Fréttablaðið - 27.05.2004, Blaðsíða 47
35FIMMTUDAGUR 27. maí 2004
Sviptingar hjá Atletico
Madrid:
Manzano
endurnýjar
ekki
FÓTBOLTI Þjálfari spænska knatt-
spyrnuliðsins Atletico Madríd,
Gregorio Manzano, mun ekki end-
urnýja samning sinn við félagið.
Þetta var sameiginleg ákvörðun
hans og forráðamanna Madrídar-
liðsins en árangur þess í vetur olli
nokkrum vonbrigðum. Manzano
tók við stjórnartaumnum síðast-
liðið haust og liðið stefndi hátt en
endaði að lokum í sjöunda sæti
deildarinnar og komst ekki í
UEFA-keppnina.
Manzano sagðist hafa tekið
ákvörðun um að yfirgefa Atletico
eftir leiktíðina fyrir um það bil
tveimur mánuðum síðan og fannst
rétt að halda á önnur mið: „Það
var mikil spenna í gangi í vetur og
oft var andrúmsloftið erfitt. Það
skiptust á skin og skúrir en ég
vona bara að eitthvað gott komi út
úr þessari leiktíð.“
Ekki er búið að ráða eftirmann
Manzano en sjálfur er hann orðað-
ur við þjálfarastöðuna hjá
Malaga.
Á sama tíma var einnig til-
kynnt að argentínski markvörð-
urinn German Burgos yfirgæfi
einnig herbúðir Atletico Madrid
en hann hefur verið þar síðan
2001. ■
Nýr samstarfssamningur kvennalandsliðanna og Íslandspósts:
Hvatning fyrir komandi leiki
FÓTBOLTI Knattspyrnusamband Ís-
lands og Íslandspóstur hafa gert
samstarfssamning til næstu fjög-
urra ára en fyrirtækið verður sér-
stakur styrktaraðili A-landsliðs
kvenna sem og U-21 árs liðsins, U-
19 og U-17. Íslandspóstur er þar
með fyrst íslenskra fyrirtækja til
að styrkja sérstaklega kvenna-
landsliðin og er það vel.
Framundan eru tveir mikil-
vægir leikir í forkeppni Evrópu-
mótsins, gegn Ungverjum ytra
eftir fjóra daga og svo heimaleik-
ur gegn Frökkum 2. júní og Hel-
ena Ólafsdóttir landsliðsþjálfari,
tilkynnti leikmannahópinn fyrir
þá leiki um leið og skrifað var
undir samninginn. Hún var að
vonum ánægð með þennan áfanga
sem samningurinn er og sagði
hann til marks um aukinn áhuga í
kjölfar mikilla framfara í
kvennaknattspyrnunni:
„Þetta er mjög jákvætt fyrir
kvennaknattspyrnuna hér á landi
og einhvern tímann hefði þurft að
grafa þá upp sem hefðu verið til-
búnir að styðja við bakið á
kvennalandsliðinu. Þetta sýnir
svart á hvítu að kvennaknatt-
spyrnan er alltaf að öðlast meiri
og meiri virðingu og landslagið
fyrir okkur sem erum búnar að
standa í þessu lengi er allt annað
og miklu betra í dag en það var
fyrir ekki svo ýkja mörgum árum.
Góður árangur landsliðsins hefur
vakið mikla athygli og þegar vel
gengur hrífast fleiri með og þá er
deildin hér heima alltaf að styrkj-
ast og við erum að sjá fleiri flotta
leiki og fólk er kannski bara að
uppgötva það að konur geta spilað
fótbolta og gert það vel. Þessi
samningur hvetur okkur í kom-
andi leikjum gegn Ungverjum og
Frökkum og sem fyrr er mark-
miðið það að komast í umspil,“
sagði Helena Ólafsdóttir við
Fréttablaðið. ■
HÓPURINN
Markverðir
Þóra B. Helgadóttir KR
María B. Ágústsdóttir KR
Aðrir leikmenn
Olga Færseth ÍBV
Erla Hendriksdóttir (F) Breiðablik
Edda Garðarsdóttir KR
Guðrún S. Gunnarsdóttir KR
Laufey Ólafsdóttir Valur
Íris Andrésdóttir Valur
Málfríður E. Sigurðardóttir Valur
Hrefna H. Jóhannesdóttir Medkila IL
Dóra Stefánsdóttir Valur
Margrét Lára Viðarsdóttir ÍBV
Hólmfríður Magnúsdóttir KR
Björg Ásta Þórðardóttir Breiðablik
Erna B. Sigurðardóttir Breiðablik
Rakel Logadóttir Valur
Dóra María Lárusdóttir Valur
Embla S. Grétarsdóttir KR
HELENA ÓLAFDÓTTIR
Fagnar nýjum samningi og segir stefnuna
setta á að komast í umspil fyrir Evrópu-
mótið.
Karlalandsliðið í handbolta:
Tapaði fyrir Grikkjum
HANDBOLTI „Þetta var betri leikur
en gegn Austurríkismönnum en
ekki nægilega góður til að vinna
þá,“ sagði Guðmundur Guð-
mundsson, landsliðsþjálfari í
handbolta.
„Það sem gerði það að verkum
að við unnu ekki var að við fórum
illa með mörg dauðafæri og gekk
illa að skora utan af velli. Vörnin
var á köflum alveg prýðileg.“
Íslendingar töpuðu 25-23 fyrir
Grikkjum í æfingarleik í Aþenu í
gær. Íslendingar voru lengstum
yfir og leiddu 19-16 þegar langt
var liðið á leikinn.
Gylfi Gylfason og Guðjón Val-
ur Sigurðsson skoruðu fimm
mörk hvor, Rúnar Sigtryggson
þrjú, Dagur Sigurðsson, Ólafur
Stefánsson, Jeliesky Garcia og
Róbert Sighvatsson skoruðu tvö
mörk hver og Patrekur Jóhannes-
son og Einar Örn Jónsson eitt
hvor.
Birkir Ívar Guðmundsson
varði átta skot í fyrri hálfleik, en
meiddist á hné og stóð Björgvin
Björgvinsson vaktina í seinni
hálfleik og varði fjögur skot.
Íslendingarnir fara til Ítalíu í
dag og leika við heimamenn á
laugardag um laust sæti á HM í
Túnis á næsta ári. „Það er ljóst að
við þurfum að sníða heilmarga
vankanta af leik liðsins.“ sagði
Guðmundur Guðmundsson eftir
leikinn í gær. ■
Önnur umferð norsku bikarkeppninnar í gærkvöld:
Gylfi skoraði þrennu
FÓTBOLTI Gylfi Einarsson skoraði
þrennu í fyrri hálfleik þegar Lille-
strøm vann Lillehammer 8-0 í 2.
umferð norsku bikarkeppninnar í
gær. Gylfi skoraði tvisvar með
skalla og eitt mark með einstak-
lingsframtaki.
Stabæk lenti í vandræðum með
Ullensaker/Kisa, félag Teits Þórð-
arsonar, en náði að sigra 3-2. Veig-
ar Páll Gunnarsson kom inn í lið
Stabæk í síðari hálfleik og skoraði
eitt mark og lagði upp annað.
Hannes Þ. Sigurðsson skoraði
síðasta mark Viking sem burstaði
Torvastad 7-0 og Ólafur Örn
Bjarnason lék allan leikinn með
Brann sem vann Norheimsund
5-0. Jóhannes Harðarson lék einn-
ig allan leikinn þegar Start vann
Tollnes 6-0. ■
GUÐJÓN VALUR SIGURÐSSON
Skoraði fimm mörk gegn Grikkjum.
GYLFI EINARSSON
Þrenna í fyrri hálfleik gegn Lillehammer.
FÓTBOLTI Porto varð Evrópumeistari
í annað sinn í gær eftir 3-0 sigur á
Monaco í úrslitaleik Meistaradeild-
ar UEFA. Porto skoraði fyrsta
markið skömmu fyrir leikhlé og
gerði út um leikinn með tveimur
mörkum með stuttu millibili seint í
síðari hálfleik.
Carlos Alberto skoraði fyrsta
markið á 39. mínútu. Paulo Ferreira
sendi boltann inn í teiginn af hægri
kanti og hrökk boltinn af Andreas
Zikos, varnarmanni Monaco, til
Carlos Alberto sem skoraði með
skoti úr miðjum vítateig.
Eftir klukkutíma leik fór Carlos
Alberto af velli og kom Rússinn
Dmitry Alenitsjev inn í lið Porto í
stað hans. Það skilaði fljótlega
tveimur mörkum. Á 71. mínútu
skoraði Deco eftir skyndisókn.
Deco lék með boltann upp völlinn
og sendi hann til Alenitsjev á
vinstri kantinum sem sendi boltann
aftur til Decos sem skoraði með
skoti úr miðjum vítateig. Fjórum
mínútum síðar skoraði Alenitsjev
eftir aðra skyndisókn Porto. Derlei
sendi boltann inn fyrir vörn
Monaco og Alenitsjev komst einn
upp að markinu og skoraði með
föstu skoti framhjá Flavio Roma í
marki Monaco.
José Mourinho, þjálfari Porto,
hefur að undanförnu verið orðaður
við Chelsea. Hann sagði að úrslita-
leikurinn hefði verið síðasti leikur
sinn með Porto. „Mig langar að fara
til Englands,“ sagði Mourinho.
„Umboðsmaður minn hefur átt í
viðræðum við eitt félag og ég að
litlu leyti líka. Ég hef gefið félaginu
loforð og ég mun ekki skipta um
skoðun.“ ■
PORTO FAGNAR
Deco fagnar marki sínu gegn Monaco. Til
vinstri er Dmitry Alenitsjev sem skoraði
þriðja mark Porto og átti stóran þátt í
marki Deco.
Porto Evrópumeistari
Porto sigraði Monaco 3-0 í úrslitaleik Meistaradeildarinnar. José Mourinho, þjálfari Porto,
er líklega á leið til Chelsea.