Fréttablaðið - 25.05.2004, Blaðsíða 4

4 25. maí 2004 ÞRIÐJUDAGUR
Mun forsetinn staðfesta
fjölmiðlalögin?
Spurning dagsins í dag:
Ætlarðu í ferðalag um
hvítasunnuhelgina?
Niðurstöður gærdagsins
á visir.is
53%
47%
Nei
Já
KJÖRKASSINN
Farðu inn á visir.is og segðu þína skoðun
visir.is
Haraldur Johannessen:
Hefði átt að heimvísa en ekki sýkna
DÓMSMÁL „Ég tel dóm meirihluta
Hæstaréttar í málverkafölsunar-
málinu vera umhugsunarefni og að
lögfræðileg álitamál hafi vaknað í
tilefni hans,“ segir Haraldur
Johannessen ríkislögreglustjóri
um dóm Hæstaréttar í Málverka-
fölsunarmálinu. En Pétur Þór
Gunnarsson, fyrrverandi eigandi
Gallerí Borgar, og Jónas Freydal
voru sýknaðir af skjalafalsi og
fjársvikum með því að hafa blekkt
viðskiptavini til að kaupa málverk
sem þeir hefðu tekið þátt í að falsa.
Rannsókn málsins var í höndum
Ríkislögreglustjóra og er sú dýrasta
sem gerð hefur verið hér á landi eða
um 50 milljónir króna. „Mér sýnist
lögregla og ákæruvald þurfa að
fara yfir hvaða þýðingu dómurinn
hafi um meðferð sakamála. Íhuga
má hvort breyta eigi vinnulagi við
rannsóknir sakamála eftir nýjum
málsmeðferðarkröfum sem mér
virðast felast í niðurstöðu meiri-
hluta Hæstaréttar. Hins vegar
hafna ég því að starfsmenn Ríkis-
lögreglustjóra hafi ekki staðið að
meðferð málsins með réttum hætti
og tel að heimvísa hefði átt málinu í
stað þess að sýkna.“ ■
Herinn áfram næsta árið
Fjölþjóðlegt herlið undir forystu Bandaríkjanna verður áfram í Írak næsta árið hið minnsta sam-
kvæmt tillögum Bandaríkjamanna og Breta. Írakar geta í fyrsta lagi á næsta ári farið þess á leit
að herliðið hverfi á braut.
ÍRAK, AP Írakar fá ákveðin völd í
hendur við valdaframsal banda-
ríska herliðsins í Írak 30. júní en
fara ekki með full völd alveg á
næstunni samkvæmt drögum að
ályktun Sameinuðu þjóðanna um
Írak, sem Bandaríkin og Bretland
lögðu fyrir öryggisráðið í gær.
Samkvæmt henni verður fjölþjóð-
legt herlið undir forystu Banda-
ríkjanna áfram í Írak alla vega í
eitt ár eftir valdaafsalið.
Írösk ríkisstjórn, sem verður
kosin á næsta ári, fær vald til að
fara fram á endurskoðun á veru
erlends herliðs en breskir
embættismenn segja að ekki sé
ætlast til þess að Íraksstjórn fari
fram á slíka endurskoðun. Þess í
stað standa vonir Breta til þess að
yfirstjórn fjölþjóðlega herliðsins
verði undir stjórn þjóðaröryggis-
ráðs sem í sitji íraski forsetinn,
íraskir ráðherra, breskur og
bandarískur hershöfðingi. Það á
að veita Írökum neitunarvald
gagnvart umfangsmiklum aðferð-
um eins og þeim sem Bandaríkja-
her hefur staðið í að undanförnu.
Ekki er þó kveðið á um slíkt fyrir-
komulag í ályktuninni heldur gert
ráð fyrir að gengið verði frá því
síðar.
Hernámsstjórnin lætur af
völdum um þarnæstu mánaðamót
og þá tekur við stjórn Íraka sem
situr fram að kosningum í byrjun
næsta árs þar sem verður kosið
stjórnlagaþing. Það þing skipar
bráðabirgðastjórn og semur
stjórnarskrá fyrir Írak sem gildir
til frambúðar.
Ekki er búist við að greidd verði
atkvæði um ályktunina fyrr en eft-
ir eina til tvær vikur. Tímann
þangað til notar Lakhdar Brahimi,
fulltrúi Sameinuðu þjóðanna í
Írak, til að finna samkomulag
meðal Íraka um skipan þeirrar
stjórnar sem tekur við 30. júní. ■
Enski boltinn og
Skjár einn:
Beðið eftir
Bretunum
SJÓNVARP „Við erum enn að bíða og
viljum ekkert frekar en að klára
málið,“ segir Magnús Ragnars-
son, framkvæmdastjóri Skjás
eins, um lokagerð samninga um
sýningu á enska boltanum. Magn-
ús segir ennþá beðið eftir því að
lögfræðingar seljandans klári að
ganga frá málum. Til stóð að
ganga frá samningunum í þessari
viku, en Bretarnir báðu um frest.
Magnús segir allt klárt af hálfu
Skjás eins að hefja undirbúning
og ekki seinna vænna að gengið
verði frá samningum. ■
Læknaráð ítrekar
mótmæli:
Öryggi sjúk-
linga ógnað
HEILBRIGÐISMÁL Læknaráð Land-
spítala - háskólasjúkrahúss hélt
aðalfund sinn í gær þar sem það
ítrekaði fyrri ályktanir sínar um
samdráttaraðgerðir á sjúkra-
húsinu.
Í ályktun ráðsins kemur fram
að sá samdráttur sem þegar hafi
orðið dragi verulega úr þjónustu
við sjúklinga sjúkrahússins. Að
mati Læknaráðsins verður frek-
ari niðurskurður til þess að
stofna öryggi sjúklinga í hættu.
Þá er hætt við að viðbótarsam-
dráttur hindri nauðsynlega
framþróun á sviðum lækninga,
vísinda og kennslu.
Læknaráð hvetur til að
stefnumótun í heilbrigðisþjón-
ustu verði flýtt. Ráðið telur að
hagræðingarmöguleikar sjúkra-
hússins felist fyrst og fremst í
að starfsemi þess verði sam-
einuð á einum stað, en kostnað-
ur við þær framkvæmdir sé
ekki hár miðað við rekstur
sjúkrahússins. ■
Kaupmannahöfn:
Kjarnorkuvá
í grennd
HRYÐJUVERKAVÁ Eftirlit með
sænska kjarnorkuverinu Barse-
back er lítið og auðvelt er fyrir
hryðjuverkamenn að komast þar
inn fyrirhafnarlítið. Þetta veldur
angist hjá Dönum þar sem verið
er einungis í 20 kílómetra fjar-
lægð frá höfuðborg landsins,
Kaupmannahöfn, og vilja menn
ráða bót á vandamálinu hið
fyrsta. Verður því sett rannsókn
af stað og rætt við yfirmenn
kjarnorkuversins til að ganga úr
skugga um að allt eftirlit verði
aukið hið fyrsta. ■
Tónlistartorg Listahátíðar
í Kringlunni
Dagskrá
í dag kl. 17
Rafmögnuð nútíð
Hilmar Þórðarson
og Ríkharður H. Friðriksson, tónskáld.
Áhrif olíuhækkunar á sjómannslaun:
Yfir þakinu frá í nóvember
OLÍUVERÐ Hækkun olíuverðs að
undanförnu hefur ekki áhrif á
laun sjómanna, þrátt fyrir teng-
ingu heimsmarkaðsverðs olíu við
skiptaverð til sjómanna. Ástæðan
er sú að olíuverðið er löngu komið
yfir mörk þess kostnaðarauka
sem sjómenn taka á sig sem
launaskerðingu. „Sjómenn eru
búnir að vera á lægsta skiptaverði
vegna olíuverðsins frá því í
nóvember. Hækkanir að undan-
förnu hafa því ekki breytt neinu
um það,“ segir Hólmgeir Jónsson,
framkvæmdastjóri Sjómanna-
sambands Íslands.
Sjómenn eru í kjaraviðræð-
um og segir Hólmgeir hækkandi
olíuverð ekki trufla þær viðræð-
ur. „Það er margt annað sem
gerir það.“ Hann segir sátt um
það fyrirkomulag sem er í gildi.
Hækkandi olíuverð er að sögn
Hólmgeirs sameiginlegt
áhyggjuefni sjómanna og út-
gerðarmanna. Útlitið er ekkert
sérstaklega gott um þessar
mundir. „Við vonum auðvitað að
verðið lækki, en við höfum séð
þessar sveiflur áður.“ ■
HARALDUR JOHANNESSEN
Haraldur segist hafna því að starfsmenn
hans hafi ekki staðið að meðferð mál-
verkafölsunarmálsins með réttum hætti.
OLÍAN TRUFLAR EKKI KJARAVIÐRÆÐUR
Sjómenn taka þátt í olíukostnaði útgerðar. Sátt er um fyrirkomulagið og hækkanir á olíu
eru löngu komnar yfir þau mörk að þær hafi áhrif á kjör sjómanna.
ÁFRAM Í ÍRAK
Fjölþjóðlegt herlið verður í Írak
næsta árið og jafnvel lengur. Bush
vonast til að sátt náist um hvernig
valdaafsalið fer fram í landinu.
TÍMAMÓT
30. júní 2004
Írösk bráðabirgðastjórn tekur við fullveldi landsins.
31. janúar 2005
Kosning til stjórnlagaþings skal fara fram fyrir þennan tíma, má frestast í mánuð.
1. júní 2005
Endurskoða skal veru alþjóðlegs herliðs í Írak innan árs frá samþykkt tillögunnar.
LYKILATRIÐI TILLAGNANNA
Írakar fá fullveldi. Hersetu lýkur með formlegum hætti.
Stjórnlagaþing ákveður hvernig Írak skal stýrt í framtíðinni.
Sameinuðu þjóðirnar veita aðstoð við undirbúning að kosningum,
ráðgjöf við enduruppbyggingu og ritun stjórnarskrár.
Fjölþjóðaher sér um öryggisgæslu í Írak næsta árið. Írakar geta beðið
um breytingu á því eftir að ný stjórn tekur við á næsta ári.
Bann við vopnasölu til Íraks breytt, fjölþjóðaher og Íraksstjórn fær að kaupa vopn.
Írösk ríkisstjórn tekur við stjórn olíuauðlinda.