Fréttablaðið - 26.05.2004, Blaðsíða 13
13MIÐVIKUDAGUR 26. maí 2004
BORINN Á BROTT
Mannréttindasamtök hafa krafist svara við
fjölda tilvika þess að fólk sé numið á brott
af heimilum sínum í Ingúsetíu og
Tsjetsjeníu. Rússneski herinn og öryggis-
sveitir Tsjetsjeníustjórnar hafa beitt slíkum
brottnámum manna sem þeir gruna um
tengsl við uppreisnarmenn.
Níu féllu í bardögum Bandaríkjahers og andspyrnumanna:
Enn barist í Najaf
NAJAF, AP Harðir bardagar í hinni
helgu borg Najaf og Kufa kost-
uðu í það minnsta níu manns líf-
ið í gær. Bardagar bandarískra
hermanna og andspyrnumanna
voru með harðara móti og víða
áttu óbreyttir borgarar fótum
sínum fjör að launa. Sprengjur
kváðu við og mikið var skotið úr
hríðskotarifflum á og við torg
sem er nefnt eftir byltingu sem
var gerð 1920. Einnig var barist
við jarðreitinn, sem er einn sá
stærsti í heimi og veitir mönn-
um skjól fyrir skothríð and-
stæðinganna.
Eftir að um hægðist safnaðist
fólk saman við helgireit Ali,
frænda Múhameðs spámanns,
en Ali er einn helgasti maðurinn
í augum sjíamúslima og musteri
hans sömuleiðis einn helgasti
reitur þeirra. Þar voru miklar
skemmdir og sökuðu stuðnings-
menn Muqtada al-Sadr Banda-
ríkjamenn um að skjóta á must-
erið úr sprengjuvörpum.
Herstjórnin í Bagdad sagð-
ist myndu rannsaka skemmd-
irnar og orsakir þeirra. Banda-
ríkjamenn hafa sakað fylgis-
menn al-Sadr um að nota helga
staði til að skýla sér og leyna
vopnum. ■
Mannrán:
Þrettán
ára stúlku
rænt
ÞÝSKALAND, AP Þrettán ára stúlka
slapp ósködduð eftir að maður
rændi henni í Hollandi og flutti
með valdi til Þýskalands. Stúlk-
an var á ferð á reiðhjóli þegar
maðurinn vatt sér upp að henni,
ógnaði henni með hnífi og nam
hana á brott.
Lögregla fann bíl mannsins
tveimur dögum eftir að hann
rændi stúlkunni og umkringdi
hann. Eftir fimm klukkustunda
samningaviðræður samþykkti
hann að sleppa stúlkunni. Ekki
fengust nákvæmar fréttir af
manninum í gær en talið var að
hann hefði sloppið af geð-
sjúkrahúsi. ■
Samningar náðust:
Fimm
vikna verk-
fall lokið
NOREGUR, AP Fimm vikum eftir
að flutningabílstjórar og verka-
menn í vöruhúsum fóru í verk-
fall náðust samningar um nýjan
kjarasamning. Verkfallið hefur
haft gríðarleg áhrif og var víða
orðið mjög fátæklegt um að lit-
ast í matvöruverslunum. Mat-
vælaflutningar eru því komnir í
fullan gang á ný.
Flutningaverkamannasam-
band Noregs efndi til verkfalls
17.000 félagsmanna sinna
vegna þess að vinnuveitendur
neituðu að hækka laun félags-
manna sérstaklega. Samið var
um sérstakar greiðslur til
verkalýðsfélaga í staðinn til að
leysa deiluna. ■
Framfærsla:
Buddan
tómleg
um mán-
aðamót
FRAMFÆRSLA Sé miðað við meðal-
framfærslukostnað samkvæmt
neyslukönnunum Hagstofu Ís-
lands verða einungis 259 krónur
eftir í hverjum mánuði í buddu
lánþega Lánasjóðs íslenskra
námsmanna sem sækja skóla
hér á landi. Er þá miðað við þær
tölur sem birtar eru á heima-
síðu Íbúðalánasjóðs við útreikn-
ing á greiðslumati og eru 79.214
krónur á einstakling. Sam-
kvæmt úthlutunarreglum LÍN
fyrir árin 2003-04 er hámarks-
framfærslulán hvers nemanda
79.500 krónur. ■
ÍRAKAR HLAUPA Í SKJÓL
Óbreyttir borgarar máttu hafa sig alla við til að komast í skjól meðan bardagarnir stóðu yfir.