Fréttablaðið - 26.05.2004, Blaðsíða 6

6 26. maí 2004 MIÐVIKUDAGUR
GENGI GJALDMIÐLA
Bandaríkjadalur 72,76 -0,78%
Sterlingspund 131,24 0,05%
Dönsk króna 11,8 0,17%
Evra 87,78 0,15%
Gengisvísitala krónu 123,00 -0,34%
KAUPHÖLL ÍSLANDS
Fjöldi viðskipta 418
Velta 11.836 milljónir
ICEX-15 2.658 0,39%
Mestu viðskiptin
Samherji hf. 324.822
Landsbanki Íslands hf. 286.553
Íslandsbanki hf. 272.055
Mesta hækkun
Flugleiðir hf. 3,90%
Marel hf. 3,50%
Íslandsbanki hf. 1,85%
Mesta lækkun
Össur hf -3,57%
Actavis Group hf. -0,96%
ERLENDAR VÍSITÖLUR
DJ* 10.043,1 0,8%
Nasdaq* 1.941,4 1,0%
FTSE 4.418,0 -0,2%
DAX 3.828,1 -1,0%
NK50 1.366,6 0,1%
S&P* 1.101,2 0,5%
*Bandarískar vísitölur kl. 17.00
VEISTU SVARIÐ?
1Hver er framkvæmdastjóri Verslunar-ráðs Íslands?
2Einn þingmanna stjórnarandstöðumótmælti fjölmiðlafrumvarpinu með
táknrænum hætti þegar atkvæði voru
greidd um málið. Hver var það og hvað
gerði hann?
3Hvað heitir þjálfari Liverpool sem varlátinn taka pokann sinn á dögunum?
Svörin eru á bls. 39
Menntamálaráðherra tekur undir orð fjármálaráðherra:
Hlutverk RÚV endur-
skilgreint næsta haust
FJÖLMIÐLAR Þorgerður Katrín
Gunnarsdóttir menntamálaráð-
herra segir Sinfóníuhljómsveit Ís-
lands stóra fjárhagsskuldbind-
ingu fyrir Ríkisútvarpið sem
verði að leysa. Hún tekur undir
orð Geirs H. Haarde fjármálaráð-
herra að endurskilgreina þurfi
hlutverk Ríkisútvarpsins.
„Þetta er nákvæmlega það sem
við höfum verið að ræða um og
við höfum verið ófeimin að segja
að við viljum endurskilgreina
hlutverkið og fara yfir starfsemi
RÚV með það í huga að gera
stjórnsýslu þess og starfsskilyrði
skýrari og skarpari,“ segir Þor-
gerður. Hún trúir ekki öðru en
Ríkisútvarpið verði ennþá öflugra
að þeirri vinnu lokinni. „Við erum
að vinna að þessu og þetta er mjög
vandasamt verk,“ segir Þorgerð-
ur. Hún ætlar að beita sér fyrir
því að rætt verði um nýtt starfs-
umhverfi Ríkisútvarpsins á næsta
þingi.
Þorgerður segir umræðuna á
byrjunastigi. Undirbúningurinn
fari fram í sumar. „Við viljum
hafa þann grundvöll sem við
byggjum á traustan þannig að
vinnan verði sem vönduðust,“
segir Þorgerður. ■
Þykk skel sjálf-
stæðismanna
Sjálfstæðisflokkurinn er ekki flokkur sem styður fáa, stóra og sterka sem
nota afl sitt og auð til að troða miskunnarlaust á öðrum, segir Davíð Odds-
son. Sjálfstæðisflokkurinn fagnaði 75 ára afmæli á Nordica hóteli í gær.
STJÓRNMÁL Davíð Oddsson forsætis-
ráðherra sagði að Sjálfstæðisflokk-
urinn gæti kinnroðalaust horft í
augu við sögu sína og fortíð í 75 ára
afmælisræðu Sjálfstæðisflokknum
til heiðurs á Nordica hóteli í gær.
Geir Haarde fjármálaráðherra sagði
að sjaldan hefði staðið eins mikill
styr um forsætisráðherra, sem sagði
svo í ávarpi sínu skel sjálfstæðis-
manna þykka.
„Undarlegur flokkur, Sjálfstæð-
isflokkurinn,“ sagði Davíð, „Að
koma fram með lagafrumvörp og
gera að lögum í samvinnu við aðra.
Frumvörp á borð við það sem nú
hefur verið rætt þar sem þrengt er
að frelsinu. Það er nú akkúrat ekki
það sem gert er vegna þess að Sjálf-
stæðisflokkurinn er sjálfum sér
samkvæmur. Hann barðist fyrir því
með oddi og egg að á öllum sviðum
þjóðlífsins yrði frelsi aukið,“ segir
Davíð. „Það er þess vegna sem
sjálfstæðismenn börðust fyrir frjál-
su útvarpi og frjálsu sjónvarpi,“
segir Davíð.
Davíð sagði engan þingmann Al-
þýðuflokks, Alþýðubandalags eða
Kvennalista hafa treyst sér til að
styðja það á Alþingi að einhver ann-
ar en ríkið fengi að útvarpa og sjón-
varpa. „Þessir flokkar hafa síðan
sameinast í einn flokk eða fylkingu
eða hvað á að kalla það, bræðing, og
núna eru þeir að brigsla okkur sjálf-
stæðismönnum um ófrelsistilfinn-
ingar. Því fer fjarri.“
Davíð segir Sjálfstæðisflokkinn
ekki flokk fárra heldur allra stétta.
„Frelsið er hans keppikefli og það er
frelsi allra, ekki frelsi fyrir fáa,
stóra og sterka sem nota afl sitt og
auð til að troða miskunnarlaust á
öðrum. Það er ekki okkar frelsi,“
sagði Davíð og hlaut mikið klapp
hundraða flokksmanna sem hlýddu á
ávarpið á afmælishátíð Sjálfstæðis-
flokksins. ■
Bandaríkin:
Klauf Biblíu
í tvennt
DÓMSMÁL Dómari í smábænum
Painesville í Ohio-ríki í Banda-
ríkjunum kvað upp viðeigandi
dóm í deilumáli tveggja systkina.
Málavextir voru á þá leið að syst-
kinin deildu um forræði yfir 120
ára gamalli Biblíu sem þau erfðu
eftir móður sína. Þau gátu ekki
fallist á að skiptast á eignarhald-
inu sex mánuði í senn, þar sem
bókin innihélt sögulegar upplýs-
ingar um fjölskylduna. Innblás-
inn af bókinni helgu kvað dómar-
inn upp sannkallaðan Salómons-
dóm og lét selja Biblíuna á upp-
boði og skipti ágóðanum milli
systkinanna. ■
Halldór Ásgrímsson:
Hafa lagt sitt
af mörkum
SJÁLFSTÆÐISFLOKKURINN Halldór Ás-
grímsson, utanríkisráðherra og for-
maður Framsókn-
arflokksins, sendi
Sjálfstæðiflokkn-
um hugheilar af-
mæliskveðjur á 75
ára afmæli hans.
Hann sagði flokk-
inn allt frá stofnun
hafa haft mikil
áhrif í íslenskum
stjórnmálum.
„Þegar borg-
araleg öfl samein-
uðust undir merki hans 1929 varð til
flokkur sem hefur æ síðan haft mik-
il áhrif á þróun íslensks samfélags.
Framsóknarflokkinn og Sjálfstæð-
isflokkinn hefur greint á í gegnum
tíðina en flokkarnir hafa jafnframt
átt gott og árangursríkt samstarf,
líkt og undanfarin ár. Sjálfstæðis-
menn hafa sannarlega lagt sitt af
mörkum til að vinna að framþróun í
landinu,“ sagði Halldór. ■
Össur Skarphéðinsson:
Fjall íslenskra
stjórnmála
SJÁLFSTÆÐISFLOKKURINN Össur
Skarphéðinsson, formaður Sam-
fylkingarinnar, sagði ástæðu til
að óska Sjálfstæðisflokknum til
hamingju með stórafmælið.
„Sjálfstæðisflokkurinn hefur
um áratuga skeið og allt undir
það síðasta verið fjallið í ísl-
enskum stjórnmálum. Flokkur-
inn hefur komið mörgu jákvæðu
til leiðar í 75 ára sögu og verið
með vissum hætti brimbrjótur
frelsis. Þess vegna þykir mér
raunalegt að honum skuli á af-
mælisárinu hafa skolað svo
langt frá markmiði sínu um
vernd einstaklingsfrelsisins,“
sagði Össur. ■
ÖLVAÐUR ÞJÓFUR Ökumaður
var stöðvaður fyrir of hraðan
akstur á sunnudaginn á Akur-
eyri. Í ljós kom að hann var ölv-
aður og við nánari athugun
fannst þýfi í bílnum sem var úr
innbroti í Reykjavík og öðru
þjófnaðarmáli. Hann var færð-
ur til yfirheyrslu hjá lögregl-
unni og játaði á sig brotin. Mál-
ið telst upplýst.
ERILL HJÁ LÖGREGLUNNI Um
síðustu helgi voru fimmtán inn-
brot, þrettán þjófnaðir og tólf
skemmdarverk tilkynnt til lög-
reglunnar í Reykjavík.
■ LÖGREGLUFRÉTTIR
Alltaf ód‡rast á netinuÍSLE
N
SK
A
A
U
G
L†
SI
N
G
A
ST
O
FA
N
/S
IA
.I
S
I
C
E
24
68
4
0
5/
20
04

Netsmellur
Ód‡rastir til Evrópu
Ver› frá
14.490 kr.
MENNTAMÁLARÁÐHERRA
„Við gerum þetta í góðri samvinnu við
okkar samstarfsflokk. Það er mikill hugur í
mönnum að gera þetta vel svo Ríkis-
útvarpið geti staðið eitt og óstutt í þeirri
samkeppni sem það er í og geti líka staðið
undir þeim skuldbindingum og kröfum
sem það hefur gagnvart samfélaginu,“
segir Þorgerður Katrín.
ÁRNI HEILSAR EINARI KR. OG FRÚ
Forsætisráðherra sagði að í heiti flokksins fælist hugsjón. „Sjálf-
stætt skyldi ríkið vera og sjálfstæð þjóð skyldi þar búa og hún
skyldi saman standa af sjálfstæðum einstaklingum. Þetta yrði allt
að fara saman,“ sagði Davíð.
FORSÆTIS- OG FJÁRMÁLARÁÐHERRA
Geir H. Haarde sagði að mikill styr hefði staðið um forsætisráðherra og sjaldan eða aldrei
eins mikill og núna. Flokksmenn hylltu forsætisráðherra eftir ávarp hans.
Á FREMSTA BEKK
Menn fylgdust með ávarpi forsætisráðherra og höfðu gaman af
upprifjun hans á æskuminningum þegar hann bjó á Selfossi þar
sem menn voru annað hvort sjálfstæðis- eða framsóknarmenn.
HALLDÓR ÁS-
GRÍMSSON
„Sjálfstæðismenn
hafa sannarlega lagt
sitt af mörkum.“