Fréttablaðið - 02.06.2004, Blaðsíða 13
13MIÐVIKUDAGUR 2. júní 2004
VERSLUN Rétt tæp 60% landsmanna
vilja geta keypt bjór og léttvín í
matvöruverslunum. Þetta er nið-
urstaða símakönnunar sem IMG
Gallup gerði fyrir Samtök versl-
unar og þjónustu 5.-18. maí sl.
Sambærilegar kannanir hafa
verið gerðar nokkrum sinnum
áður og niðurstaðan alltaf sú sama;
meirihlutinn vill geta keypt léttvín
og bjór í matvöruverslunum. 35%
svarenda voru andvíg sölu þessara
drykkjarvara í matvöruverslunum
og 5,4% tóku ekki afstöðu.
Upphaflegt úrtak IMG var
1.350 manns á aldrinum 16-75 ára
og fjöldi svarenda var 800 manns.
Eins og í fyrri könnunum kom í
ljós að karlar eru fylgjandi í meiri
mæli en konur. Þannig voru 65,7%
karla fylgjandi frjálsri sölu en
53,5% kvenna.
Greinilegt er að neytendur
flokka léttvín og bjór með matvör-
um og öðru því sem selt er í dag-
vöruverslunum. Tímabært er því
fyrir stjórnvöld að viðurkenna
þessar breyttu neysluvenjur og
aflétta einkasölu ríkisins á léttvíni
og bjór, að því er segir í tilkynn-
ingu frá SVÞ. ■ DAGUR BARNANNA
Kínverskur drengur bregður sér í gervi
Kuomingtang-herforingja í tilefni dags
barnanna sem haldinn var hátíðlegur í
Peking í gær. Hundruð barna komu fram í
margvíslegum búningum nærri Forboðnu
borginni í höfuðborg Kína.
AUSTUR-HÉRAÐ Austur-Hérað og Ís-
lenskir aðalverktakar undirrituðu
á dögunum samning um byggingu
nýs leikskóla við Skógarlönd á
Egilsstöðum.
Undirritunin fór fram í sal
bæjarstjórnar en að henni lokinni
var fyrsta skóflustungan tekin
með aðstoð leikskólabarna á Aust-
ur-Héraði.
Í fyrsta áfanga verður byggður
fjögurra deilda leikskóli, samtals
um 880 fermetrar, ásamt sameig-
inlegu rými fyrir sex leikskóla-
deildir. Við hönnun byggingarinn-
ar er gert ráð fyrir að hún rúmi
sex deildir. Lóð og bílastæði verða
fullfrágengin að öllu leyti og sett
verða upp leiktæki og allur búnað-
ur eins og um sex deilda leikskóla
væri að ræða.
Bygging nýs leikskóla bætir úr
brýnni þörf fyrir leikskólapláss á
Austur-Héraði í kjölfar þeirrar
fólksfjölgunar sem orðið hefur í
sveitarfélaginu undanfarin miss-
eri. Gert er ráð fyrir að leikskól-
inn verði tekinn í notkun í maí
árið 2005. ■
Mexíkósk stjórnvöld semja við tóbaksframleiðendur:
Tóbakið fjármagni
heilbrigðiskerfið
MEXÍKÓBORG, AP Mexíkósk tóbaks-
fyrirtæki munu greiða andvirði
um 25 milljarða króna til rekstr-
ar heilbrigðiskerfis landsins
næstu tvö árin samkvæmt sam-
komulagi við stjórnvöld. Féð á
að nýtast fátækustu þegnum
landsins, sérstaklega þegar
kemur að greiðslu sjúkrakostn-
aðar.
Tilkynnt var um samkomu-
lagið í gær, á reyklausa deginum
alþjóðlega. Samkomulagið kem-
ur í veg fyrir að nýir skattar
verði lagðir á tóbaksfyrirtæki.
Skattar á tóbak hafa hækkað ár-
lega samkvæmt lögum sem voru
samþykkt árið 2002.
„Þessi framlög munu hjálpa
mexíkóskum fjölskyldum að
greiða fyrir læknisþjónustu og lyf
sem þarf við meðferð kostnaðar-
sömustu sjúkdómanna,“ sagði
Vicente Fox forseti þegar hann
kynnti samkomulagið. Það gildir
út nóvember 2006, eða þar til
kjörtímabil forsetans rennur út.
Ný könnun gefur til kynna að
helmingur þrettán til fimmtán ára
nemenda í Mexíkó hafi prófað að
reykja og að fimmtungur þeirra
reyki reglulega. 46% búa á heimili
þar sem einhver reykir.
Mexíkósk stjórnvöld bönnuðu
reykingar á lokuðum opinberum
stöðum í júlí árið 2000 og hafa
sett takmarkanir við tóbaks-
auglýsingum. ■
Samið um byggingu leikskóla á Egilsstöðum:
Börnin tóku fyrstu skóflustunguna
FYRSTA SKÓFLUSTUNGAN
Ágústa Björnsdóttir, formaður fræðslu- og
menningarráðs Austur-Héraðs, og leikskóla-
börn í sveitarfélaginu taka fyrstu skóflustung-
una að nýjum leikskóla á Egilsstöðum.
EFNAHAGSMÁL „Skattar á arð-
greiðslur milli fyrirtækja eru til
þess fallnir að leysa upp flókið net
eignatengsla fyrirtækja en
íþyngja ekki fyrirtækjum sem
vinna eingöngu að því að hámarka
hagnað sinn,“ segir Jón Steinsson,
doktorsnemi í hagfræði við
Harvard-háskóla.
Hann telur
þessa leið hent-
ugri en sam-
keppnislög til að
koma í veg fyrir
hringamyndanir
fyrirtækja.
„Sumir hefðu
kannski áhyggj-
ur af því að
samkeppnislög-
um mætti beita
gegn ákveðnum
f y r i r t æ k j u m
umfram önnur.
Með skattlagn-
ingu af þessu tagi er búið að úti-
loka að það gerist og þannig eyða
tortryggni,“ segir Jón. Bandarík-
in eru eina landið í heiminum þar
sem arðgreiðslur milli fyrir-
tækja eru skattlagðar og þar ráða
fyrirtækjasamsteypur ekki lög-
um og lofum í efnahagslífinu, líkt
og þær gera í Japan, Þýskalandi,
Ítalíu og Svíþjóð. Á síðasta ári
stóð til að ríkisstjórn Bush afnæ-
mi skatta á arðgreiðslur milli
fyrirtækja, en hætt var við þær
fyrirætlanir þegar í ljós kom að
það yrði til að efla fyrirtækja-
samsteypur á kostnað smærri
fyrirtækja.
Valgerður Sverrisdóttir, við-
skipta- og iðnaðarráðherra, hefur
skipað nefnd um stefnumótun ís-
lensks viðskiptaumhverfis en hún
fjallar meðal annars um sam-
þjöppun á fyrirtækjamarkaði.
Gylfi Magnússon, dósent við við-
skiptafræðiskor Háskóla Íslands,
stýrir nefndinni. Hann vill ekki
greina frá niðurstöðum hennar að
svo stöddu en segir að nefndin
hafi veitt hugmyndum um skatt-
lagningu arðgreiðslna milli fyrir-
tækja athygli. Niðurstöðu nefnd-
arinnar er að vænta 1. september
næstkomandi. ■
JÓN STEINSSON HAGFRÆÐINGUR
Skattar á arðgreiðslur hafa gefist vel í
Bandaríkjunum til að sporna við fákeppni.
LÉTTVÍN
Meirihluti landsmanna vill geta keypt rauðvín með steikinni eða bjór með grillinu í mat-
vöruverslunum samkvæmt könnun Gallups.
VÍNKÖNNUN
Fylgjandi 59,6%
Andvígir 35%
Óákveðnir 5,4%
Ný könnun Samtaka verslunar og þjónustu:
Meirihluti vill vín í matvöruverslanir
REYKLAUSI DAGURINN
Alþjóðlegi reyklausi dagurinn var í gær og
víða voru uppákomur af því tilefni. Þessir
Indverjar kröfðust hreinna lofts.
Skattar betri en
samkeppnislög
Doktorsnemi við Harvard segir aðrar leiðir en
samkeppnislög hentugri til að sporna við sam-
þjöppun á fyrirtækjamarkaði.
„Sumir
hefðu kannski
áhyggjur af
því að sam-
keppnislögum
mætti beita
gegn ákveðn-
um fyrirtækj-
um umfram
önnur.