Fréttablaðið - 23.05.2004, Blaðsíða 2
2 23. maí 2004 SUNNUDAGUR
Nei, maður verður að segja það
sem maður verður að segja.
Mörður Árnason talaði í alls átta klukkustundir af
þeim 84 sem fóru í fjölmiðlafrumvarpið á Alþingi.
Hann talaði lengst allra þingmanna.
SPURNING DAGSINS
Mörður, ertu ekkert þreyttur í mál-
beininu?
Vill eftirlit ÖSE með
forsetakosningum
Ástþór Magnússon hyggst kæra forsetakosningarnar telji hann framboð
sitt skaðast af skertum aðgangi að fjölmiðlum. Hann segir lýðræðið fót-
um troðið og líkir aðdragandanum við forsetakosningar í Rússlandi.
FORSETAKOSNINGAR Ástþór Magnús-
son, einn tveggja frambjóðenda
gegn sitjandi forseta Íslands, ætlar
að kæra úrslit kosninganna fái hann
ekki sömu kynningu og umfjöllun í
fjölmiðlum og Ólafur Ragnar
Grímsson. Dómsmálaráðuneytið
hefur hafnað kröfu Ástþórs um að
alþjóðlegir eftirlitsmenn frá Örygg-
is- og samvinnustofnun Evrópu,
ÖSE, fái að fylgjast með aðdrag-
anda kosninganna.
Í bréfi sem Ástþór sendi dóms-
málaráðuneytinu segir að eftir-
litsmenn ÖSE hafi gagnrýnt for-
setakosningar í Rússlandi fyrr á
þessu ári þar sem sitjandi forseti
hefði fengið óhóflega mikla um-
fjöllun fyrir kosningarnar en aðr-
ir frambjóðendur hafi haft lítinn
kost á því að kynna sig og stefnu-
mál sín. „Því miður hefur slík mis-
munun endurtekið sig á Íslandi að
undanförnu í aðdraganda kosn-
inganna og þrátt fyrir ítrekaðar
kvartanir hafa fjölmiðlar ekki séð
af sér,“ segir í bréfinu.
Ástþór sagði að efnt væri til
ólöglegra kosninga, á blaða-
mannafundi þar sem hann greindi
fjölmiðlum frá niðurstöðu fundar-
ins hjá dómsmálaráðuneytinu. „Ef
við lendum í því að við getum ekki
komið boðskap okkar á framfæri
með eðlilegum hætti og það verði
til þess að við töpum kosningun-
um þá munum við höfða mál til
ógildingar kosningunum,“ segir
Ástþór.
Aðspurður af hverju hann teldi
hugmyndinni hafnað sagði Ást-
þór: „Ég get ekki svarað út af
hverju það er. Þessi stofnun [ÖSE]
segir að hún hafi ekki leyfi til að
fara inn í eitthvert ríki og fylgjast
með kosningum nema með leyfi
viðkomandi ríkisstjórnar. Sam-
kvæmt þessu er íslenska ríkis-
stjórnin að banna þeim að koma,“
segir Ástþór og bætir við: „Þeir í
dómsmálaráðuneytinu eru að fót-
umtroða mannréttindasáttmála
Sameinuðu þjóðanna sem þeir
hafa hangandi uppi á vegg í af-
greiðslunni hjá sér. Íslendingar
gagnrýna aðrar þjóðir og senda
eftirlitsmenn. Það er verið að
kasta steinum úr glerhúsi.“
Þorsteinn Geirsson, ráðuneyt-
isstjóri dóms- og kirkjumálaráðu-
neytis, segir dómsmálaráðuneytið
verða að fara eftir lögum. „Það er
ekki gert ráð fyrir því í íslenskum
kosningalögum að erlendir aðilar
hafi neitt hlutverk hér við kosn-
ingar,“ segir Þorsteinn.
gag@frettabladid.is
Lítill stuðningur við ríkisstjórnina:
Spyrjum
að leikslokum
KÖNNUN „Þetta kemur mér ekk-
ert á óvart. Baugstíðindin hafa
hamast gegn ríkisstjórninni síð-
ustu vikur og mánuði og það
getur verið um tímabundna
sveiflu að ræða vegna þess,“
segir Hannes Hólmsteinn Giss-
urarson prófessor um niður-
stöðu könnunar Fréttablaðsins
þar sem kemur fram að aðeins
30,9% þeirra sem taka afstöðu
styðja ríkisstjórnina. „Við skul-
um spyrja að leikslokum. Ég
held að skoðanakannanir séu
ekki aðalatriði heldur kosning-
ar. Það eru mjög sérstakar að-
stæður í þjóðfélaginu núna þar
sem allir þrír Baugsmiðlarnir
hamast á Davíð Oddssyni og
halda því svo fram að þetta sé
uppsöfnuð óánægja. En ég held
að skammtímaáhrif fjölmiðla
séu miklu meiri en langtíma-
áhrif þeirra svo ég hef engar
áhyggjur. Við spyrjum að
leikslokum.“ ■
BANKARÁN Í GRAFARVOGI
Tveir menn í haldi. Lögreglan rannsakar
málið og leitar fleiri manna sem hugsan-
lega eru viðriðnir málið.
Fleiri manna leitað vegna
bankaránsins í Grafarvogi:
Tveir menn
í varðhaldi
BANKARÁN Tveir karlmenn hafa ver-
ið úrskurðaðir í gæsluvarðhald til 26.
maí vegna bankaráns í útibúi Lands-
bankans í Grafarvogi á föstudag. Þá
réðst maður vopnaður öxi að gjald-
kera bankans og hafði allt að hálfri
milljón króna með sér á brott.
Annar þeirra, fæddur 1976, var
handtekinn á hlaupum í Foldahverfi í
Grafarvogi nokkrum mínútum eftir
ránið. Hinn, fæddur 1980, var hand-
tekinn þegar lögreglan tók bíl tengd-
an ráninu í fyrrakvöld. Yfirheyrslur
og tæknirannsóknir standa yfir.
Mennirnir hafa áður komið við
sögu lögreglu vegna auðgunarbrota
og annarra brota. „Frekar höfum við
ekki um málið að segja en við útilok-
um ekki að fleiri séu viðriðnir mál-
ið,“ segir Karl Steinar Valsson, að-
stoðaryfirlögregluþjónn í Reykja-
vík. ■
Líkamsárás í Bankastrætinu
Karlmaður flutt-
ur á slysadeild
ÁRÁS Líkamsárás átti sér stað fyrir
utan skemmtistaðinn Nelly’s í
Bankastræti á fimmta tímanum að-
faranótt laugardagsins. Karlmaður á
þrítugsaldri var sleginn aftan frá
með þeim afleiðingum að hann rotað-
ist. Hann var fluttur með sjúkrabíl á
slysadeild en reyndist ekki alvarlega
slasaður. Einn maður var handtekinn
vegna málsins og var hann látinn
dúsa í fangageymslum lögreglunnar.
Málið er í rannsókn. ■
MANMOHAN SINGH
Singh undirritaði embættiseið sem forsæt-
isráðherra Indlands í gær.
Nýr forsætisráðherra
Indlands:
Singh sór
embættiseið
INDLAND Manmohan Singh tók form-
lega við embætti forsætisráðherra
Indlands í gær. Í fyrsta skipti í sögu
landsins er forsætisráðherra lands-
ins ekki hindúi, en Singh, sem er
hagfræðingur fá Oxfordháskóla er
síkhi.
Singh hefur beitt sér fyrir því að
hagkerfi Indlands verði opnað eftir
haftastefnu síðustu áratuga og hef-
ur hug á að gera Indland að fyrir-
myndarríki sem gefur fátækum
tækifæri. Singh er talinn hafa þekk-
ingu á efnahagsmálum en óttast er
að skortur á pólitískri reynslu muni
reynast honum erfiður. ■
■ ÍRAK
FÖNGUM SLEPPT Bandaríski her-
inn sleppti hópi fanga frá Abu
Ghraib fangelsinu í
útjaðri Bagdad í
gær. Fyrr í þessari
viku var því lýst
yfir að sleppa ætti
472 föngum, en ekki
er vitað hversu
mörgum var raun-
verulega sleppt.
HART BARIST Í KARBALA Hart var
barist í helgu borginni Karbala í
Írak í gær en bandarískar hersveit-
ir höfðu tekið sér stöðu nærri
tveimur helgistöðum í miðju borg-
arinnar. Að sögn bandaríska hers-
ins létu átján uppreisnarmenn lífið
í átökunum.
Lítill stuðningur við ríkisstjórnina:
Fjölmiðlafrumvarpið afgerandi þáttur
KÖNNUN „Liggur það ekki nokkuð
í augum uppi? Það virðist vera
erfitt að lesa þetta öðruvísi en
að fjölmiðlafrumvarpið hafi
skaðað bæði ríkisstjórnina og
stjórnarflokkana,“ segir Gunnar
Helgi Kristinsson stjórnmála-
fræðingur um könnun Frétta-
blaðsins þar sem kemur fram að
tæplega 70% styðja ekki ríkis-
stjórnina. „Ég þykist vita að
fjölmiðlafrumvarpið skýri
þessa sveiflu. Áður en það kom
til þá held ég að ríkisstjórnin
hafi verið í allt í lagi málum.
Eftir 13 ár verður fólk ekki allt í
einu þreytt á ríkisstjórninni
þannig að eðlilegast er að álykta
að fjölmiðlafrumvarpið sé af-
gerandi þáttur hvernig svo sem
þreyta með ríkisstjórnina og
aðrir þættir spila saman. Þetta
er sá atburður sem hleypir
sveiflunni af stað.
Ef ég man rétt var frekar
dræm þátttaka í könnuninni sem
er hugsanlega hægt að skýra
þannig að sjálfstæðismenn og
hugsanlega framsóknarmenn
sem eru óánægðir með frum-
varpið svari ekki. Þeir eru þó
ekki endilega langt frá sínum
flokkum þó þeir séu ekki ánægð-
ir þessa stundina.“ ■
Aðalfundur RKÍ:
Fordæmir
ítrekuð brot
ÁLYKTUN Aðalfundur Rauða kross Ís-
lands fordæmir ítrekuð brot á
Genfarsamningnum að undanförnu.
Í yfirlýsingu fundarins sem lauk í
gær eru fordæmdar hryðjuverka-
árásir á óbreytta borgara, pyntingar
á föngum og óhófleg beiting vopna-
valds sem hafi í för með sér ólýsan-
legar þjáningar fyrir saklaust fólk.
Rauði krossinn hvetur íslensk
stjórnvöld til að beita sér fyrir því á
alþjóðavettvangi að mannúðarlög
verði virt í hvívetna. Fundurinn
bendir á að aðildarríki Genfarsamn-
inganna hafa bæði skuldbundið sig
til að fara eftir samningunum og að
tryggja að þeir séu virtir. ■
HANNES HÓLMSTEINN
GISSURARSON
Segir skoðanakannanir ekki aðalatriði
heldur kosningar.
GUNNAR HELGI KRISTINSSON
Telur að óánægðir sjálfstæðismenn og framsóknarmenn hafi setið hjá í könnuninni.
ÁSTÞÓR MAGNÚSSON
Ástþór segir að ef deilt verði um hvort kosningar hér á landi séu löglegar stórskaði það
ímynd Íslands út á við. Hann segir umfjöllun fjölmiðla misskipt og að Norðurljós standi
við bakið á forseta Íslands, Ólafi Ragnari Grímssyni.
FR
ÉT
TA
B
LA
Ð
IÐ
/P
JE
TU
R