Fréttablaðið - 29.05.2004, Blaðsíða 66

29. maí 2004 LAUGARDAGUR
■ FÓLK Í FRÉTTUM
Ég ætla að flytja verk sem mérþykja skemmtileg. Þau eru
flest skrifuð á 20. öldinni en eru
mjög ólík,“ segir Gyða Valtýsdótt-
ir, sem heldur útskriftartónleika í
Íslensku óperunni í dag.
Gyða var áður í hljómsveitinni
múm ásamt tvíburasystur sinni
en sagði skilið við sveitina fyrir
ári síðan og sneri sér alfarið að
sellóinu. Aðspurð hvort hún ætli
að halda áfram á sviði klassískrar
tónlistar segir Gyða að eitt sé víst,
að hún muni halda áfram að leika
á sellóið. „Ég er hins vegar ekki
alveg tilbúin að halda mig algjör-
lega á klassísku línunni. Það er
hins vegar rosalega stórt gat á
milli þess að vera klassískur og
einhvern veginn öðruvísi tónlist-
armaður en ég ætla að reyna að
brúa bilið þarna á milli.“
Framtíðin er óráðin hjá Gyðu
en hún segist litlar áhyggjur hafa
af því. „Ég er örlagatrúar og bíð
bara eftir að þau taki í taumana og
flytji mig þangað sem ég á að
lenda. Ég sótti um hjá kennara í
Berlín en hann dó þannig að örlög-
in eru greinilega byrjuð að vinna í
málinu.“
Meðal verka sem flutt verða á
tónleikunum eru Áróra og Úrverk
sem Gyða samdi fyrir um tveimur
árum. „Ég var þá á ferðalagi mínu
með múm sem fólust oft í löngum
rútuferðum. Þetta eru samt ekki
beint tónverk en heldur ekki lög, ég
myndi kalla þetta tónföndur.“ ■
Örlögin taka í taumana
GYÐA VALTÝSDÓTTIR
Gyða var áður í hljómsveitinni múm en
útskrifast nú sem sellóleikari. Hún heldur
útskriftartónleika í Íslensku óperunni í dag
klukkan 18.
■ ÚTSKRIFTARTÓNLEIKAR
■ SJÓNVARP
Við fengum Ölgerðina í sam-starf með okkur og ætlum að
ráða starfsmann í júní, júlí og
ágúst sem á að vinna við það að
gera eingöngu skemmtilega
hluti,“ segir Steinn Kári Ragnars-
son dagskrárstjóri á Popptíví.
„Við erum að leita að 17-20 ára
strák eða stelpu sem fær að fara í
fallhlífarstökk, í gókart, versla föt
eða gera það sem viðkomandi
finnst skemmtilegast. Mann-
eskjan flakkar svo á milli þátta á
Popptíví, tekur áskorun í 70 mín-
útum og fer á tónleika, í bíó eða
prófar tölvuleiki til að ræða um á
Pikktívi, Geimtíví og Sjáðu. Svo
verður jafnvel farið í einhverjar
tónleikaferðir til útlanda.“
Það verður séð til þess að nóg
verði um að vera hjá þeim sem hlýt-
ur starfið. „Mig hefur alltaf dreymt
um vinnu þar sem maður getur ver-
ið í fullu starfið við að gera allt það
sem maður vill og það er það sem
þetta snýst um. Við erum að leita að
kátum og lífsglöðum einstaklingi til
að takast á við draumadjobbið og
það hefur snjóað inn umsóknum
með tölvupósti. Stefnan er að gera
þetta að árlegum viðburði og aldrei
að vita nema það verði laus fleiri en
ein staða næsta sumar.“ ■
DRAUMASTARFIÐ LAUST
Leitað er nú að 17-20 ára einstaklingi til að
slást í hóp sjónvarpsstjarnanna á Popptíví.
Umsóknum snjóar inn
á Popptíví
Dómari í Salt Lake City í Utah íBandaríkjunum hafnaði skaða-
bótakröfu sjónvarps-
áhorfanda sem kærði
Janet Jackson. Maður-
inn sagði að ruðnings-
leikurinn sem Jackson
missti brjóstið út á hafi
átt að vera fjölskylduskemmtun og
að atvikið hafi valdið fjölskyldu hans
andlegum skaða. Maðurinn heimtaði
um 210 þúsund krónur í skaðabætur
en dómari sá ekki ástæðu til þess að
verða við beiðni hans.
Fantasia Barrino var krýndpoppstjarna í amerísku
stjörnuleitinni í gærkvöldi. Hún
tileinkaði tveggja ára dóttur sinni,
Zion, sigurinn og sagðist hafa
barist áfram svo dóttir hennar
gæti fengið það besta í lífinu.
Barrino vann yfirburðasigur á
Díönu DeGarmo en það munaði
rúmlega milljón atkvæðum á þeim
stöllum. Það má því með sanni
segja að sigur Barrino sé glæsi-
legur.
Neikvæði dómarinn og hug-
myndasmiður keppninnar, Simon
Cowell, sagði er úrslitin voru kunn
að bandaríska þjóðin hefði nú haft
fullkomlega rétt fyrir sér. Cowell
bætti síðan við að það væri enginn
listamaður sem hann vildi frekar
vinna með en Barrino.
DeGarmo lét hafa eftir sér er úr-
slitin voru ljós að keppninni væri
ekki endilega lokið þar sem hún
væri staðráðin í að gefa út plötu og
sagði Barrino að gæta sín, án þess
þó að hafa plötusamning í höfn.
Fyrsta smáskífa Barrino verður
„I Believe“ eftir Tamyra Gray en
þær spreyttu sig báðar á flutningi
þess í lokaþættinum. Í sumar fara
síðan þeir tólf sem komust í úrslit
keppninnar í tónleikaferð um
Bandaríkin. ■
Barrino skær-
asta stjarnan
FANTASIA BARRINO
Hún hlaut einróma lof dómnefndar á úrslitakvöldinu. Bandaríska þjóðin var sammála í
þetta skiptið og Fantasia vann því Idol-keppnina.
■ TÓNLIST