Fréttablaðið - 27.05.2004, Blaðsíða 20

20 27. maí 2004 FIMMTUDAGUR
KOMU DALAI LAMA FAGNAÐ
Átta munkar frá Tíbet dansa þjóðdans í
Edinborg. Eru þeir að æfa fyrir komu þjóð-
höfðingjans Dalai Lama sem sækir
Bretland heim í þessari viku.
Ráðherra Hagstofu Íslands:
Fjöldi ófeðraðra
barna liggur ekki fyrir
ALÞINGI Ekki liggja fyrir tölvus-
kráðar upplýsingar um hversu
mörg börn, átján ára og yngri,
eru ófeðruð á Íslandi og hvort
þeim hafi fjölgað eða fækkað
hlutfallslega síðastliðin tuttugu
ár. Þetta kemur fram í svari ráð-
herra Hagstofu Íslands við fyrir-
spurn Rannveigar Guðmunds-
dóttur þingmanns. Kemur fram í
svari ráðherra að ekki þyki ger-
legt að ráðast í svo umfangs-
mikið verk, en könnun sem Hag-
stofan gerði árið 1999 gefi hald-
góða vísbendingu um stöðu
þessara mála hér á landi. Könn-
unin náði til áranna 1996–1998 en
þá voru árlega þrettán til fjórtán
börn ófeðruð við fæðingu, eða
0,30–0,34 prósent af fæddum
börnum. Fimm til sjö þessara
barna voru enn ófeðruð við ára-
mót 1999–2000, eða 0,12–0,19 pró-
sent af fæddum börnum. Í svari
ráðherra er einnig bent á þau ný-
mæli í barnalögum um skyldu
móður til að feðra barn sitt við
fæðingu og rétt föður til að höfða
mál á hendur móðurinni sé
barnið ekki feðrað. ■
Byrja yngri að sofa
hjá og smitast fyrr
Skýringin á því að svo miklu fleiri konur en karlar í tilteknum aldurshópi smitast af klamidíu
er sú að stelpurnar byrja fyrr að stunda kynlíf og sofa hjá eldri strákum.
Með hækkandi aldri jafnast tíðnin út.
HEILBRIGÐISMÁL „Skýringin á því
að svo miklu fleiri konur en
karlar í tilteknum aldurshópi
smitast af klamidíu er sú að
stelpurnar byrja fyrr að stunda
kynlíf og sofa hjá eldri strákum.
Þær smitast því yngri, en með
hækkandi aldri jafnast þetta
nokkuð út,“ sagði Guðrún Sig-
mundsdóttir, læknir og starfs-
maður landlæknisembættisins,
spurð um hvernig stæði á þess-
um mikla mun á aldrinum 15–19
ára. Samkvæmt tölum frá land-
læknisembættinu reyndust 86
karlar á móti 297 konum í þess-
um aldurshópi smituð af klamid-
íu á árinu 2003. Meðfylgjandi
tafla sýnir hvernig tíðnin
breytist með hækkandi aldri.
„Svo getur einnig haft ein-
hver áhrif að það er meira leitað
hjá stelpunum þegar þær koma í
skoðun út af einhverju öðru,“
sagði Guðrún.
Hún sagði að konur fyndu síð-
ur fyrir einkennum en karlar.
Klamidía lýsti sér með sviða við
þvaglát og með útferð. Meðferð-
in væri einföld og fælist í því að
viðkomandi væri gefið tiltekið
sýklalyf. Hún bæri yfirleitt góð-
an árangur. Þó léki grunur á að í
sumum tilfellum, þar sem fólk
væri að greinast aftur, gæti ver-
ið um endursýkingu að ræða.
Það væri til rannsóknar nú.
„Það er mjög mikilvægt, ef
grunur leikur á að um klamidíu-
sýkingu sé að ræða, að viðkom-
andi fari til læknis og láti at-
huga sig,“ sagði Guðrún. „Það er
ekki síður mikilvægt að konur
séu vakandi fyrir þessu, því
langvarandi klamidíusýking
getur leitt til ófrjósemi. Hún
getur valdið sýkingu í eggja-
leiðurum og þar með ófrjó-
semi.“
Landlæknisembættið hefur
einnig tekið saman tölur um
tíðni lekanda hér á landi.
„Hann er miklu sjaldgæfari
hér heldur en klamidía,“ sagði
hún. „Það koma upp einstaka til-
felli á ári hverju, en þau eru inn-
flutt. Klamidían er því miklu
stærra vandamál heldur en lek-
andinn.“ jss@frettabladid.is
Sænska póstþjónustan:
Varúð
sprengja
STOKKHÓLMUR, AP Sænska póst-
þjónustan kom póstböggli til skila
þrátt fyrir að á hann hefði verið
límd sprengjuviðvörun. Böggull-
inn var merktur í bak og fyrir
með merkimiðum sem á stóð
„Varúð, sprengja“ og „Passaðu
þig“. Pakkanum var þó komið
vandræðalaust til skila og ekki
kallað á lögregluna. Forsvars-
menn fyrirtækisins lýstu þó yfir
að ekki ætti að endurskoða örygg-
isreglurnar sem unnið er eftir.
Móttakandi böggulsins kallaði
á lögregluna sem rannsakaði
böggulinn. Í ljós kom að engin
sprengja var í bögglinum heldur
einungis skópar. ■
Bretaprins:
Hittir
Dalai Lama
LONDON, AP Karl Bretaprins mun
hitta Dalai Lama í þessari viku en
þá mun Dalai Lama sækja Bret-
land heim.
Dalai Lama, útlægur þjóðar-
leiðtogi Tíbeta, sat fund með um
50 meðlimum tíbeska samfélags-
ins á Bretlandseyjum í gær.
„Stuðningur prinsins við Dalai
Lama er vel þekktur,“ sagði tals-
maður prinsins. „Árum saman
hefur hann haft áhyggjur af að-
stæðum Tíbeta og er hrifinn af til-
raunum Dalai Lama til þess að
leita að friðsamlegri lausn.“
Dalai Lama hyggst einnig hitta
utanríkisráðherrann Jack Straw
og ferðast til Liverpool, Edinborg-
ar og Glasgow. ■
KARL BRETAPRINS
Mun hitta Dalai Lama síðar í þessari viku.
M
YN
D
A
P
■ LÖGREGLUFRÉTTIR
TVÖ UMFERÐARSLYS Á STUTTUM
TÍMA Tilkynnt var um tvö um-
ferðarslys á sjöunda tímanum á
þriðjudag í Reykjanesbæ. Fyrra
slysið átti sér stað á Reykjanes-
braut fyrir ofan Innri-Njarðvík
og var ökumaðurinn fluttur á
sjúkrahús, Bifreiðin er talin ónýt.
Nokkrum mínútum seinna var til-
kynnt um slys á mótorkrossbraut
við Grindavíkurveg. Ökumaður á
torfæruhjóli hafði dottið og lent
undir hjólinu. Maðurinn reyndist
fótbrotinn og var fluttur á
sjúkrahús.
TÖLUR UM TÍÐNI KLAMIDÍU
Ár 1997 1997 1998 1998 1999 1999 2000 2000 2001 2001 2002 2002 2003 2003
Kyn 1 2 1 2 1 2 1 2 1 2 1 2 1 2
Karlar Konur Karlar Konur Karlar Konur Karlar Konur Karlar Konur Karlar Konur Karlar Konur
Aldursbil
10–14 0 3 0 1 0 4 0 4 0 4 0 6 1 3
15–19 94 338 98 321 94 340 94 343 121 417 114 437 86 297
20–24 275 324 245 305 257 338 302 404 353 425 323 498 291 383
25–29 96 102 97 92 163 124 149 146 150 158 159 148 141 123
SMITAST YNGRI
Stelpur smitast yngri af klamidíu
heldur en strákar, af því að þær
byrja fyrr að stunda kynlíf og
sofa hjá eldri strákum.
DAVÍÐ ODDSSON, RÁÐHERRA
HAGSTOFU ÍSLANDS
Söfnun upplýsinga um ófeðruð börn
þykir of umfangsmikil en líklegar
vísbendingar liggja fyrir.