Fréttablaðið - 23.05.2004, Blaðsíða 39

SUNNUDAGUR 23. maí 2004
■ KNATTSPYRNA
Opinn fræðsluráðsfundur
í Iðnó 24. maí 2004 kl. 14:30-17:30

STAÐA STRÁKA
Í SKÓLA
Eiga strákar
erfiðara
uppdráttar
í námi
en stelpur?
Hentar
skólinn ekki
þörfum stráka?

Ef svo er,
hvers vegna?

Fyrirlesarar á fundinum eru:
Inga Dóra Sigfúsdóttir frá Rannsóknum og greiningu
Berglind Rós Magnúsdóttir, starfandi jafnréttisfulltrúi Háskóla Íslands
Hafsteinn Karlsson, skólastjóri Salaskóla
Júlíus K. Björnsson forstöðumaður Námsmatsstofnunar
Fundurinn er fyrir foreldra, stjórnmálamenn,
skólafólk, fræðimenn og aðra
sem láta sig þjóðfélagsmál varða

All ll ii rr vee ll koo mnii rr
Fræðsluráð
Reykjavíkur
Úrslitin í vesturdeild NBA:
Lakers vann á útivelli
KÖRFUBOLTI Úrslitin í vesturdeild
NBA hófust í Minneapolis í fyrri-
nótt. Þar öttu kappi Minnesota
Timberwolves og Los Angeles
Lakers. Flestir hallast að sigri
Lakers í einvíginu en hins vegar
ætti ekki að vanmeta Timberwolves
sem var með besta vinningshlutfall
allra liða í vesturdeildinni í vetur.
Timberwolves hafði yfirhöndina
framan af og leiddi mest með 6 stig-
um. Lakers var þó aldrei skammt
undan og gaf hvergi eftir. Besti leik-
maður deildarinnar í vetur, Kevin
Garnett, sótti ekki gull í greipar
gömlu kempunnar, Karl Malone,
sem hélt Garnett niðri með frá-
bærri vörn auk þess sem hann skor-
aði 17 stig.Timberwolves átti engan
leikmann sem gat stöðvað Shaquille
O’Neal. Hann skoraði 27 stig í leikn-
um og tók 18 fráköst. Kobe Bryant
var einnig traustur, skoraði 23 stig
og gaf 6 stoðsendingar.
Í þriðja fjórðung skoraði Lakers
11 stig í röð og hélt þeirri forystu
alveg til leiksloka. Leikurinn var þó
í járnum þegar rúmar fjórar mínút-
ur voru eftir af fjórða leikhluta. Þá
minnkaði Latrell Sprewell muninn í
tvö stig og Lakers tók leikhlé. Með
Derek Fischer í broddi fylkingar
náði Lakers að innbyrða sigurinn og
er ljóst að Timberwolves verður að
vinna næsta leik, ætli liðið sér að
standa í Lakers liðinu.
„Í úrslitakeppninni verða stjörn-
ur alltaf stjörnur,“ sagði Derek
Fischer og átti þar við Kobe Bryant
og Shaquille O’Neal. „Það er mikil-
vægt að við hinir skilum okkar hlut-
verki“ bætti hann við. Annar leikur
liðanna fer fram í Minnesota í nótt
og er í beinni útsendingu á Sýn. ■
Celtic eru kóngarnir í Skotlandi og
það sönnuðu þeir með því að
tryggja sér tvennuna í gær þegar
þeir lögðu Dunfermline í úrslitum
skoska bikarsins, 3-1. Dunfermline
komst óvænt yfir á 40. mínútu með
marki frá Andrius Skerla og þannig
stóðu leikar í hálfleik. Henrik Lars-
son spilaði sinn síðasta leik fyrir
Celtic og hann kvaddi með stæl.
Fyrst jafnaði hann á 58. mínútu og
síðan kom hann sínum mönnum yfir
á 71. mínútu. Stilian Petrov gull-
tryggði síðan sigurinn með þriðja
marki Celtic skömmu fyrir leikslok.
BARÁTTA
Það fór meira fyrir baráttu en fótbolta í Árbænum í gær. Hér gnæfir Fylkismaðurinn Valur
Fannar Gíslason yfir hópnum en FH-ingurinn Tommy Nielsen virðist lítt hrifinn af tilburð-
um Vals Fannars.
Þorbjörn Atli hetja
Fylkismanna
Fylkir vann góðan sigur á FH í Árbænum í
gær. Varamaðurinn Þorbjörn Atli Sveinsson
skoraði eina mark leiksins.
FÓTBOLTI Það var rigning og völlur-
inn var þungur þegar leikurinn fór
fram. Þessar aðstæður virtust vera
leikmönnum ofviða því þeim gekk
ákaflega illa að halda boltanum og
spil beggja liða í fyrri hálfleik var
tilviljanakennt svo ekki sé meira
sagt. FH-ingurinn Víðir Leifsson
fékk eina alvöru færi fyrri hálf-
leiks, sem var arfaslakur, en var
klaufi að skora ekki.
Sama vesenið var á liðunum í
seinni hálfleik og leikmenn gerðu
lítið til þess að hita áhorfendum í
kuldanum. Vendipunktur varð í
leiknum þegar Þorbjörn Atli kom af
bekknum í stað Björgólfs Takefusa
því tilkoma hans færði meira líf í
sóknarleik Fylkis. Þeir byrjuðu að
spila eins og menn og skapa færi og
það var vel við hæfi að Þorbjörn
Atli skyldi moka boltanum inn
korteri fyrir leikslok. FH-ingar áttu
ekkert svar við þessu marki og stig-
in þrjú fóru því til Fylkismanna.
Eins og áður segir var leikurinn
slakur og bæði lið geta gert mikið
mun betur. Fylkismenn voru þó
skömminni skárri og áttu frekar
skilið að fá stigin þrjú þótt leikur
liðanna hafi í raun ekki verðskuldað
nein stig.
Markaskorarinn Þorbjörn Atli
var að vonum kátur í leikslok.
„Þetta var ekki leiðinlegt. Markið
var kannski ekki það fallegasta en
mikilvægt var það. Ég get samt ekki
sagt að við höfum verið að leika vel
því við vorum slakir en þrjú stig
gegn FH er mjög mikilvægt og
alveg frábært.“
Framherji FH-inga, Atli Viðar
Björnsson, komst lítið áleiðis í
leiknum og var fúll í leikslok. „Þetta
var svekkjandi og mér fannst við
eiga eitt stig skilið. Þetta var lítill
fótbolti enda buðu aðstæður
kannski ekki upp á mikinn fótbolta.
Svo vorum við klaufar því við þorð-
um ekki að taka boltann niður og
spila og slíkt kann ekki góðri lukku
að stýra.“
henry@frettabladid.is
HAFÐU ÞETTA
Shaq O’Neal var óstöðvandi hjá Lakers og
hér treður hann yfir Michael Olowakandi.
FYLKIR-FH 1-0 (0-0)
1-0 Þorbjörn Atli Sveinsson 76.
DÓMARI
Kristinn Jakobsson Mjög góður
BESTUR Á VELLINUM
Tommy Nielsen FH
TÖLFRÆÐIN
Skot (á mark) 11-7 (6-3)
Horn 4-6
Aukaspyrnur 23-11
Rangstæður 3-0
Spjöld (rauð) 0-3 (0-0)
FRÁBÆRIR
Enginn
MJÖG GÓÐIR
Tommy Nielsen FH
GÓÐIR
Ólafur Páll Snorrason Fylkir
Sævar Þór Gíslason Fylkir
Þorbjörn Atli Sveinsson Fylkir
Daði Lárusson FH
■ ÞAÐ SEM SKIPTI MÁLI
FR
ÉT
TA
B
LA
Ð
IÐ
/P
JE
TU
R