Fréttablaðið - 29.05.2004, Blaðsíða 78

ÞORSTEINN GUÐMUNDSSON
■ pælir í lífinu og tilverunni.
62 29. maí 2004 LAUGARDAGUR
■ MAÐURINN ER...
■ FÓLK Í FRÉTTUM
■ HRÓSIÐ
Við erum búnar að leika fjór-ar sýningar og þetta gengur
allt mjög vel,“ segir Selma
Björnsdóttir en hún og leikkon-
an Nanna Kristín Magnúsdóttir
hafa bæst við leikhóp Vestur-
portsins til að leika í Rómeu og
Júlíu. „Margrét Vilhjálmsdóttir
lék upphaflega bæði hlutverk
frú Kapúlett, mömmu Júlíu, og
Benvólíós en leikstjórinn Gísli
Örn bauð okkur Nönnu sitt
hvort hlutverkið þegar Margrét
þurfti frá að hverfa vegna
anna.“
Selma fer með hlutverk frú
Kapúlett.“Það er svolítið fyndið
þar sem ég og Nína Dögg, sem
leikur Júlíu, erum jafngamlar en
það er eitt af því sem er svo
töfrandi við leikhúsið að þar er
allt hægt. Þetta er fyrsta
Shakespeare-hlutverk mitt því
áður hef ég aðallega komið fram
í söngleikjum. Ég var því ákaf-
lega ánægð og stolt þegar Gísli
hringdi í mig og stökk auðvitað
strax á tilboðið,“ segir Selma
sem hefur nóg að gera því hún
æfir einnig um þessar mundir
eitt aðalkvenhlutverkið í Hárinu
sem verður frumsýnt í Austur-
bæ 9. júlí.
„Það er búið að sýna Rómeó
og Júlíu um það bil hundrað sinn-
um og það er ótrúlegt að koma
inn í hópinn og finna að það örlar
ekki á þreytu í mannskapnum.
Það er sama leikgleði og í upp-
hafi og alltaf verið að vinna að
því að bæta sýninguna.“
Selma og Nanna þurftu að taka
þátt í ströngum fimleikaæfingum
fyrir sýninguna. „Ég byrjaði á að
togna í bakinu á annarri æfingu á
mjög aulalegan hátt,“ segir Selma
sem er nú á hröðum batavegi og
vonast til að komast í heljarstökk
við fyrsta tækifæri. ■
Mamman jafngömul Júlíu
... fá aðstandendur Listahátíðar
í Reykjavík fyrir glæsilega há-
tíð í ár.
LEIKLIST
SELMA BJÖRNSDÓTTIR
■ Var ákaflega stolt og ánægð að vera
boðið hlutverk í Rómeó og Júlíu.
 

Alþjóðasnúðar
Ég hef verið að baka alþjóða-snúða til þess að átta mig á
stöðu minni og okkar Íslend-
inga, í heiminum. Ég byrjaði á
því að baka venjulegan snúð
með súkkulaði (glassúr, ekki
ekta). Það var reyndar meira
en að segja það, það tók mig tvo
daga að ná honum alveg rétt-
um, svona snúð eins og seldir
eru í bakaríum. Þennan snúð
kallaði ég Indland. Svo sneri ég
mér að Íslandssnúðnum og
reiknaði hlutföllin út frá fólks-
fjölda. Eins og nærri má geta
varð Íslandssnúðurinn mun
minni, reyndar um 4000 sinnum
minni, svo lítill að það er eigin-
lega ekki hægt að kalla hann
snúð, þó svo að hann sé það.
Bandaríkin eru kanilsnúður.
Ég fór í gegnum þetta með
dóttur minni en hún veit ekki
baun um Indland. Hvað er eig-
inlega kennt í leikskólum lands-
ins, spyr ég. Hún sýndi tak-
markaðan áhuga á snúðnum og
enn minni áhuga á stjórnmála-
skýringum mínum: Nú er Kon-
gress-flokkurinn kominn við
völd og í fyrsta skipti í sögu
Indlands er forsætisráðherrann
ekki hindúi, hugsaðu þér það, er
það nú ekki ansi merkilegt. Ég
sagði henni líka frá því að Man-
mohan Singh hefði hringt í Per-
vez Musharraf, forseta Pakist-
ans, og þeir hefðu sammælst
um að ná friðsamlegum samn-
ingum um kjarnorkumál og
koma samskiptum Indlands og
Pakistan í betra horf. Þetta eru
stórfréttir, horfðu á snúðinn en
ekki baunina, sagði ég. Pakistan
er sjö sinnum fámennari og ég
rétti henni Ritz-kex.
Dóttir mín lætur sig þetta
litlu varða og ég hef verið beð-
inn um að hætta að baka snúða,
það eru allir komnir með ógeð á
þeim. En þó að ég sé lélegur
bakari vil ég að fólk viti meira
um Indland og ef ég fæ ekki að
baka snúða í framtíðinni til
þess að koma skoðunum mínum
á framfæri finn ég upp á ein-
hverju öðru. Kannski geri ég
alþjóðagulrótarkökur, það er
nú bara ekki hægt að fá leið á
þeim.
Upplýsingar fengnar með góðu eða illu á
slóðinni: cia.gov/cia/publications/fact-
book/index.html
Við spurðum um Sigríði Árna-dóttur fréttastjóra Stöðvar 2
og Bylgjunnar á blaðsíðu 29. Hún
er tiltölulega ný í starfi en gegndi
áður starfi fréttamanns og síðar
varafréttastjóra á fréttastofu
Útvarps. Sigríður þykir almennt
taka sig vel út á skjánum þó ekki
búi hún að langri reynslu af sjón-
varpsvélum. ■
Kysstu mig
frumflutt í kvöld
Kvöldinu í kvöld ver ég í Mið-garði í Skagafirði þar sem
hljómsveitin Í svörtum fötum mun
trylla Norðlendinga,“ segir Einar
Örn Jónsson hljómborðsleikari
sveitarinnar. „Þetta er fyrsta
sveitaball sumarsins og mikil
spenna í bandinu. Við erum búnir að
skipuleggja mikinn túr um landið
og hlökkum mjög til.“ Einar segir að
þó hljómsveitin spili allan ársins
hring sé munur á að spila á sumrin
og á veturna. „Það er líka ágætt að
þurfa ekki lengur að ferðast í kulda-
galla með húfur og vettlinga og
búast allt eins við að sitja fastir á
einhverri heiðinni.“
Ballið hefst upp úr miðnætti en
tímanum fram að því ver hljóm-
sveitin saman. „Það er búið að bjóða
okkur í grillveislu í Varmahlíð.
Félagar okkar frá Akranesi ætla að
mæta á svæðið og slá upp veislu
fyrir ballið. Við reynum að þiggja
þetta góða boð en það er þó óvíst
hvort af því geti orðið. Það er nefni-
lega að nægu að huga fyrir ball, við
nýtum svona stundir gjarnan til að
æfa svolítið og fá góðan hljóm í
græjurnar.“
Einar segir að nýtt lag sveitar-
innar, Kysstu mig, verði frumflutt í
Miðgarði. „Það hefur aldrei heyrst
áður og reyndar er textinn ekki til-
búinn. Hann verður saminn á leið-
inni norður. Annars vita þeir sem
komið hafa á böllin okkar á hverju
þeir eiga von. Þetta verður
rokksveitaball eins og þau gerast
best. „
Annað kvöld verður í Svörtum
fötum í Breiðinni á Akranesi en
mánudaginn er almennur frídagur
fyrir þá sem ekki vita. Laugardags-
kvöld sumarsins verða svo með
svipuðu sniðu hjá Einari, hann situr
við hljómborðið sitt á hinum og
þessum sviðum vítt og breitt um
landið. ■
SELMA OG NANNA
Hafa nú tekið við hlutverkum frú Kapúlett
og Benvólíós í uppsetningu Vesturportsins
á Rómeó og Júlíu.
EINAR ÖRN JÓNSSON
Semur texta við nýtt lag á leiðinni í Skagafjörðinn í dag og leikur svo á dúndrandi dans-
leik í Miðgarði í kvöld
LAUGARDAGSKVÖLD
EINAR ÖRN JÓNSSON
■ Spilar á balli með Í svörtum fötum í
Miðgarði í kvöld
Sævar Karl erþrítugur um
þessar mundir. Þá
er að sjálfsögðu
ekki átt við klæð-
skerann sjálfan,
heldur verslun hans
sem nú er í Banka-
strætinu. Í dag má
því búast við útitónleikum í Banka-
strætinu, þar sem sagt er að nokkr-
ir af færustu tónlistamönnum
landsins muni leika í tilefni dags-
ins. Á þessum lokadögum Listahá-
tíðar er við hæfi að það verði lítil
listahátíð í Bankastrætinu í dag
eftir klukkan 14.30.
■ VEISTU SVARIÐ?
Svör við spurningum á bls. 6
1.
2.
3.
Hernes.
KR vann Víking 2-1.
Mikhaíl Khodorkovsky.
Sigríður Árnadóttir