Fréttablaðið - 02.06.2004, Blaðsíða 6
6 2. júní 2004 MIÐVIKUDAGUR
GENGI GJALDMIÐLA
Bandaríkjadalur 71,44 -0,15%
Sterlingspund 131,31 -0,03%
Dönsk króna 11,76 -0,18%
Evra 87,5 -0,17%
Gengisvísitala krónu 122,1 -0,26%
KAUPHÖLL ÍSLANDS
Fjöldi viðskipta 499
Velta 28.596 milljónir
ICEX-15 2.675 0,38%
MESTU VIÐSKIPTIN
Íslandsbanki hf. 6.606.917
Tryggingamiðstöðin hf. 5.300.099
Straumur Fjárfestingarbanki hf . 1.116.845
MESTA HÆKKUN
Bakkavör Group hf. 2,15%
Tryggingamiðstöðin hf. 1,21%
Íslandsbanki hf. 1,20
MESTA LÆKKUN
Nýherji hf. -3,53%
Flugleiðir hf. -1,89%
Marel hf. -1,15%
ERLENDAR VÍSITÖLUR
DJ* 10.163,5 -0,2%
Nasdaq* 1.977,1 -0,5%
FTSE 4.422,7 -0,2%
DAX 3.864,2 -1,5%
NK50 1.404,3 0,1%
S&P* 1.117,0 -0,3%
*Bandarískar vísitölur kl. 17.00
VEISTU SVARIÐ?
1Keyrt var á hótel á Fáskrúðsfirði umliðna helgi. Hótelið ber nafn til að
standa af sér slíkar ákeyrslur. Hvað heitir
það?
2Hvaða íslenski landsliðsmaður fékkað líta rauða spjaldið í vináttuleik
gegn Japönum um helgina?
3Flutningaskipið Hernes laskaðist mik-ið þegar það strandaði á dögunum.
Hvað var skipið að flytja?
Svörin eru á bls. 22
-ráð dagsins
Úðið ediklausn á hlandbletti eftir gæludýr (1:5).
Það vinnur gegn lyktinni.
ICELANDAIR Ólöglegt og fyrirvara-
laust skyndiverkfall afgreiðslu-
fólks og hlaðmanna á Kastrup-
flugvelli í Danörku hindraði að
um áttatíu farþegar Icelandair
kæmust um borð í síðdegisvél
flugfélagsins í fyrradag, segir
Guðjón Arngrímsson, upplýs-
ingafulltrúi flugfélagsins. Meðal
þeirra voru þrjátíu og tveir 10.
bekkingar Háteigsskóla og fimm
fararstjórar þeirra.
Guðjón segir að mikið öng-
þveiti hafi skapaðist við verkfall-
ið og fella hafi þurft á áttunda
tug fluga niður. Menn hafi
hræðst að fella yrði niður flugið
og því hafi tæplega helmingur
farþega verið skilinn eftir.
Kári Tryggvason, einn farar-
stjóra Háteigsskólakrakkanna,
segir hópinn hafa beiðið í átta
klukkustundir án upplýsinga í
flugstöðvarbyggingunni. „Við
vorum stemmd í það að fara
heim,“ segir Kári en vegna verk-
fallsins skiluðu níu töskur nem-
andanna sér ekki með heimflug-
inu í gær.
Guðjón segir að flugfélagið
hafi séð til þess að nemendur Há-
teigsskóla hafi fengið gistingu og
koma þeim á áningarstað. Við
þessar aðstæður ber flugfélög-
um ekki að gera slíkt segir Guð-
jón. ■
ICELANDAIR
Nemendur Háteigsskóla voru í heimsókn
hjá norskum fjölskyldum í Osló. „Þarna
kom berlega í ljós að íslenskir krakkar eru
til fyrirmyndar á Norðurlöndum,“ sagði
Kári Tryggvason, fararstjóri í hópnum.
Ólöglegt skyndiverkfall á Kastrup:
Nemendur strandaglópar í Köben
Seinheppinn Dani:
Skaut sig
í fótinn
DANMÖRK Danskur maður á þrítugs-
aldri skaut sig tvívegis í fótinn,
fyrst þegar hann stakk byssu inn
undir buxnastrenginn og svo aftur
þegar hann ætlaði að taka hana úr
buxunum eftir að hafa skotið sig í
fyrra skiptið. Hvorugt skotanna olli
alvarlegum skaða.
Að sögn danska ríkisútvarpsins
var maðurinn að sýna félögum sín-
um byssuna þegar hann varð var við
að lögreglubíll nálgaðist þá. Þá ætl-
aði hann að fela byssuna og brá á það
ráð að stinga henni í buxnastrenginn
með fyrrgreindum afleiðingum. ■
Mjólkursamningur:
Meirihluti
samþykkti
LANDBÚNAÐUR Yfirgnæfandi meiri-
hluti kúabænda samþykkti nýjan
mjólkursamning, um 94% af þeim
sem greiddu atkvæði um hann.
Alls voru 1.529 á kjörskrá. Kosn-
ingaþátttaka var 67%. Samtals 961
voru með samþykkt samningsins
eða 94%. Þeir sem höfnuðu honum
voru 43 eða 4%.
Samningurinn gildir frá 1.
september 2005 til 31. ágúst 2012.
Hann kveður á um óbreytta fram-
leiðslustýringu við mjólkurfram-
leiðslu en ákvörðun heildar-
greiðslumarks mjólkur byggir á
neyslu innlendra mjólkurvara
undanfarna tólf mánuði. ■
MJÓLKURSAMNINGUR
Samþykktur með 96% greiddra atkvæða.
Samtök ferðaþjónustu:
Mótmæla
hvalveiðum
FERÐAÞJÓNUSTA Samtök ferðaþjón-
ustunnar mótmæla ákvörðun rík-
isstjórnarinnar um að halda
áfram hvalveiðum í vísindaskyni
hér við land í sumar. Samtökin
hafi ítrekað bent á að á helstu
markaðssvæðum íslenskrar
ferðaþjónustu ríki almenn and-
staða við hvalveiðar og hætta sé á
að ímynd Íslands erlendis skaðist
vegna þessara áforma.
Á tæpum áratug hefur ferða-
mönnum sem hafa farið í hvala-
skoðun fjölgað úr tveimur þús-
undum 1995 í yfir 70 þúsund 2003,
segja samtökin. ■
BANASLYS Alls hafa níu manns lát-
ist í þeim sjö banaslysum í um-
ferðinni hér á landi það sem af er
þessu ári. Tvö banaslys urðu í
Reykjavík en fimm utan höfuð-
borgarsvæðisins. Á sama tíma í
fyrra höfðu fimm manns látist í
fjórum banaslysum.
Sigurður Helgason hjá Um-
ferðarstofu segir fjölda bana-
slysa á ári sveiflast frá því að
vera tíu manns upp í rúmlega
þrjátíu. Hann segir að árið 2000
hafi verið slæmt ár í umferðinni
því þá hafi fjöldi látinna verið
þrjátíu og tveir.
“Grundvallarmarkmið með
okkar starfi er að fækka slys-
um og að sjálfsögðu viljum við
engin slys í umferðinni. Við
höfum í auknum mæli verið að
fylgjast með hraðanum og
stjórnast hann fyrst og fremst
af aðstæðum þannig að fólk fer
að auka hraðann þegar tíðin
batnar. Það sem við viljum
fyrst og fremst koma inn hjá
fólki er áhrif og afleiðingar
aukins hraða. Það er ekki nóg
að taka fólk endalaust fyrir of
hraðan akstur, það þarf líka að
gera fólki grein fyrir hversu al-
varlegar afleiðingar hann hefur
ef eitthvað bregður út af í
akstri,“ segir Sigurður.
Hann segir að forvarnir hjá
ungu fólki hafi skilað sér í fækk-
un á tjónum og þar hafi trygg-
ingafélögin verið að vinna gott
forvarnarstarf. Hlutfall eldra
fólks hefur aftur á móti hækkað
af þeim sem deyja í umferðinni.
„Það er þróun sem við höfum séð
síðustu árin, fyrir um áratug var
það nær eingöngu ungt fólk sem
dó í bílslysum en nú hefur þetta
snúist við. Af þeim tuttugu og
þremur sem dóu í umferðinni í
fyrra voru tíu manns sextíu ára
og eldri,“ segir Sigurður.
Hann segir að lítið megi út af
bregða í akstri, oft á tíðum sé at-
hygli fólks ekki í lagi og augna-
bliks athyglisbrestur geti haft
afdrifaríkar afleiðingar. „Það er
svo mikið áreiti á fólk, margir
eru að hlusta á útvarpið, tala í
símann, reykja og svo framveg-
is. Þetta hefur allt áhrif. Ef við
fengjum fulla athygli allra við
aksturinn værum við í góðum
málum,“ segir Sigurður. ■
BANASLYS Í UMFERÐINNI
FRÁ ÁRAMÓTUM
Suðurlandsvegur 10. jan. 24 ára karl
Höfðabakki 2. feb. 64 ára karl
Norðurlandsvegur 18. feb. 45 ára kona
Vesturlandsvegur 20. feb. 13 ára stúlka
Vesturlandsvegur 20. feb. 13 ára stúlka
Akranes 30. mars 76 ára karl
Akranes 30. mars 74 ára kona
Reykjanesbraut 19. maí 52 ára karl
Reykjavík 26. maí 89 ára kona
Níu hafa látist í
umferðinni á árinu
Alls hafa níu manns látist í umferðarslysum hér á landi frá áramótum. Á
sama tíma í fyrra höfðu fimm manns látist. Hraðinn eykst með vorinu.
NÍU MANNS HAFA LÁTIST Í UMFERÐINNI ÞAÐ SEM AF ER ÁRINU
„Grundvallarmarkmið með okkar starfi er að fækka slysum og að sjálfsögðu viljum við
engin slys í umferðinni,“ segir Sigurður Helgason hjá Umferðarstofu.
Stóra Landssímamálið:
Aðalmeðferð
hefst í dag
DÓMSMÁL Aðalmeðferð í stóra
Landssímamálinu hefst klukkan
eitt í dag í Héraðsdómi Reykjavík-
ur. Búst er við að aðalmeðferð
málsins taki tvo daga, en að því
loknu hafa dómarar nokkurn tíma
til að kveða upp úrskurð sinn. Þó
er búist við úrskurði innan þrigg-
ja vikna frá því að aðalmeðferð
lýkur.
Sveinbjörn Kristjánsson,
fyrrum aðalgjaldkeri Landssím-
ans, hefur játað á sig fjárdrátt
upp á 250 milljónir króna, en auk
hans eru fjórir aðrir ákærðir fyr-
ir aðild sína að málinu. Málið var
þingfest um miðjan apríl. ■