Fréttablaðið - 29.05.2004, Blaðsíða 8
8 29. maí 2004 LAUGARDAGUR
AUÐMAÐUR Á LEIÐ Í FANGELSI
Mikhail Khodorkovsky, auðugasti maður
Rússlands, mætti í réttarsal eftir að hafa
verið sjö mánuði í fangelsi en réttarhöld-
unum var strax frestað í tíu daga. Hann er
ákærður fyrir fjármálamisferli.
Milljóna-Svíinn var bæði með nýja og notaða seðla:
Grunur um uppruna fjársins
LÖGREGLUMÁL Milljónirnar tvær
sem fundust á sænskum manni í
Leifsstöð á föstudaginn fyrir rúmri
viku voru bæði í notuðum og nýj-
um seðlum. Maðurinn hafði dvalið
hér á landi síðan 6. apríl. Hann
hafði gist á ýmsum gistiheimilum,
bæði í Reykjavík og Kópavogi.
Þegar á dvölina leið leigði hann sér
herbergi, sem hann bjó í þar til
hann hugðist yfirgefa landið.
Maðurinn er fæddur í Tyrk-
landi, en með sænskan ríkisborg-
ararétt. Hann er grunaður um af-
brot af ýmsu tagi í ýmsum löndum.
Það var 21. maí sem maðurinn,
sem er um fimmtugt, var handtek-
inn í Leifsstöð. Hann var þá á leið í
flug til Bretlands. Hann reyndist
vera með 2 milljónir íslenskra
króna á sér, alla upphæðina í fimm
þúsund króna seðlum. Peningunum
hafði maðurinn komið fyrir í vös-
um sínum, bæði í jakka og buxum.
Handtökuna bar þannig að, að
óeinkennisklæddur lögreglumað-
ur veitti manninum eftirtekt.
Maðurinn var handtekinn og úr-
skurðaður í gæsluvarðhald til 26.
maí. Varðhaldið var síðan fram-
lengt til 11. júní.
Málið er í rannsókn hjá rann-
sóknarlögreglunni á Keflavíkur-
flugvelli. Hún verst allra fregna
af rannsókninni, en talið er að
milljónirnar tvær hafi verið
fengnar með vafasömum hætti.
Lögreglan hefur ákveðinn grun
um hvar maðurinn fékk pening-
ana og beinist rannsóknin að
ákveðnum aðilum hér á landi. ■
Friðarsamkomulag:
Gæti þýtt frið víðar
SÚDAN, AP Stjórnvöld í Súdan segja
friðarsamkomulag sem náðist við
uppreisnarmenn í suðurhluta
landsins vera til þess fallið að
auka líkur á friði í Darfurhéraði í
vesturhluta landsins.
Friðarsamkomulagið bindur
endi á 21 árs langt borgarastríð
sem hefur kostað meira en tvær
milljónir manna lífið, einkum
vegna hungursneyða. Uppreisnin í
Darfur, sem tengist hinum átökun-
um ekki, hófst á síðasta ári og hef-
ur kostað þúsundir lífið. Talsmenn
stjórnvalda segja aðild uppreisn-
armanna í suðri að ríkisstjórn von-
andi draga úr tortryggni uppreisn-
armanna í Darfur. ■
STRAND Ljóst er að skemmdir urðu
á skrokki vikurflutningaskipsins
Herness þegar það strandaði á
varnargarði við innsiglinguna í
Þorlákshöfn á miðvikudag. Vitað
var að stýri skipsins hefði laskast
en þegar kafað var meðfram skip-
inu síðdegis á fimmtudag komu
frekari skemmdir í ljós.
Ekki er búið að ákveða hvort
gert verði að skemmdum Herness
hér á landi eða hvort það verði
dregið til útlanda, að sögn Guð-
mundar Ásgeirssonar, stjórnarfor-
manns Nesskipa. „Það er verið að
afferma skipið og við tökum
ákvörðun um hvað skal gera að því
loknu,“ sagði hann í samtali við
Fréttablaðið í gær. Vikurinn sem
var um borð verður fluttur í annað
skip sem fermir það til Álaborgar,
en þangað var Hernes að leggja af
stað þegar það tók niðri á sand-
hrygg við innsiglinguna í Þorláks-
höfn.
Guðmundur treysti sér ekki til
að leggja mat á hversu mikið hið
fjárhagslega tjón væri: „Það er
heilmikið. Við fáum bara alls eng-
an meðvind í þessu máli.“ ■
Tónlistartorg Listahátíðar
í Kringlunni
Dagskrá
í dag kl. 14
Hundur í óskilum
Hjörleifur Hjartarson
og Eiríkur Stephensen.
TIL BRETLANDS
Svíinn var á leið í flug til Bretlands.
Banaslys á Spítalastíg:
Nafn hinnar
látnu
BANASLYS Konan sem lést í umferð-
arslysi síðastliðinn mánudag, eftir
að hafa orðið fyrir bíl á Spítalastíg
í Reykjavík, hét Unnur Sigurðar-
dóttir, til heimilis að Laufásvegi
25. Hún var 89 ára að aldri og læt-
ur eftir sig eina dóttur. ■
FRIÐARSAMKOMULAGI FAGNAÐ
Einni blóðugri borgarastyrjöld er að ljúka
en önnur nýlega hafin.
LANDSBJÖRG Björgunarskipið Einar
Sigurjónsson fór í gærmorgun til
aðstoðar sex tonna sómabáti sem
var vélarvana um 30 sjómílur
norðvestur af Hafnarfirði. Björg-
unarsveit Hafnarfjarðar barst
beiðni um aðstoð á tíunda tíman-
um í gærmorgun og dró Einar Sig-
urjónsson bátinn til hafnar. Talið
er að drifbúnaður bátsins hafi bil-
að og gat hann af þeim sökum ekki
komist af sjálfsdáðum til hafnar.
Gott veður var á þessum slóðum
og engin hætta á ferðum. ■
Björgunarskip sótti sex tonna bát:
Varð vélarvana
EINAR SIGURJÓNSSON
Björgunarskip Landsbjargar sótti sex tonna
sómabát sem varð vélarvana um 30 sjómíl-
ur norðvestur af Hafnarfirði í gærmorgun.
■ KJARAMÁL
SAMIÐ VIÐ LYFJAFRÆÐINGA SA
hafa samið við Lyfjafræðingafé-
lag Íslands vegna apóteka. Samn-
ingurinn, sem gildir til ársloka
2007, kveður á um 3,25 prósenta
upphafshækkun frá 1. júní.
Augusto Pinochet:
Sviptur
friðhelgi
CHILE, AP Dómstóll í Chile hefur úr-
skurðað að sækja megi Augusto
Pinochet, fyrrum einræðisherra,
til saka fyrir mannréttindabrot
sem voru framin í stjórnartíð hans.
Óvíst er þó að Pinochet þurfi að
svara til saka því hægt er að áfrýja
til hæstaréttar sem hefur áður
dæmt að Pinochet sé of hrumur til
að hægt sé að rétta yfir honum.
Fyrir tveimur árum sögðu
læknar að Pinochet gengi ekki
heill til skógar. Það ásamt því að
hann hefur þrisvar fengið hjar-
taslag, þjáist af gigt og sykursýki
varð til þess að ekki var réttað
yfir honum þá. ■
Hernes meira laskað:
Skemmdist á skrokki
HERNES VIÐ VARNARGARÐINN.
Ekki liggur fyrir hvort skipið verður lagfært hér heima eða dregið út.
FR
ÉT
TA
B
LA
Ð
IÐ
/P
JE
TU
R