síður upplýsandi og skemmtileg.
Mótmæli og menn
BEÐIÐ EFTIR METALLICA
Allir miðar, 15 þúsund talsins, á tónleika rokkhljómsveitarinnar Metallica seldust upp eins og
heitar lummur þegar formleg miðasala hófst á laugardaginn. Gríðarlega löng röð myndaðist
þegar beðið var eftir opnun og seldust um þrjú þúsund miðar á fyrstu 17 mínútunum.
MILLI TVEGGJA ELDA
Kirkjukór St. Basil dómkirkjunnar í Moskvu söng á Listahátíð í Reykjavík. Spennan í íslenskri pólitík raskaði ekki ró
eins Rússans þótt hann væri milli tveggja elda.
STUND MILLI STRÍÐA
Þorgerður Katrín Gunnarsdóttir menntamálaráðherra, Hjálmar Árnason
og Ögmundur Jónasson slógu á létta strengi í þinginu á milli þess
sem þau rifust um fjölmiðlafrumvarpið.
RAUÐA SPJALDIÐ
Ríkisstjórninni og Alþingi í heild sinni var sýnt rauða spjaldið á miðvikudaginn var þegar mótmælendur fjölmenntu á Austurvöll.
Stefán Jón Hafstein var meðal mótmælenda en veifaði ekki rauða spjaldinu.
SAMAN Í LIÐI?
Halldór Ásgrímsson utanríkisráðherra og Jónína Bjartmarz, varaformað-
ur alsherjarnefndar, ræddu málin í þingflokksherbergi Framsóknar.