Fréttablaðið - 27.05.2004, Blaðsíða 42
Afsakið... Við vorum blekkt.“Svo hljóðaði stríðsfyrirsögn
í breska dagblaðinu Daily
Mirror 15. maí þegar í ljós kom
að blaðið hafði birt falsaðar
myndir af meintum misþyrm-
ingum breskra hermanna gagn-
vart föngum í Írak. Sama dag
sagði Piers Morgan, ritstjóri
blaðsins, af sér.
Falsaðar myndir birtar
Í frásögn Sunday Times frá
16. maí segir frá rafmögnuðum
fundi Morgan með stjórn út-
gáfufélags Mirror. Stjórnend-
urnir tilkynntu honum að hann
nyti ekki lengur trausts þeirra
og hann þyrfti að fara. Samtímis
voru aðgangskort ritstjórans
tekin úr gildi og öryggisverðir
fylgdu honum út úr byggingunni
- í svo miklum flýti að ritstjór-
inn hafði ekki ráðrúm til þess að
sækja jakkann sinn.
Myndirnar sem Daily Mirror
birti sýndu breska hermenn
berja fanga og pissa á þá. Allt
frá því myndirnar komu fyrst
fram höfðu ritstjórar annarra
blaða og fulltrúar stjórnvalda
miklar efasemdir um að mynd-
irnar væru raunverulegar enda
benti margt til þess að þær
hefðu verið settar á svið. Það
sem hins vegar gerði það að
verkum að Morgan tók ákvörð-
un um birtingu var að í Banda-
ríkjunum höfðu komið fram
áþekkar myndir af misnotkun
þarlendra hermanna á íröskum
föngum.
Áróður gegn stríðinu
Daily Mirror hafði um nokkra
hríð setið á myndunum sem rit-
stjórnin kveðst hafa fengið frá
tveimur breskum hermönnum – og
mun hafa greitt hvorum um sig
fimm þúsund pund, um sjö hund-
ruð þúsund krónur, fyrir. Ákvörð-
unin um birtingu kom í kjölfar
myndbirtinganna í Bandaríkjun-
um en Daily Mirror hefur um mar-
gra mánaða skeið rekið mjög harð-
an áróður gegn stríðsrekstrinum í
Írak. Fjárfestar í útgáfufélagi
Daily Mirror munu hafa verið
orðnir uggandi yfir stefnu blaðsins
en myndbirtingin var þó kornið
sem fyllti mælinn enda því haldið
fram að með því að birta myndirn-
ar hafi ritstjórinn ekki aðeins vald-
ið blaði sínu skaða heldur hafi
hann einnig stofnað lífum sam-
landa sinna í Írak í aukna hættu.
Hent öfugum út
Sjálfur virðist Morgan ekki
hafa talið minnstu líkur á því að
myndbirtingin réði niðurlögum
hans í starfi. Morgan er einkar
sjálfsöruggur maður og skrautleg-
ur og það er til marks um æðru-
leysi hans, eða kæruleysi, að dag-
inn sem hann var rekinn úr starfi
hélt hann risavaxið hóf á heimili
sínu þar sem hann datt hressilega í
það ásamt nánustu stuðnings-
mönnum og vinum. Frá þessu
greindi Sunday Times og rifjar
upp þau ummæli Morgan að hann
hafi það sem sið að halda upp á
hræðileg mistök með miklu magni
af áfengi – með því móti komist
hann hjá því sökum þynnku að
muna eftir því hver glæpur hans
hafi verið.
Varð ritstjóri 28 ára
Saga Morgan er fyrir margar
sakir áhugaverð. Blaðamennsku-
ferlinn hóf hann með því að skrifa
um skemmtanaiðnaðinn í The Sun
undir stjórn Kelvin MacKenzie
sem er einhver þekktasti dag-
blaðaritstjóri Bretlands í seinni
tíð. Hann var ráðinn sem ritstjóri
götublaðsins News of the World
þegar hann var tuttugu og átta ára
og tæpum tveimur árum síðar, árið
1995, var hann ráðinn sem ritstjóri
Daily Mirror.
Á ferli sínum hefur hann, eins
og vænta má um mann í hans
stöðu, valdið miklum úlfaþyt með
reglulegu millibili meðal annars
fyrir ónærgætna umfjöllun um
bresku konungsfjölskylduna.
Flestir munu þó vera sammála um
að honum hafi tekist að stýra Daily
Mirror nokkuð vel á þeim árum
sem hann var þar við stjórnvölinn
meðal annars með því að gera
blaðið „alvarlegra“ í kjölfar
hryðjuverkaárásanna 11. septem-
ber 2001. Í kjölfarið hefur blaðið
þrisvar í röð verið valið „blað árs-
ins“ í Bretlandi og starfsmenn
hans voru mjög ánægðir þótt lest-
ur blaðsins hafi minnkað í
ritstjórnartíð hans.
Í rimmu við Blair
Vegna harðrar gagnrýni Daily
Mirror á Íraksstríðið hefur verið
stirt í millum ritstjórans og skrif-
stofu Tonys Blair forsætisráð-
herra þrátt fyrir að blaðið fylgi
Verkamannaflokki Blairs einarð-
lega að málum. Stuðningur blaðs-
ins við flokkinn er því langt frá því
að vera skilyrðislaus og margir
telja að Morgan sé meiri stuðn-
ingsmaður Gordons Brown fjár-
málaráðherra, og líklegs arftaka
Blairs, heldur en forsætisráð-
herrans sjálfs. Við þetta bætist
andúð Cherie Blair á ritstjóranum
en Morgan hefur ítrekað lýst því
hvernig eiginkona forsætis-
ráðherrans hafi gert tilraunir til
þess að koma honum úr starfi.
Þjóðremba og ónærgætni
Eitt fyrsta hneykslið sem skók
ritstjórastarf hans var fyrirsögn
blaðsins daginn sem England og
Þýskaland áttust við í Evrópu-
keppninni árið 1996. „Achtung! Sur-
render!“ - eða „Varúð! Gefist upp!“
– þótti þjóðrembingsleg og ónær-
gætin í meira lagi. Morgan baðst
afsökunar á þessari fyrirsögn.
Annað hneyksli var nálægt því
að binda endi á feril Morgan sem
ritstjóra Mirror. Það var í kringum
uppganginn á hlutabréfamörkuð-
um síðari hluta tíunda áratugarins.
Þá var hann sakaður um að hafa
gripið tækifærið og hagnast ólög-
lega með því að nýta sér upplýs-
ingar úr víðlesnum viðskiptadálki
blaðsins. Tveir blaðamenn voru
reknir í kjölfar þessara ásakana en
ekkert hefur sannast á Morgan.
Arsenal heimsmeistari
Mikill og einlægur áhugi
Morgan á knattspyrnu hefur oft-
ar vakið athygli. Í febrúar 2004
svarar Morgan spurningum les-
enda á heimasíðu Mirror. Þar
segir hann meðal annars frá þeir-
ri forsíðufyrirsögn sem hann er
hvað ánægðastur með á ferli sín-
um hjá blaðinu. Þetta var daginn
eftir að Frakkar unnuð heims-
meistaramótið í knattspyrnu árið
1998. Þá gaf Mirror út aukablað í
norðurhluta London, á heima-
svæði Arsenal knattspyrnuliðs-
ins. Á forsíðu blaðsins var mynd
af Frökkunum Patrick Viera og
Emmanuel Petit þar sem þeir
fögnuðu marki hins fyrrnefnda.
Fyrirsögnin var: „Arsenal vinnur
heimsmeistarakeppnina“. En
bæði Viera og Petit léku þá með
Arsenal en Morgan er eldheitur
stuðningsmaður Englandsmeist-
aranna.
200 millur fyrir þögnina
Samkvæmt fréttum í Bretlandi
mun Piers Morgan eiga von á um
tvö hundruð milljónum króna frá
útgáfufélagi Daily Mirror en það
mun háð því að hann valdi ekki
auknum usla og haldi sig á mott-
unni gagnvart fyrrum vinnuveit-
endum og samstarfsmönnum. Lík-
legt er að hann muni reyna að
hasla sér völl í sjónvarpi. ■
30 27. maí 2004 FIMMTUDAGUR
GUITAR ISLANCIO
á Argentínu
Næstu fimmtudaga spila þjóðþekktir
tónlistarmenn jazz og suður ameríska tónlist í bland.
27. maí
Guitar Islancio
Björn Thoroddsen
Gunnar Þórðarson
Jón Rafnsson
Í tilefni þessara tónlistarkvölda höfum við sett saman 3ja rétta
kvöldverð og kynnum vín frá argentínska framleiðandanum
Catena: www.catenawines.com
Matseðill
Snöggsteikt risahörpuskel og humar á ratatouille með humarsósu
Grilluð nautasteik með bakaðri kartöflu og Béarnaise sósu
Frosin Tiramisu með sætu hindberjamauki
Kaffi
kr. 4.900.-
Verið velkomin
Borðapantanir í síma 551 9555 eftir kl. 14:00
e-mail: salur@argentina.is
Skrautlegum
ritstjórnarferli lokið
Piers Morgan var látinn taka pokann sinn eftir að blað hans birti falsaðar myndir af niðurlægingu íraskra
fanga. Þetta var þó ekki í fyrsta skipti sem þessi litríki ritstjóri olli úlfaþyt. Hann varð ritstjóri News of the
World 28 ára og sennilega þekktasti ritstjóri Bretlands um marga áratuga skeið.
PIERS MORGAN
Það kom honum á óvart þegar hann var
látinn fara frá Daily Mail.
HIÐ LJÚFA LÍF RITSTJÓRANS
Morgan hóf feril sinn í blaðamennsku með umfjöllun um fræga fólkið í skemmtana-
iðnaðinum og eignaðist vini í þeirra hópi. Hér skenkir Sting honum kampavín um borð í
Concorde-flugvél á leið frá Lundúnum til New York.
Eitt fyrsta hneykslið
sem skók ritstjóra-
starf hans var fyrirsögn
blaðsins daginn sem Eng-
land og Þýskaland áttust við
í Evrópukeppninni árið
1996. „Achtung! Surrender!“
– eða „Varúð! Gefist upp!“ -
þótti þjóðrembingsleg og
ónærgætin í meira lagi.
Morgan baðst afsökunar á
þessari fyrirsögn.
,,