Fréttablaðið - 26.05.2004, Blaðsíða 46
Ísleifur B. Þórhallson, markaðs-stjóri Græna ljóssins, skrapp til
Cannes til að fylgjast með nýaf-
staðinni kvikmyndahátíð þar í bæ.
Honum fannst myndin Super Size
Me ein sú áhugaverðasta á hátíð-
inni. „Super Size Me fjallar um
Morgan Spurlock sem ákveður að
borða á McDonald’s í einn mánuð,“
segir Ísi. „Hann borðaði þrjár mál-
tíðir á dag og varð að þiggja super
size máltíðir þegar honum var boð-
ið upp á þær. Þetta var svona frek-
ar hress gæi en á þessu ferli þá
fitnaði hann mjög mikið og húðin
og hárið urðu ógeðsleg. Hann varð
brjálæðislega þunglyndur og fór
að lifa fyrir McDonald’s-skammt-
inn sinn. Á 21. degi var hann kom-
inn með lifur eins og dagdrykkju-
maður, hættur að geta labbað upp
stigann heima hjá sér og hættur að
geta stundið kynlíf. Læknarnir
hugðu honum vart líf og sögðu
honum að hætta en hann hélt þó
áfram og lifði þolraunina af.“
Í kjölfar frumsýningar mynd-
arinnar á Sundance-hátíðinni
hætti McDonald’s með supersize-
máltíðir. „Þeir héldu því þó fram
að það tengdist myndinni ekki en
Morgan Spurlock hefur sem betur
fer náð sér eftir ósköpin og er að
íhuga hvort hann verði viðstaddur
frumsýningu myndarinnar hér á
landi í haust.“
Mynd Michaels Moore Fahren-
heit 9/11 hreppti Gullpálmann
eins og frægt er orðið en Quentin
Tarantino var formaður dóm-
nefndar. „Tarantino hefur sér-
stakt aðdráttarafl og stjörnurnar
hreinlega sogast að honum. Ég sá
líka til Michaels Moore þar sem
hann gekk á inniskónum sínum
með derhúfuna eftir aðalgötunni.
Fólk byrjaði að elta hann og allt í
einu var hann staddur fremst í
eigin skrúðgöngu. Þetta var eins
og að sjá Bítlana á hátindi frægð-
arinnar en Moore gekk áfram og
lét eins og ekkert hefði í skorist.
Beckham-hjónin vildu svo líka
vekja aðeins athygli á sér og fóru
út á verönd til að fá sér í glas. Það
var heljarinnar aðgerð með mörg-
um lífvörðum og virkaði bara eins
og leiksýning.“
Ísi smellti sér að sjálfsögðu í
smóking til að spóka sig á rauða
dreglinum. „Það er mjög fyndið
því þá eru allir að skoða mann og
pæla í því hvort maður sé stjarna.
Ég reyni alltaf að vera fullur
sjálfstrausts og veifa ljósmyndur-
um í þeirri von að þeir smelli af
mynd en þeir hafa hingað til ekki
tímt að eyða í mig filmu. Kannski
var það vegna þess að ég leigði
smókinginn í dótabúð.“ ■
38 26. maí 2004 MIÐVIKUDAGUR
KVIKMYNDIR
ÍSLEIFUR B. ÞÓRHALLSSON
■ Fannst heimildarmyndin Super Size
Me einna áhugaverðust á Cannes í ár en
hún segir frá manni sem ákvað að borða
ekkert nema McDonald’s í einn mánuð
með alvarlegum afleiðingum.
Tímaritið I-D kemur út í dagog inniheldur átta blaðsíðna
viðtal við söngkonuna Björk
Guðmundsdóttur og meðlimi Sig-
ur Rósar. Blaðamaðurinn Ben
Reardon spjallaði við þau á veit-
ingastað á Íslandi þar sem þau
snæddu gellur og fylgdi þeim í
partí þar sem Björk gerði sér lít-
ið fyrir og smellti Justin Timber-
lake á fóninn og tók lagið með
Jónsa.
Í viðtalinu lýsir Björk meðal
annars aðdáun sinni á tónlist Sig-
ur Rósar sem hljómsveitin samdi
ásamt Radiohead fyrir dansarann
Merce Cunningham. Verkið ber
heitið Ba Ba, Ti Ki, Di Do og kem-
ur út þann 16. júní. Það kemur
fram í greininni að þó að Björk og
Sigur Rós hafi vitað hvort af öðru
og stundum tjattað saman í partí-
um þá hafi þau aldrei hist til að
ræða saman sérstaklega fyrr en
við þetta tækifæri. Þau útiloka
ekki samstarf í framtíðinni og
Björk viðurkennir að henni líði
svolítið eins og hún sé gamla
frænka Sigur Rósar manna og
þeirra íslensku hljómsveita sem
eru að stíga sín fyrstu spor er-
lendis.
Björk og meðlimir Sigur Rósar
spjalla vítt og breitt í viðtalinu um
allt frá tónlist til íslensks skamm-
degisþunglyndis. ■
McDonald’s og
rauði dregillinn
ÍSLEIFUR B. ÞÓRHALLSSON
Tarantino, Michael Moore og Beckham-hjónin í Cannes eru meðal þeirra sem Ísi kom
auga á í Cannes.
MIKIÐ ER VALD BLÓMANNA
Á Blómaverkstæði Binna á Bergstaðastrætinu hefur einhver tekið sig til og merkt búðina
betur, svo ekki verði um villst að hér sé um blómabúð að ræða. Margir eru mjög ósáttir
við svona veggjakrot en aðrir sjá listina blómstra.
HRÓSIÐ
...fær Strætó Bs. fyrir að láta
ekki olíuverðið buga sig.
BJÖRK OG SIGUR RÓS
Ljósmyndir Ara Magg prýða viðtalið við Björk og Sigur Rós í tímaritinu I-D.
Stjörnuprýtt blað