Fréttablaðið - 26.05.2004, Blaðsíða 38

TÓNLIST Ég hafði aldrei heyrt í
eða um hljómsveitina The Walk-
men þegar önnur plata þeirra
Bows and Arrows rataði inn á
borð til mín. Hérna er víst á
ferðinni nýleg sveit sem inni-
heldur þrjá fyrrum liðsmenn
Jonathan Fire Eater, ef það
hringir einhverjum bjöllum.
Þetta er ruslrokk beint frá
New York og gott sem slíkt.
Rödd söngvarans er eins konar
blanda Julian Casablancas úr
The Strokes og Wayne Coyne úr
The Flaming Lips. Töff, hljómar
þreytt og lifuð sem á vel við
ruslrokkið. Hljómurinn sker sig
svo í ættina. Lífrænn og viljandi
gerður gruggugur og óskýr.
Gott ef trommurnar bjaga bara
ekki líka.
Gallinn við þessa plötu er að í
fyrstu hljómar þetta ekki sem
gott kaffi, frekar bara þungur
hnífur. Lögin þurfa alveg þrjár
hlustanir minnst til þess að ná
inn undir skinnið. Svo þegar
þangað er komið eru hreyfing-
arnar ekkert svakalegar, þessi
tónlist er langt frá því að fram-
kalla gæsahúð þó hún sé svaka-
lega töff.
Líklegast skotheld plata til
þess að hafa í gangi í flottri fata-
búð en heima í stofu myndi mað-
ur bara frekar velja eitthvað
sem hreyfði meira við manni.
Með öðrum orðum; miðið á
boga Göngumannanna er skakkt
og oddur örvanna óbrýndur.
Þetta eru auðheyranlega menn
sem geta, en það er eins og þeim
vanti frumlegri hugsun til þess
að gera plötuna athyglisverða.
Núna hjómar hún bara eins og
ágætis ruslrokkplata frá New
York hljómsveit. Með smá frum-
legheitum hefði þessi platan
geta orðið frábær. Of mikið
rúnk, en engin fullnæging.
Birgir Örn Steinarsson
30 26. maí 2004 MIÐVIKUDAGUR
■ FÓLK Í FRÉTTUM
KVIKMYNDIR Framhaldið af teikni-
myndinni um græna risann Shrek,
konu hans og asna, Shrek 2, verður
frumsýnd bráðlega hér á landi.
Þetta er önnur stærsta frumsýning-
in sem hefur verið í Bandaríkjunum
í ár og var aðsókn meiri á þessa
mynd en á Leitina að Nemó í fyrra,
sem og Píslargöngu Krists sem átti
aðsóknarmetið í Bandaríkjunum í
fyrra.
Líkt og fyrsta myndin keppti
Shrek 2 til verðlauna á Cannes-há-
tíðinni í ár, en ólíkt þeirri fyrri vann
hún ekki til verðlauna.
Framleiðendur Shrek, Dream-
works, hafa sagt að vegna vel-
gengni myndarinnar muni þeir
halda áfram með sín áform um að
gera að minnsta kosti tvær myndir í
viðbót um ævintýri Shreks.
Viðræður eru þegar hafnar við
leikarana sem lesa inn fyrir aðal-
persónur myndarinnar, þar á meðal
Cameron Diaz og Eddie Murphy.
Ann Daly, yfirmaður teikni-
myndadeildar, sagði að það hefði
ekki verið gáfulegt að byrja á Shrek
3 og 4 fyrr en ljóst var hvernig
Shrek 2 yrði tekið. „Þessi helgi
sýndi okkur að við erum með gott
efni í höndunum.“
Hún sagði einnig að viðræður
væru á lokastigi við Mike Myers,
sem rödd Shrek og Cameron Diaz,
sem rödd Fiónu prinsessu. Þá er
einnig vonast til að samningar tak-
ist við Murphy sem talandi asnann
og Antonio Banderas sem stíg-
vélaða köttinn. ■
Endalaust Shrek
COLLINS Í KJÖRKLEFA
Breska leikkonan Joan Collins er hér
með fyrrum sjónvarpsstjörnunni Robert
Kilroy-Silk. Joan var að lýsa yfir stuðningi
við framboð Kilroys til Evrópukosninga
fyrir breska Sjálfstæðisflokkinn og sagði
við það tækifæri að hún hefði aldrei
kosið. Flokkurinn vill að Bretland gangi
úr Evrópusambandinu.
Leikkonan Courtney Cox, semlék Monicu í Friends, og eigin-
maður hennar David Arquette
eiga von á stúlkubarni. Miklar
vangaveltur um óléttu
leikkonunnar
hafa verið í
slúðurpressunni
vestra og eru
hjónin orðin
langþreytt á
því að lesa
alla vitleys-
una í blaðinu.
Ein greinin
hélt því
fram að hún
væri með tví-
bura og ann-
ar þeirra
hefði látist í
móðurkviði.
Hjónin
sendu
því frá sér
tilkynningu þar sem fram kom að
þau ættu von á stúlkubarni í sum-
ar.
Halle Berry segir að súreynsla að leika í væntan-
legri mynd um Catwoman hafi
verið sér afskaplega mikil sálu-
hjálp. Hún var að skilja við eig-
inmann sinn, Eric Benet, á þeim
tíma og segir hún að flóttinn í
persónu Cat Woman hafi verið
sér hollur. Berry kom nýlega
fram í þætti Oprah Winfrey þar
sem hún talar opinskátt um
skilnað sinn og
framhjáhald
fyrrum eigin-
manns síns.
Þar heldur
hún því
fram að
hún
ætli
aldrei að
giftast aftur, en
áður var hún
gift hafnabolta-
manninum Dav-
id Justice.
Leikkonan Kate Hudson, semsló í gegn í myndinni
Almost Famous, segist vera
reiðubúin að hætta að leika í
kvikmyndum. Hún segir að
þurfi hún
einhvern
tímann að
velja á
milli þess
að verða
húsmóðir
eða leika í
kvikmynd-
um muni
það ekki
verða
henni
erfitt val.
Tónlistin í Næslandi eftir Mugison
Tónlistarmaðurinn Mugisonhefur látið talsvert að sér
kveða að undanförnu en hann
vinnur nú að því að hljóðblanda
frumsamin lög fyrir geisladisk úr
kvikmyndinni Næsland sem er í
leikstjórn Friðriks Þórs Friðriks-
sonar. Mugison á heiðurinn af
allri tónlist í myndinni en til að ná
fram réttri stemningu dvaldi
hann í kirkjunni á Súðavík í mán-
uð til að semja. Tónlistin er einnig
í flutningi Mugison en hann syng-
ur og spilar á kassagítar og fót-
stigið orgel sem var til staðar í
kirkjunni á Súðavík.
Mugison hefur nýlokið við að
túra með hljómsveitinni Múm um
Evrópu og kom hann fram með
þeim á tónleikum á Ítalíu, Spáni
og Portúgal. Þar á undan spilaði
hann á Triptych-tónlistarhátíðinni
í Skotlandi en eftir tónleikana
birtist gagnrýni í The Independ-
ant eftir tónlistargagnrýnandann
Bob Flynn. Hann sagði í dóminum
að nærvera tónlistarmannsins
Mugison hefði verið sú allra líf-
legasta á hátíðinni. Kom fram í
dóminum að Mugison væri fyrr-
um sjómaður frá Íslandi sem bæri
með sér þann óvenjulega hæfi-
leika, á okkar pródúseruðu tón-
listartímum, að fá áhorfendann til
að líða eins og allt geti gerst á
sviðinu. Bob Flynn taldi Mugison
villtan á sviðinu og tók það fram
að tölvan hans hefði krassað tvis-
var á tónleikunum.
Framundan eru fleiri tónleika-
ferðir hjá Mugison en á heimasíð-
unni hans mugison.com kemur
fram að tónleikarnir séu með
þeim síðustu þar sem að Mugison
kemur fram einn síns liðs en á
stefnuskránni er að sjálfsögðu að
semja meiri tónlist og Mugison
hefur nú þegar hafist handa við
nýja sólóplötu. ■
SHREK 2
Antonio Banderas bættist við leikarahópinn í Shrek 2 og ljáði stígvélaða kettinum rödd
sína. Vonast er til að hann muni einnig verða í áframhaldandi Shrek-myndum.
MUGISON
Dvaldi í mánuð í kirkju
á Súðavík til að semja
tónlist við kvikmyndina
Næsland.
Flottur
bogi með
skakkt mið
THE WALKMEN:
Bows and Arrows
[ TÓNLIST ]
UMFJÖLLUN