Fréttablaðið - 27.05.2004, Blaðsíða 48
36 27. maí 2004 FIMMTUDAGUR
FÓLK Madonna hefur hafið tón-
leikaferð um Bandaríkin og
Evrópu. Áður höfðu sögur gengið
um ögrandi sviðsframkomu,
stríðsmyndir og sterkan boðskap.
Það var því mikil spenna ríkjandi
fyrir þessa fyrstu tónleika í
margra vikna tónleikaferð.
Madonna tók mörg af sínum
eldri og frægari lögum á tón-
leikunum svo sem Into the
Groove, Holiday, Vogue og
Material Girl, auk þess sem Like a
Prayer var leikið í gospelútgáfu
og Papa Don’t Preach var undir
skoskum áhrifum með sekkja-
pípur sem aðalhljóðfæri.
Madonna snerti margar við-
kvæmar taugar með myndrænum
skilaboðum sínum gegn stríðs-
rekstri. Lengst af var myndum af
stríði, sprengjum og slösuðum
börnum varpað á risavaxið tjald á
sviðinu meðal annars þegar söng-
konan tók lag John Lennon,
Imagine.
Á meðan á tónleikunum stóð
olli pólitískur áróður Madonnu oft
miklum fagnaðarlátum en eftir að
tónleikunum lauk mátti heyra efa-
semdaraddir meðal áhorfenda.
Einn þeirra sagði að ákvörðun
Madonnu að gerast pólitísk á tón-
leikum sínum væri eins og að páf-
inn stofnaði rokkhljómsveit, þetta
færi einfaldlega ekki saman.
Madonna orðin pólitísk
MADONNA
Söngkonan hefur hafið tónleikaferð sína.
Á myndinni er hún með dönsurum sínum
á tónleikum í LA.
Mike Patton er aðalsprauta
hljómsveitarinnar Fantomas,
sem mun sjá um að hita upp fyrir
Korn í næstu viku. Mike fæddist
í Eureka í Kaliforníu 27. janúar
1968. Hann uppgötvaði raddbönd
sín ungur að árum og í gagn-
fræðaskóla stofnaði hann hljóm-
sveitina Mr Bungle ásamt
nokkrum félögum. Tilrauna-
mennskan og framúrstefnan var
aðalsmerki Mr Bungle og vakti
hljómsveitin verðskuldaða at-
hygli í San Francisco. Patton
varð seinna á vegi liðsmanna
Faith No More, sem urðu yfir sig
hrifnir af stráknum og réðu hann
í stað söngvara síns, Chuck Mosl-
ey, sem hafði lengi verið hljóm-
sveitinni til trafala.
Skemmst er frá því að segja
að Faith No More sló í gegn svo
um munaði og á glæsilegan feril
að baki. Árið 1998 sagði Patton
hingað og ekki lengra og hljóm-
sveitin lagði upp laupana eftir 10
ára feril.
Með buxur á hælum
Mér að óvörum hringdi síminn
snemma á þriðjudegi og á núm-
erabirtinum var erlent númer.
„Hver skyldi þetta vera?“ hugsaði
ég með mér um leið og ég svaraði.
„Halló. Þetta er Mike Patton.“
Magnaður bransi. Tveimur vikum
eftir áætlaðan viðtalstíma hringir
kallinn og spyr hvort ég sé reiðu-
búinn að taka viðtalið? „Það held
ég nú,“ segi ég, eins fjarri sann-
leikanum og það getur orðið.
Spurningalistinn í töskunni heima
og viðtalið löngu farið úr vitund-
inni.
Hvernig líður þér svo að vera á
leið til Íslands?
„Mér líður alveg ævintýralega
með það,“ svarar Patton. „Ég er
búinn að hlakka mikið til og mér
skilst á vinum mínum að þar sé
nóg um að vera.“
Þetta er einstaklega geðugur
náungi og kemur mér á óvart
hversu fróð rokkstjarnan er um
landið. Talið berst snemma frá Ís-
landi og að Grænlandi. „Græn-
land er ísi lagt meðan Ísland er
grænt,“ staðhæfir söngvarinn.
„Félagar mínir segja mér að það
sé tvennt sem ég verði að gera;
fara á Humarhúsið og í Bláa lónið.
Svo er planið að kíkja á næturlífið
og jafnvel eitthvað út á land, að
þefa uppi einhver skemmtileg-
heit.“
En fyrir þá sem ekki þekkja til,
hver er sagan á bak við Fantom-
as?
„Hún er sáraeinföld. Ég hef
alltaf haft troðfulla hauskúpu af
tónlist. Ég varð einhvern veginn
að koma þessu öllu frá mér og
hafði samband við nokkra gaura
sem einhverra hluta vegna voru
til í að spila þetta. Þannig byrjaði
þetta. Það er ekki á allra færi að
leika svona tónlist“
Er það þess vegna sem Dave
Lombardo úr Slayer sér um að
tromma í bandinu?
„Já! Engin
spurning. Finndu
einhvern sem
getur spilað
svona stöff eins
og hann gerir.
Hann er ótrúleg-
ur trymbill. Einn
sá allra besti í
b r a n s a n u m , “
segir Patton með
aðdáunartón. „Í
byrjun var allt á
fullu í tónlistar-
sköpun okkar.
Svo fórum við að-
eins að hægja á
okkur og leituð-
um inn í nýja
strauma. Það er
ómögulegt að
segja hvað gerist
næst í þessu
bandi.“
Að hvaða leyti
hefur tónlistin
breyst?
„Fyrst um
sinn var þetta
svona „cut ‘n’
paste“ fílingur.
Mikið að gerast á
sama tíma. Þar
var ég að gera
upp áhrifavalda
sem teygðu anga
sína inn í
dauðarokk og
hardcore tón-
list.“
Hvað kom til
að hljómsveitin
var fengin til að
hita upp fyrir Korn?
„Þetta er eitt af þessum furðu-
legu atvikum í lífinu. Reyndar er
ég mjög fylgjandi því að skapa
svona nett óþægilegar aðstæður.
Böndin eru náttúruelga svart og
hvítt hvað allt varðar og verður
gaman að sjá viðbrögð fólks við
því. Ég hef haft mjög gaman af
þessum stutta túr um Evrópu.
Þetta verður líka okkar síðasta
gigg á túrnum þannig að við verð-
um í hátíðarskapi.“
Drykkja orðin ólympíu-
grein?
Patton og félagar hafa verið
grimmir við að æfa undanfarið.
En ekkert endilega tónlist ein-
göngu. „Mér skilst að drykkjusið-
ir ykkar Íslendinga séu nánast
eins og Ólympíuleikar,“ segir
söngvarinn. „Ég hef einmitt verið
að undirbúa mig grimmt hvað
þetta snertir og ætla að vera í
toppformi þegar ég mæti til
leiks.“
Hann segist þó ekkert vera
neinn vandræðagripur. Hann er
hræddari við að lenda í steininum
af öðrum ástæðum. „Ég er gríðar-
lega spenntur fyrir að smakka
hval- og hákarlakjöt en er með
þær sögur í farteskinu að hval-
veiðar séu ólöglegar. Verður mér
þá hent í fangelsi fyrir að biðja
um það?“ spyr Patton óupplýstur.
Ég finn mig knúinn til þess að
spyrja um afdrif Faith No More
og hvort það sé einhver möguleiki
á endurkomu?
„Ekki meðan ég dreg andann!“
svarar Patton beittur. „Og þú get-
ur prentað það hvar sem þú vilt,
kallinn minn!“
Patton veit greinilega hvað
hann vill.
smari@frettabladid.is
PP FORLAG
& MEÐLÆTI
PP FORLAG
PP FORLAG
KÍNVERSKIR RÉTTIR
PP FORLAG
PP FORLAG
PP FORLAG
www.ppforlag.is
FRÁBÆRAR
MATREIÐSLUBÆKUR!
Tilboð: Aðeins 990 kr. hver bók.
Kaupirðu 3 bækur, færðu þá fjórðu ókeypis.
TÓNLIST
FANTOMAS
■ Bandaríska þungarokksveitin
Fantomas hitar upp fyrir tónleika Korn
hér á Íslandi. Fréttablaðið spjallaði við
Mike Patton, höfuðpaur sveitarinnar.
Hvalkjöt og ólympíudrykkja
FANTOMAS
Er tilraunakennd metalsveit Mike Patton, sem segist ætla að slá
met í hvalkjötsáti og drykkju á Íslandi í næstu viku.
Magnet: On Your Side
„En sama hversu flottar útsetningarnar eru væri
þessi tónlist náttúrlega hundleiðinleg ef lagasmíð-
arnar væru ekki svona fínar. Lögin eru tilfinninga-
rík, ljúf, stutt er í depurðina og melódíurnar falleg-
ar. Þetta er byggt utan um þessa unaðslegu tilfinn-
ingu sem heldur okkar gangandi á dimmum
skammdegiskvöldum. Þegar við vitum að tilveran
er falleg, þrátt fyrir að vera myrk.“ BÖS
Adem: Homesongs
„Þetta er afslöppuð og letileg tónlist, sem getur oft
verið þrælnotaleg áheyrnar, svo framarlega sem
eitthvað er varið í lögin. Það er ekki uppi á
teningnum hér, sem er furðulegt því að á
Homesongs er ekkert sem sker í eyrun sem gæti
talist áberandi leiðinlegt. En þetta er langt frá því
að vera áberandi skemmtilegt og því oftar sem ég
hlusta á Adem, því meira fer bandið í taugarnar á
mér. Það lá við að ég dræpist meir og meir and-
lega við hverja hlustun á Homesongs. Þetta er vel
spilað, ágætlega sungið en engu að síður hund-
leiðinlegt. Hví að fá sér samloku þegar steikin bíð-
ur heima? Mæli frekar með böndum sem gera
svona tónlist almennilega.“ SJ
WEEZER
Goddamn you half-Japanese girls
Do it to me every time
Oh, the redhead said you shred the cello
And I’m jello, baby
But you won’t talk, won’t look, won’t
think of me
I’m the epitome of public enemy
Why you wanna go and do me like that?
Come down on the street and dance with
me
- Rivers Cuomo viðurkennir vanmátt sinn gegn
stúlkum ættuðum frá Japan í laginu El Scorcho af
bestu plötu Weezer, Pinkerton, frá árinu 1996.
Popptextinn
[ SMS ]
UM NÝJUSTU PLÖTURNAR