Fréttablaðið - 22.05.2004, Blaðsíða 49
36 22. maí 2004 LAUGARDAGUR
Hér í New York er hipphopp svo
mikilvægur þáttur í lífi fólks,“
segir hin 23 ára Ragna Kjartans-
dóttir, betur þekkt sem Cell 7,
rapparinn smái og knái. Ragna
hefur búið í Bandaríkjunum
undanfarin ár þar sem hún hefur
lært hljóðupptökur og elt
hipphoppið á röndum. „Ég hef
þrætt hverja einustu tónleika
sem borgin hefur boðið upp á
síðan ég kom. Það er svo mikinn
innblástur að sækja og ég hef
lært svo ótrúlega margt.“
Og nú styttist í að að íslenskir
rappunendur fái að njóta þess
því í sumar er Ragna á leið heim
til að leggja loka hönd á fyrstu
sólóplötu sína og halda tónleika.
Hún er heltekin af hipphoppi og
hitti loks sína líka þegar hún lét
verða af því að flytja til Banda-
ríkjanna. „Ég hef aldrei upplifað
eins heillandi menningu og hip-
phoppið. Hér kynntist ég þrítugu
fólki sem hefur lifað með
hipphoppinu alla ævi. Þá er
skrýtið að koma heim þar sem
meðalaldur fólks sem á tónlist-
ina hlustar er sautján ára.“
Ragna byrjaði sjálf að rappa að-
eins fimmtán ára gömul og öðl-
aðist síðar miklar vinsældir með
hljómsveitinni Subterranean.
Sveitin sendi frá sér plötuna
Central Magnetizm áður en hún
hætti og gekk til liðs við fleiri
rappara. Þá varð til The Faculty
og önnur breiðskífa, The Select-
ed Works of the Faculty, var mat-
reidd. Auk þess lagði Ragna Aríu
lið við gerð plötu hennar, Haze.
Enginn tískuþræll
„Fyrir mér var hipphopp eitt-
hvað nýtt og öflugt sem ég vildi
taka þátt í. Í upphafi gerði ég
mér ekki grein fyrir að ég gæti
rappað. Þegar ég komst að því
fór ég að taka tónlistina mjög al-
varlega og sökkti mér í hana.
Smám saman varð ég áhugasam-
ari um hljóðupptöku og útsetn-
ingu. Eftir Menntaskólann í
Hamrahlíð fór ég að leita mér að
spennandi háskólanámi og rakst
á draumaskólann í New York.“
Five Towns College á Long Is-
land er háskóli sem býður upp á
fjölbreyttar námsleiðir. „Hljóð-
upptökudeildin var nýinnréttuð
með græjum fyrir tvær milljón-
ir dollara þegar ég hóf nám og að
mér fannst, flottasti skólinn á
þessu sviði. Aðbúnaðurinn var
ekki frábrugðinn starfandi
hljóðverum sem notuð eru af at-
vinnumönnum á Manhattan.“
Í náminu var hún eina stelpan
líkt og svo oft áður. „Ég er yfir-
leitt alltaf eini kvenmaðurinn í
því sem ég er að fást við.“
Ragna er upptekin af því að
vera samkvæm sjálfri sér og
bugast ekki undan tískustraum-
um og stöðluðum formum. „Það
er mikilvægt að láta ekki staðl-
aðar kvenímyndir hafa áhrif sig.
Mér finnst oft mikil pressa á
íslenskar stelpur að fylgja
tískunni og ekki alltaf jafn
auðvelt að skera sig úr með því
að vera maður sjálfur.” Hún seg-
ir þetta reyndar eiga við alls-
staðar. „Slæmu hliðar hipphopp-
bransans eru augljósar. Mark-
aðsvæðingin er að kaffæra al-
vöru tónlist og tónlistarfólki.
Efnishyggjan er orðin alltof
mikil og það skiptir máli að láta
ekki markaðsöflin ná tökunum.“
Vann launalaust í hálft ár
Að háskólanum loknum komst
Ragna í vinnu hjá Chung King
Studios, sem er eitt af stærstu
stúdíóum New York borgar. Þar
hafa meðal annars Aretha
Franklin, Bob Marley, Lauren
Hill og Eminem tekið upp tónlist
sína en listinn yfir stórstjörnur
sem þar hafa unnið er ótæmandi.
Á meðan Ragna vann í stúdíóinu
komu Foxy Brown, Timberland
og Talib Kweli í upptökur.
„Mér fannst mjög súrrealískt
að vinna í kringum allt fræga
fólkið. Þetta er ekki endilega al-
mennilegasta fólk sem ég hef
kynnst. Foxy Brown öskraði á
allt sem hreyfðist. Þegar hún var
hjá Chung King úthúðaði hún
Lil’Kim í útvarpsviðtali og í kjöl-
farið heimtaði hún að allt öryggi
í stúdíóinu yrði hert og öllum
tímalásum breytt.“
Á vinnustaðnum var fíkni-
efnaneysla algeng en Ragna lét
það ekki slá sig út af laginu. „Ég
þarf ekkert á þessu að halda og á
nóg með sjálfa mig þó ég bæti
ekki fíkniefnum í spilið.“ Ýmis-
legt varð til þess að mælirinn
fylltist hjá Rögnu. „Venjan er að
ungt fólk vinni frítt í slíkum
stúdíóum í skamman tíma áður
en það fær ráðningu. Þannig var
það þó ekki í Chung King. Ég var
aðeins álitin starfskraftur sem
hægt væri að skipta út á auga-
bragði. Í hálft ár vann ég sjötíu
tíma á viku, launalaust og stund-
um voru vaktirnar 24 tíma lang-
ar. Á endanum gat ég ekki meira
og þurfti að fara að vinna fyrir
leigunni. Það er svo dýrt að búa
hérna í New York. Nú vinn ég
hjá litlu djass- og blúsútgáfufyr-
irtæki,“ segir hún og virðist
ánægð með að hafa tekið þá
ákvörðun. „Samkeppnin í borg-
inni er eiturhörð og verst bitnar
hún á fólki sem er að gera já-
kvæða og áhrifamikla tónlist.
Skotbardagi í bakgarðinum!
„Brooklyn er yndislegur staður
og skemmtilegt samfélag að
mörgu leyti. Fólk er vingjarnlegt
og fjölskyldurnar mjög samheldn-
ar. Hins vegar eru glæpir mjög al-
gengir og fyrir fáeinum dögum
var skotbardagi hérna í bakgarð-
inum hjá mér. Þetta er allt partur
af því að búa í stórborg og ég er
ekki hrædd við það.“
Ragna hefur komið sér upp
stúdíói heima hjá sér þar sem hún
ver miklum tíma og hefur soðið
saman efnið á væntanlega plötu
sína. Hún segist helst vilja gera
allt sjálf og fara sínar eigin leiðir.
„Ég er að undirbúa tónleikana
mína í haust. Vonandi er fólk opið
og tilbúið til að sjá eitthvað nýtt.
Stíllinn hefur breyst mikið hjá
mér frá því ég kom síðast fram á
Íslandi og ég hlakka til að koma
fólki á óvart. Orðaforðinn hefur
aukist hjá mér og ég hef sótt mik-
inn innblástur. Tónlistin sem ég
hef verið að semja er bæði hörð
og mjúk en fyrst og fremst
ástríðufull.“
Finnur fyrir upprunanum
Ragna er fædd og uppalin á
Íslandi en hörundslitinn fékk
hún frá Filippseyjum. „Pabbi
minn er íslenskur en mamma er
frá Filippseyjum. Hún hefur átt
mikinn þátt í að hjálpa filippísku
fólki til Íslands. Hún er forseti í
Filippínska-íslenska félaginu og
svo reka foreldrar mínir versl-
unina Filippseyjar á horni Bar-
onstígs og Hverfisgötu. Ég upp-
lifi mig sem Íslending þó ég
finni sterkt fyrir rótum mínum.
Hér í Brooklyn hafa sumir
ávarpað mig á filippísku að
fyrra bragði og séð strax hvaðan
ég er ættuð.“
Ragna er sannfærð um að hún
eigi heima í New York. „Mér
finnst ég tilheyra þessari borg.
Nú er ég að reyna að fá lista-
mannadvalarleyfi í Bandaríkjun-
um því dvalarleyfið mitt er að
renna út.“
Þóra Tómasdóttir
Rapparinn Ragna Kjartansdóttir hefur búið og starfað í New York undanfarin ár en er nú á leið til Íslands með sólóplötu í farteskinu.
Tilheyri þessari borg
Það er mikilvægt að
taka ekki þátt í
keppninni um staðlaðar
kvenímyndir og gerast ekki
tískuþræll. Mér finnst ríkj-
andi viðhorf á Íslandi að
stelpur þurfi alltaf að fylgja
nýjustu tísku og megi ekki
skera sig úr með því að
vera þær sjálfar.
,,
RAGNA Í HNOTSKURN
Fædd: 10. júní 1980. Ólst upp í
vesturbæ Reykjavíkur.
Nám: Útskrifaðist úr Mennta-
skólanum við Hamrahlíð, lærði
hljóðupptökur og útsetningar í
Five Towns College, New York.
Tónlistarferill: Var meðlimur í
rapphljómsveitunum Subterra-
nean og The Faculty.
Rappaði inn á plöturnar Central
Magnetizm, The selected works
of the Faculty og Haze. Stefnir
á að gefa út sína fyrstu sóló-
plötu í lok árs.
Hvað er í geislaspilaranum
þessa dagana? Soul Survivor 2
með Pete Rock.
Ragna lætur skotbardaga í bakgarði sínum ekki á sig fá og unir sér hvergi betur en heima í stúdíóinu. Þar hefur hún soðið saman efni sem væntanlegt er á sólóplötu í lok árs.