Fréttablaðið - 23.05.2004, Blaðsíða 6
6 23. maí 2004 SUNNUDAGUR
Járniðnaðarmenn semja:
Hálfgerð
uppgjöf
SAMNINGAR Félagsmenn í Félagi
járniðnaðarmanna sem starfa
samkvæmt kjarasamningi við
Samtök atvinnulífsins hafa sam-
þykkt nýgerðan kjarasamning. Á
kjörskrá voru 1.237 en 319
greiddu atkvæði eða um 26%.
Samningurinn var samþykktur
með 219 atkvæðum gegn 95.
„Það sem helst náðist fram var
að lágmarkstaxtar voru færðir
nær greiddum launum sem þýðir
að það verður ekki eins hag-
kvæmt að keyra framkvæmdir
hér á erlendu vinnuafli. Þar hefur
hingað til eingöngu verið boðið
upp á lágmarkslaun,“ segir Örn
Friðriksson, formaður Félags
járniðnaðarmanna.
„Það er varla hægt að segja að
annað skipti máli. Restin er bara
aumingjaskapur,“ segir Örn og
telur lélega kjörsókn félags-
manna stafa af því að fólk sé ein-
faldlega búið að gefast upp.
Samningurinn gildir frá og með
26. apríl. ■
VEISTU SVARIÐ?
1Hverjir sitja í Þingvallanefnd?
2Nýlega stofnuðu nokkrir hommar íReykjavík nýtt leikfélag. Hvað heitir
það?
3Hver er gjarnan nefnd hin íslenskaAlly McBeal?
Svörin eru á bls. 30
Deilur harðna um dagabátafrumvarp sjávarútvegsráðherra:
Endanlega lokað fyrir alla nýliðun
SJÁVARÚTVEGUR „Sóknardagakerfið
hefur hin síðustu ár verið eini
möguleiki nýliða innan greinarinn-
ar og með frumvarpi sjávarút-
vegsráðherra er verið að loka
þeim dyrum,“ segir Arhur Boga-
son, formaður Landssambands
smábátaeigenda, vegna breytinga-
frumvarps Árna M. Mathiesen
sjávarútvegsráðherra á ákvæðum
gildandi laga um veiðar dagabáta.
Hafa margir áhyggur af því að
ungir menn sem vilja reyna fyrir
sér við veiðar muni ekki geta slíkt
ef meirihluti smábátamanna fer
yfir í kvótakerfið eins og frum-
varp ráðherra gefur kost á. Bæði
séu smábátar mun dýrari en áður
en þar fyrir utan þarf viðkomandi
einstaklingur einnig að fjármagna
kvótakaup ætli hann sér á sjó.
Deilur hafa harðnað til muna
meðal hagsmunaaðila eftir að
frumvarpið var kynnt og virðist
ekki vera sátt um málið eins og
ráðherra hélt fram á blaðamanna-
fundi. Bendir stjórn Landssam-
bands smábátaeigenda á að mál-
flutningur ráðherra um að frum-
varpið veiti smábátaeigendum
raunverulega valkosti sé alls ekki
réttur. Arthur segir að í raun sé
um þvingunaraðgerðir að ræða og
gengið sé þvert á allar yfirlýsing-
ar um að vilja ná fram sátt við
smábátasjómenn. Landssamband
íslenskra útvegsmanna hefur að
sama skapi gagnrýnt frumvarpið
og telja þeir að sér vegið enda
beri þeir skarðan hlut frá borði
miðað við smábátasjómennina. ■
Eftirlit með fjölmiðlum
þarf að virka sem skyldi
Til þess að tryggja megi fjölbreytni í fjölmiðlum þurfa eftirlitsstofnanir
að virka sem skyldi, segir Páll Þórhallsson, sérfræðingur í fjölmiðlarétti
hjá Evrópuráðinu. Útvarpsráð ætti ekki að vera pólitískt skipað.
FJÖLMIÐLALÖG „Það er algjört
grundvallaratriði að eftirlits-
stofnun með fjölmiðlum virki sem
skyldi, með hófsömum og sjálf-
stæðum hætti. Það þarf að byrja á
því að kippa því í liðinn áður en
farið er út í aðra sálma. Að
minnsta kosti þyrfti að hafa það
til hliðsjónar ef efla á stjórnsýsl-
una á þessu sviði.“
Þetta sagði Páll Þórhallsson,
sérfræðingur í fjölmiðlarétti hjá
Evrópuráðinu, á
fundi sem hald-
inn var á vegum
R e y k j a v í k u r -
akademíunnar í
gær.
Páll benti á
það á fundinum
að mikið væri
rætt í Evrópu
um sameiningu
stofnana sem
lúta að fjarskipt-
um og fjölmiðl-
um.
„Hér á landi
er um að ræða
þrjár stofnanir, Póst- og fjarskipta-
stofnunina, útvarpsréttarnefnd og
útvarpsráð. Spyrja má hvort þörf
sé á þessum þremur stofnunum
hér á landi eða hvort nær væri að
sameina krafta þeirra í eina stofn-
un eins og nýbúið er að gera í Bret-
landi,“ segir Páll og benti á að
þetta hafi einnig verið gert á Ítalíu
og fleiri löndum.
Páll sagði jafnframt að Evr-
ópuráðið hefði gefið út tilmæli um
almenningsútvarp. Þar væri lögð
áhersla á að yfirstjórn væri sjálf-
stæð, en ekki pólitískt skipuð eins
og tíðkast hér á landi.
Hann ræddi jafnframt um til-
mæli Evrópuráðsins um löggjöf
gegn samþjöppun á fjölmiðlum
sem mikið hefur verið vísað til
vegna frumvarps um laga um
eignarhald á fjölmiðlum sem af-
greitt verður frá Alþingi á næstu
dögum.
„Tilmælin eru langt frá því af-
dráttarlaus enda erfitt að ná sam-
stöðu í Evrópu um hvernig ná
megi markmiðunum um fjöl-
breytni í fjölmiðlum. Það er þó al-
mennt viðurkennt að almenn sam-
keppnislög dugi ekki ein og sér
heldur verði að grípa til annarra
úrræða,“ sagði Páll. Sem dæmi
um úrræði segir hann að skil-
greina mætti með ákveðnum
þröskuldi hve mikil markaðseign
fjölmiðla megi vera. Hann bendir
jafnframt á að í tilmælunum sé
sérstaklega bent á gildi þess að
setja reglur sem stuðli að rit-
stjórnarlegu sjálfstæði.
Páll sagði að vel hefði mátt
koma í veg fyrir þá samþjöppun í
eignaraðild á fjölmiðlum sem átt
hefur sér stað á Íslandi að undan-
förnu ef ákvæði hefði verið í út-
varpslögum sem segði að ef eig-
endaskipti væru á meirihlutaeign
í ljósvakamiðli myndi útvarps-
leyfi falla niður.
sda@frettabladid.is
MEÐ HÖND Á WINKY
Starfsmaður dýragarðsins styður hendi á
höfuð hinnar 51 árs gömlu Winky.
Leiðir fílar:
Dýragarður
gefur fíla
BANDARÍKIN, AP Wanda þjáist af gigt
og fætur Winky eru farnir að gefa
sig og því hafa stjórnendur dýra-
garðsins í Detroit ákveðið að gefa
þær á verndarsvæði fyrir villt dýr.
Wanda og Winky eru fílar sem
hafa verið í dýragarðinum síðustu
árin. Þær hafa hins vegar þolað
aðstæður í honum illa sem og
kuldann í Detroit. Þar er þröngt
um þær þrátt fyrir að svæðið
þeirra sé sextán sinnum stærra en
Dýragarða- og sædýrasafnasam-
tök Bandaríkjanna kveða á um.
Hafa þær sýnt merki leiða og
streitu af þeim sökum. ■
HANDTEKINN Á NÝ Spænskur
dómari hefur fyrirskipað hand-
töku Marokkóbúa sem hafði verið
sleppt úr fangelsi eftir yfir-
heyrslur vegna hryðjuverka-
árásanna í Madríd. Nú þykir
sannað að maðurinn hafi logið og
því fyrirskipaði dómarinn hand-
töku hans.
MIKILL VIÐBÚNAÐUR Um 15.000
franskir hermenn verða á verði
þegar þess verður minnst 6. júní
að 60 eru þá liðin frá D-degi, inn-
rás bandamanna í Evrópu til að
frelsa hana undan oki nasista í
síðari heimsstyrjöld. Sautján
þjóðhöfðingjar taka þátt í hátíða-
höldunum og 8.000 hermenn sem
börðust í Normandí.
LÖGMANNI SLEPPT Bandaríska
lögmanninum Brandon Mayfield,
sem var handtekinn vegna gruns
um aðild að hryðjuverkaárásun-
um í Madríd, hefur verið sleppt
úr haldi. Hann var handtekinn
eftir að fingraför sem fundust á
vettvangi voru rakin til hans. Nú
hefur grunur beinst að öðrum
manni.
VARAÐ VIÐ SJÁLFSMORÐSÁRÁS-
UM Bandaríska alríkislögreglan,
FBI, hefur hvatt löggæslustofn-
anir í Bandaríkjunum til að vera
á varðbergi gagnvart sjálfs-
morðsárásum hryðjuverka-
manna. FBI segir enga ákveðna
ógn um slíkt en að hættan hafi
vaxið vegna mynda af fangamis-
þyrmingum í Írak.
■ BANDARÍKIN
■ EVRÓPA
-ráð dagsins
Geymið hreinsiefni þar sem börn ná ekki til.
FUNDUR LANDSSAMBANDS SMÁ-
BÁTAEIGENDA
Afar skiptar skoðanir eru um dagabáta-
frumvarp ráðherra.
Sundagarðar kaupa
Íslandsfugl á Dalvík:
Vilja sameina
við Matfugl
VIÐSKIPTI Sundagarðar hafa keypt
allt hlutafé í Marvali sem rekur
kjúklingabúið Íslandsfugl á Dal-
vík. Sundagarðar eiga fyrir
kjúklingafyrirtækið Matfugl.
Marval tók yfir rekstur Íslands-
fugls þegar fyrirtækið varð gjald-
þrota í fyrra.
Í tilkynningu frá Sundagörðum
segir að rekstur í kjúklingaiðnaði
hafi verið erfiður undanfarin ár
og hafi rekstur Marvals verið afar
þungur enda sé um litla og óhag-
kvæma rekstrareiningu að ræða.
Stefnt sé að því að hagræða í
rekstri með sameiningu. ■
PÁLL ÞÓRHALLSSON:
„Tilmæli Evrópuráðsins um samþjöppun á eignarhaldi á fjölmiðlum eru langt frá því af-
dráttarlaus enda erfitt að ná samstöðu í Evrópu um hvernig ná megi markmiðunum um
fjölbreytni í fjölmiðlum.“
„Spyrja má
hvort þörf sé
á þessum
þremur stofn-
unum hér á
landi eða
hvort nær
væri að sam-
eina krafta
þeirra í eina
stofnun.