Fréttablaðið - 27.05.2004, Blaðsíða 64

SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S E G J U M F R É T T I R SM Á A U G L Ý S I N G A S Í M I N N E R 550 5000
Að reyna að
ræna eða ræna
til að reyna!
Æ, æ, æ, enn eitt bankaránið. Þaðvoru bankar hér árum saman
sem aldrei fengu heimsókn ræningja,
alla vega ekki í þeirri mynd sem við
þekkjum í dag.
AÐ GERAST bankaræningi er eitt-
hvað svo ótrúlega lélegur starfsferill.
Hver man ekki eftir ræningjaefninu
sem íklæddur íþróttamjúkbuxum varð
fyrir því að ráðagóður sparisjóðs-
bókareigandi hysjaði niður um hann,
þannig að hann var með bossann ber-
an fyrir framan viðskiptavini að
morgni dags. Að vera bankaræningi
er nefnilega svolítið eins og að vera
berrassaður að morgni dags.
TIL ÞESS að komast af í þessu
guðsvolaða samfélagi grípa menn því
miður oft til örþrifaráða. Sumir eru
snjallir og svindla smart og hljóta
fyrir það virðingu og verðugan sess,
meðan aðrir sem hugsa ekki lengra en
nebbinn nær eru alltaf á byrjunarreit.
En það eru ekki bara bankaræningjar
sem eru berrassaðir að morgni dags
heldur einnig þeir sem leggja metnað
sinn í að ræna annað fólk sjálfsögðum
réttindum.
AÐ REYNA að ræna eða að ræna
með reynslu, það er oft það sem skilur
milli feigs og ófeigs í þessum efnum.
Bankaræningjar hér áður fyrr, bæði á
meginlandi Evrópu og eins í Bret-
landi, voru heldur betur upplýstir og
oft var hreinlega hægt að rekja slóð
þeirra eftir einhverri góðri skáldsögu.
Þannig að enn og aftur komum við því
miður að því að hér á landi eru þeir
sem eru að reyna að vera eitthvað
sem þeir geta ekki staðið undir oftast
of illa menntaðir í sínum greinum.
Þess vegna ætti sá sem virkilega vill
verða ræningi að mennta sig í faginu,
í stað þess að sitja uppi með að vera
bara reyningi, eða sá sem reynir í
staðinn fyrir að vera sá sem rænir.
ÞAÐ ER nú ekki nóg með að einhver
hettuklæddur bófi stökkvi um með exi
við Gullinbrú heldur endurtók ævin-
týrið um hana Soffíu frænku sig á
dögunum. Auðvitað er Soffia frænka
ræstitæknir í nútímanum, hvað ann-
að? Það var einmitt það sem ræningj-
ana vantaði. Þessi Soffía sem lenti allt
í einu í Breiðholtinu um miðja nótt
hefði kannski kannast betur við sig í
Kardemommubænum? Það veit ég
ekkert um en hitt veit ég að það er
auðveldara að rekja það rán til bók-
menntanna heldur en axarskaftið við
Gullinbrú.
ELÍSABETAR BREKKAN
BAKÞANKAR