Fréttablaðið - 25.05.2004, Síða 17

17ÞRIÐJUDAGUR 25. maí 2004
skúffu, og hurfu á brott. Ræningj-
arnir voru taldir hafa komið í
bankann á reiðhjólum. Lögregla
rakti slóð mannanna og fundu
meðal annars annað hjólið en hitt
var skilið eftir fyrir utan bank-
ann. Daginn eftir ránið voru tveir
menn, fæddir árin 1986 og 1978,
handteknir og úrskurðaðir í
gæsluvarðhald skömmu síðar.
Alls voru tíu manns handteknir í
tengslum við ránið. Mennirnir
tveir játuðu aldrei verknaðinn en
voru grunaðir allt þar til í apríl
þegar í ljós kom að DNA úr gögn-
um málsins passaði ekki við þá.
Nokkru síðar var annar maður
handtekinn þar sem DNA sam-
kenndist honum. Hann neitaði
staðfastlega sök og gengur nú
laus. Rannsókn málsins er lokið
og munu dómstólar segja til um
hvort maðurinn sé sekur eða ekki.
Játaði samdægurs
Maður réðst vopnaður hnífi í
bankaútibú SPRON í Mjóddinni
þann sautjánda maí fyrir um
tveimur vikum síðan. Maður
fæddur árið 1987 var handtekinn
í Seljahverfi tæpum klukkutíma
eftir ránið. Um kvöldið játaði
hann verknaðinn og telst málið
vera upplýst. Lögregluvakt var
við allar helstu umferðaræðar frá
Mjóddinni eftir ránið.
Ræninginn ógnaði fólki og
hafði upp hótanir með hníf á lofti.
Hnífur fannst rétt hjá vettvangi
um klukkan þrjú og telur lögregl-
an nokkuð víst að sami hnífur hafi
verið notaður við ránið.
Þrír í gæsluvarðhaldi
Ræningi vopnaður öxi ruddist
inn í Landsbankann við Gullinbrú
á föstudaginn í síðustu viku. Hann
ræddi öxina til höggs og mölvaði
gler í einni gjaldkerastúkunni.
Ræninginn flúði úr bankanum
með ránsfenginn og vopnið. Heim-
ildir blaðsins segja ránsfenginn
hafa verið nokkur hundruð þús-
und krónur, jafnvel allt að hálfri
milljón króna. „Mér var litið út um
gluggann og sá mann á harða-
hlaupum eftir göngustígnum. Rétt
á eftir kom starfsmaður bankans
hlaupandi á eftir ræningjanum. Á
sömu stundu stoppaði maður á
Volvobifreið á planinu og hljóp
með starfsmanninum á eftir ræn-
ingjanum,“ segir Matthildur
Laustsen, starfsmaður í Gullnesti
sem er við hlið bankans. Matthild-
ur segist strax hafa áttað sig á að
bankarán hafi verið framið.
Ræninginn náðist á hlaupum í
Foldahverfinu fimm mínútum eft-
ir að tilkynnt var um ránið. Hann
fleygði öxinni og hettunni, sem
hann huldi höfuðið með, frá sér í
Frostafold. Skaftið á öxinni var al-
blóðugt og er talið að ræninginn
hafi skorið sig þegar hann braut
glerið við gjaldkerastúkuna. Lög-
reglan hefur bæði DNA-sýni úr
hettunni og af öxinni sem og fin-
graför. Skófar ræningjans var í
bankanum.
Í upphafi var talið að tveir til
þrír menn hefðu staðið að ráninu.
Sá sem fór inn í bankann var hand-
tekinn strax eftir ránið. Síðar um
daginn var annar maður handtek-
inn og sá þriðji daginn eftir. Allir
eru þeir úrskurðaðir í gæsluvarð-
hald til morguns. Mennirnir er
fæddir árin 1984, 1978 og 1976. ■
Samningur um eftirlit með öllum ferðamönnum í Bandaríkjunum á borðinu:
Liður í baráttu við hryðjuverkamenn
EFTIRLIT Bandaríska ríkisstjórnin
er við það að undirrita samninga
við einkafyrirtæki um ítarlegt
eftirlit með öllum þeim útlending-
um sem landið sækja en slíkt hef-
ur verið á stefnuskránni frá því að
árásirnar á Tvíburaturnana varð í
september 2001.
Innan fárra daga mun banda-
ríska ríkisstjórnin tilkynna um
sigurvegarann í ríkisútboði vegna
þessa en þrjú fyrirtæki taka þátt í
því. Samingurinn er metinn á um
þúsund milljarða króna og því eft-
ir miklu að slægjast. Samkvæmt
honum verður fylgst með öllum
þeim útlendingum sem til lands-
ins koma með fullkomnustu tækni
sem völ er á en um mikið verk er
að ræða þar sem þeir skipta millj-
ónum sem sækja landið heim á
ársgrundvelli. Hafa margar
spurningar vaknað við eftirlits-
þátt verkefnisins en mestar
áhyggjur tengjast þeirri óvissu
hvort kerfið virki þegar á reynir.
Þegar hefur miklum fjármunum
verið varið til þess en enn hefur
ekkert fengist staðfest um áreið-
anleika kerfisins eða hvort það
reynist um of að fylgjast með
ferðum hvers og eins við allar
þær landamærastöðvar sem eru í
landinu. ■
Þrengsli í fangelsi:
Fangar í
verkfall
PÓLLAND, AP Um 400 fangar í
pólsku fangelsi hófu hungur-
verkfall í gær til að mótmæla
miklum þrengslum í fangelsinu
þar sem þeim er haldið.
Hungurverkfallið hófst eftir
að fangelsisyfirvöld ákváðu að
fjölga föngum sem eru vistaðir í
hverjum klefa.
Hver klefi er byggður fyrir
fimm fanga en þrátt fyrir það
hefur sjö föngum verið komið
fyrir í hverjum klefa. Nú ætla
fangelsisyfirvöld að fjölga um
einn í hverjum klefa. Þannig að
átta fangar verða í hverjum
klefa. ■
BUSH OG FÉLAGAR
Nú á að láta reyna á hvort tillögur forsetans um aukið eftirlit með útlendingum sé fýsilegt.